ಅಖೇರಿಚೊ ಜಾಗೊ ......( ಸ ಪಟಿಚೊ ಪೊಂಡ್)

ಏ ಮ್ಹುನ್ಸ್ಯಾ.............

ಗರ್ಬಾಂತ್ ಮ್ಹಜ್ಯಾ ಲಿಪೊನ್

ವೆಂಗೆಂತ್ ಮ್ಹಜ್ಯಾ ಭರೊನ್

ಉಧರಾಂತ್ ಮ್ಹಜ್ಯಾ ಖೆಳೊನ್

ಅಸಾಯ್ ತುಂ ಸುಶೆಗಾತ್ ನಿದೊನ್.

ನಾ ತುಕಾ ಕೊಣಾಯ್ಚಿ ಖಂತ್

ನಾ ತುಕಾ ಕೊಣಾಯ್ಚಿ ಭಿರಾಂತ್

ಆಸಾಯ್ ತುಂ ಹಾಂಗಾ ಏಕಾಂತ್

ಘೆವ್ನ್ ಅಸಾಯ್ ಲಾಂಬ್ ವಿಶ್ರಾಂತ್

ಗ್ರೇಸ್ತ್ ಯಾ ದುಬ್ಳೊ, ಪಾತ್ಕಿ ಯಾ ಸತ್ತಿ

ಅಖೆರಿಕ್ ಮ್ಹೆಳ್ಚಿ ತುಕಾ ಮುಟ್ ಭರ್ ಮಾತಿ

ಕಿತ್ಯಾಕ್ ಜಗಾಡ್ತಾಯ್, ಕಿತ್ಯಾಕ್ ಮೊಸೊರ್ ಕರ್ತಾಯ್ ?

ಅಖೆರಿಕ್ ರಿತ್ಯಾ ಹಾತಾನಿಂಚ್ ಹಾಂಗಾಸರ್ ಯೆತಾಯ್

ಹಾಂವ್ ಕರಿನಾ ಕೊಣಾಚೊ ಭೇದ್ ಬಾವ್

ಮ್ಹಾಕಾ ಸರ್ವ್ ಏಕಾಚ್ ಮಾಪಾಚೆ ಭಯ್ಣಿ ಅನಿ ಭಾವ್

ಊಠ್ ಮ್ಹನ್ಶ್ಯಾ ಜಾಗೊ ಜಾ, ಮೊಗಾನ್ ಪಳೆ ಪೆಲ್ಯಾಕ್ ತುಜ್ಯಾ 

ಆನಿ ಖುಶೆನ್ ಯೆವ್ನ್ ನಿದೆ ಉಸ್ಕ್ಯಾರ್ ಮ್ಹುಜ್ಯಾ.

 : - ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ

Published in  :  Aankri .com