ಗಲ್ಪಾಗಾರಾoಚಿ ಜಿಣಿಯೆ ಕಥಾ...

ಗಲ್ಪಾಗಾರಾoಚಿ ಜಿಣಿಯೆ ಕಥಾ...

ದೊಳ್ಯಾoತ್ ಭರುಲ್ಲಿo ದುಖಾ ಪುಸೊನ್

ಬಾಯ್ಲೆ ಭುರ್ಗ್ಯಾಂಕ್ ಆದೇವ್ಸ್ ಮಾಗೊನ್

ಲಾನ್ ಮ್ಹಜಿ ಏಕ್ ಪೇಟ್ ಘೆವೊನ್

ಬಜ್ಪ್ಯಾ ವಿಮಾನ್ ಥಳಾಕ್ ಪಾವ್ಲೊo ಟೆಕ್ಸಿ ಧರೂನ್

ಸಬಾರಾoಚಿ ಆಶಾ- ಆಕಾoಶಾ ಗರ್ಬಾoತ್ ಘೆವೊನ್

ವಿಮಾನ್ ಉಬ್ತಾಲೆo ಮೊಳ್ಬಾರ್ ಚುಪಾ -ಲಿಪಿ ಖೆಳೊನ್

ಸಾಡೆ ತೀನ್ ವೊರಾoಚ್ಯಾ ಲಾoಬ್ ಪಯ್ಣಾನ್

ದೆವೆಯ್ಲೆo ಆಮ್ಕಾo ಗಲ್ಪಾoತ್ ಸುರಕ್ಶಾಯೆನ್

ಗಲ್ಪಾತ್ಲೊo ಪಯ್ಲೊ ದೀಸ್ ಗೆಲೊ ಕಶ್ಟಾನ್

ಸುಕಿ ಬಾಕ್ರಿ ಅನಿ ಸುಲೆಮಾನಿ ಚಾ ಪಿಯೆವ್ನ್

ಗಾವಾoತ್ ಬಾಯ್ಲ್ ಥರಾವಳ್ ರಾoದೊನ್ ದಿತೆಲೆಂ

ತರೀ ಮ್ಹಾಕಾ ಖೊಡಿಯೊ ಕಾಡುಂಕ್ ಪಡ್ತಾಲೆ

ಗಲ್ಪಾಕ್ ಯೆತಾನಾ ಕಿತೆo ಕಿತೆo ಆಶೆವ್ನ್ ಆಸುಲ್ಲೊಂ 

ಹಾoಗಾ ಗಲ್ಪಾಚ್ಯಾ ವೊತಾಕ್ ಪುರಾ ಕರ್ಪೊನ್ ಗೆಲ್ಲೊಂ

ನಾoತ್ ಹಾಗಾ ಕೊಣಿ ಆಮ್ಚಿಂ ದುಖಾಂ ಪುಸುoಕ್

ನಾoತ್ ಹಾoಗಾ ಕೊಣಿ ಆಮ್ಕಾo ಭುಜ್ವೊಣ್ ದಿಂವ್ಕ್

ಗಾವ್ಚಿo ಚಿoತಾತ್ ಗಲ್ಪ್ ಮ್ಹಳ್ಯಾರ್ ಸ್ವರ್ಗ್ ಮ್ಹಣೊನ್

ಪಯ್ಶೆ ಉತ್ಪತ್ ಕರ್ಚೆo ಮಿಶಿನ್ ಮ್ಹಣೊನ್

ಬಾರಾ ಥಾವ್ನ್ ಚೊವ್ದಾ ವೊರಾo ವೊತಾoತ್ ಕರ್ಪೊನ್ 

ಮಹಿನೊ ಭರ್ ರಾಕಜೆ ಸುಕೊ ಸಾoಬಳ್ ಘೆಂವ್ಕ್

ಗಲ್ಪಾತ್ಲ್ಯಾoಕ್ ನಾ ಕುಟ್ಮಾoತ್ಲೆಂ ಕಾಜರ್, ಮೋರ್ನ್ , ಮೀಸ್

ಕುಟ್ಮಾoಕ್ ಚಿoತೊನ್ ದುಖಾಂ ಗಳಯ್ಜೆ ಹರ್ಯೆಕ್ ದೀಸ್

ಕೊಣಾಕ್ ಕಳಿತ್ ಆಮಿo ಆಸಾಂವ್ ಕಿತ್ಲ್ಯಾ ಕಶ್ಟಾನ್

ಜೀಣ್ ಬೊರ್ ಗೊಳ್ತಾoವ್ ನಾ ಕುಶೆನ್

ನಾ ಆಮ್ಕಾಂ ಕಸಲೆಂಯ್ ಕಾರ್ಯೆಂ ಅಪುರ್ಬಾಯೆಚೆಂ

ನಾ ಆಮ್ಕಾಂ ಫೊನ್ ಖoಚಾಯ್ ಸಯ್ರ್ಯಾ ದಯ್ರ್ಯಾಚೆo

ಜೀವನ್ ಜಾಲಾಂ ದೋನ್ ವರ್ಸಾಂ ಜೈಲಾoತ್ ಗಾಲ್ಯಾ ಬರಿ

ಕಾಮ್ ಕರ್ತಾoವ್ ಬಾರಾ ವೊರಾo ಎಕಾ ಗಾಡ್ವಾಬರಿ

ಸರ್ವೆಸ್ಪೊರಾ ಹಾoವ್ ಮಾಗ್ತಾo ಸರ್ವ್ ಗಲ್ಪಾಗಾರಾo ಪಾಸೊತ್

ದೀ ತಾಂಕಾ ಬರಿ ಭಲಾಯ್ಕಿ ಆನಿ ಮತಿಕ್ ಸಮಾಧಾನ್

ದೀ ತಾoಕಾ ಘಟಾಯ್ ಆನಿ ಕುಡಿಕ್ ಬರೆಂಪಣ್

ಭರ್ ತಾoಕಾ ತುಜ್ಯಾ ಅಪರಿಮಿತ್ ಬೆಸಾoವಾನ್

: -  ಸುರೇಶ್ ಸಲ್ಡಾನ್, ಪನ್ವೆಲ್, ಅಬುಧಾಬಿ.

Published in  :  Aankri .com