ಫೀತಿಸ್ಫೊಣ್..

ಫೀತಿಸ್ಫೊಣ್..

ಈಷ್ಟ್ ಮಜೊ
ಆಫೀಸಾಕ್ ವಚೊಂಕ್
ಗಾಡಿಯೆರ್ ಬಸ್ತಾನಾ
ಚೆಡೊ ಏಕ್ ಧಾಂವಾತ್ ಯೆತಾ
ಹಾತಾಂತ್  ಲಿಂಬೊ ಮಿರ್ಸಾಂಗ್
ದೀವ್ನ್ ಸಾಂಗ್ತಾ
ಹೆಂ ತುಂ ಬಾಂದ್ಶಿ ತರ್
ತುಕಾ ಆವ್ಗಾಡಾಂತ್ಲೆ ದೇವ್ ರಾಕ್ತಾ..
ಲಿಂಬೊ ಬಾಂದುನ್
ಗಾಡಿ ಬಾಯ್ರ್ ಕಾಡ್ತಾಚ್
ಅನ್ಯೆಕ್ ಗಾಡಿಯೆಚೊ
ಯೇವ್ನ್ ತಾಕಾ ಆದ್ಳೊನ್
ಗಾಡಿ ತಾಚಿ ಗ್ಯಾರೆಜಿಕ್ ಪಾವ್ತಾ...

ವರ್ಸಾ ಉಪ್ರಾಂತ್
ಮ್ಹಜ್ಯಾ ಇಷ್ಟಾಚಿ ಮೆಸೆಜ್
ವಾಟ್ಸಾಪಾರ್ ಯೆತಾ
ಪಳೆವ್ನ್ ತೆಂ ಕಾಳಿಜ್
ಮಜೆಂ ಸಂತೋಸಾನ್ ನಾಚ್ತಾ
ವಾಚ್ತಾನಾ ರಾಗ್
ಮಜೊ ತಕ್ಲೆಕ್ ಸೊಡ್ತಾ..
ತಾಂತು ಅಶೆಂ ಬರೆವ್ನ್ ಆಸ್ತಾ
ಹಿ ಮೆಸೆಜ್ ತುಜ್ಯಾ
ವೀಸ್ ಪ್ರೆಂಡ್ಸಾಂಕ್
ಧಾಡ್ಶಿ ತರ್ ತುಜೆಂ ಥಂಯ್
ಅಜಾಪ್ ಘಡ್ತಾ..
ಬೊರೆಂ ಫಾಲೆಂ  ವಿಸಾರಿನಾತುಲ್ಲೊ
ಇಶ್ಟ್ ಮ್ಹಜೊ ಆಜ್
ತಾಚಿ ಶನಿ ಸೊಡೊಂವ್ಕ್
ತಿ ಮೆಸೆಜ್
ಮಾಕಾ ಡಾಡೊನ್
ತೊ ಮರ್ಜೆನ್ ಜಿಯೆತಾ

ಪೇಸ್ ಬುಕಾರ್
ಏಕ್ ವಿದ್ರುಪ್
ಪೊಟೊ ಗಾಲುನ್
ತಾಂತು ಅಶೆಂ ಬರೆವ್ನ್ ಅಸ್ತಾ
ಪಳೆತಾಚ್ ತುಮಿ
"ಆಮೆನ್"  ಮಣ್  ಕಮೆಂಟ್ಸ್
ಕರಿನಾಂಯ್ ತರ್
ಸಾತ್ ವರ್ಸಾಂ ತುಜೆಂ ಥಂಯ್
ಅಪಶಕುನ ರಾಕೊನ್ ಆಸ್ತಾ..
ಪಾಲ್ಯಾಂ ಆಮಿ
ಜೀವಂತ್ ಆಸಾಂವ್
ಮಣ್ ಆಮ್ಕಾಂ
ಕಳಿತ್ ನಾ ತರಿ
ಸಬಾರ್ ಅನ್ಬವಾಡ್ತಿ
ತಾಂತು "ಆಮೆನ್" ಮಣ್ತಾತ್..
ಯಾ ತಾಕಾ ಷೇರ್ ಕರ್ನ್
ಸಂಸಾರ ಭರ್ ಗಾಣಾಯ್ತಾತ್

ಹಾಯ್ ಕಿತೆಂ ಸಾಂಗು
ಆಜ್- ಕಾಲ್
ಮನಿಸ್ ತೊ ಶಿಕ್ಪಿ ತರಿ
ಹ್ಯಾ ಫೀತಿಸ್ಫೊಣಾಕ್
ಲಾಗೊನ್ ಅಶಿಕ್ಪಿ ಜಾವ್ನ್
ಭೊಂವೊನ್ ಆಸಾ
ಹ್ಯಾ ಸಂಸಾರಾರ್.......

:- ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ 

Published in : Aankri.com