ಹಾಸೊ ಆನಿ ಹಂಕಾರ್ ...

ಹಾಸೊ ಆನಿ ಹಂಕಾರ್ ....

ಕುಡಿಂತ್ ಉಸ್ವಾಸ್ ಆಸ್ತಾನಾ
ಪುರ್ಸೊತ್ ನಾ ಆಮ್ಕಾಂ
ಏಕಾಮೆಕಾ ಕಡೆ ಉಲೊಂವ್ಕ್
ಯಾ ತಾಂಚೆಂ ಸುಖ್ ದುಕ್
ವಾಂಟೊನ್ ಘೆಂವ್ಕ್ ...

ತೆಂಚ್ ಉಸ್ವಾಸ್ ನಾತುಲ್ಯಾ ಕುಡಿಕ್
ವಡ್ ವಡ್ ಖುರಿಸ್ ಯಾ ರೀದ್ ಘೆವ್ನ್
ತಾಚೆ ಮುಸ್ಕಾರ್ ಪಳೆಂವ್ಕ್ ಅತ್ರೆಗ್ಚೊ
ಲೋಕ್ ಚ್ ಭರೊನ್ ಗೆಲಾ ಅಧಿಕ್

ಉಡಾಸ್ ದವರ್ ಭಾವಾ ಮಜ್ಯಾ
ಮೆಲ್ಯಾ ಕುಡಿಚೆ ಮುಸ್ಕಾರ್ ಪಳೆಂವ್ಕ್
ಕಿತ್ಲೊ ತುಂ ದರ್ವಾಡ್ತಾಯ್ ಗಿ ...
ತೆಂಚ್ ತೊ ಜೀವಂತ್ ಆಸ್ತಾನಾ ದರ್ವೊಡ್

ನಿರ್ಜಿವ್ ಕುಡಿಕ್ ಪುಲಾಂನಿ ಸೊಬೊಂವ್ಚ್ಯಾಕ್
ತೊ ಜೀವಂತ್ ಆಸ್ತಾನ ತಾಕಾ ಪುಲಾನಿಂ ಸೊಭಯ್
ಮಾತಿ ಖಾಂವ್ಚಾ ಕುಡಿಕ್ ಕಿತೆಂಚ್ ನಾಕ .. ಬಗಾರ್
ಜೀವಂತ್ ಆಸ್ತಾನಾ ತಾಕಾ ತುಜೊ ಮೋಗ್ ಜಾಯ್ ...

ತುಜೆ ಕಡೆ ದಿಂವ್ಕ್ ಕಿತೆಂಯ್ ನಾ ತರ್ ..
ಏಕ್ ಸೊಬಿತ್ ಹಾಸೊ ತಾಕಾ ಪಾಟಯ್
ತಾಚ್ಯಾ ಗರ್ಜಾ ಆಕಾಂತಾನಿ ತಾಚೆ ಸಂಗಿಂ ರಾವ್
ತಾಚ್ಯಾ ವಿನೊವ್ಣ್ಯಾಕ್ ಕಾನ್‌ ದಿ ...

ಹಾಸೊ ತೆ ಜಾವ್ನಾಸಾತ್ ಹರ್ಯೆಕಾ ಪಿಡೆಚೆಂ ವಕತ್
ತರಿ ಆಮ್ಕಾಂ ನಾಕಾಚ್ ನಾಕಾ ಹಾಸೊಂಕ್ ..
ಕಿತ್ಯಾಕ್ ಹಂಕಾರ್ ಮಳ್ಳೊ ಭುತ್ ರಿಗ್ಲಾ ಮೆಂದಾಂತ್
ದೆಕುನ್ ಸದಾಂನಿತ್ ಆಸಾಂವ್ ಅಮಿ ದುಕಾಂತ್

ಉಡಾಸ್ ದವರ್ ಭಾವಾ ಮಜ್ಯಾ
ಕೊಣ್ ಹಂಕಾರ್ , ಗರ್ವಾಕ್ ಸಾಂಡೊನ್
ಮೋಗ್ ಮಯ್ಪಾಸಾಕ್ ಆಪ್ಣಾಯ್ತಾಗಿ ..ತೊ ಬಾಳ್ತೊಲೊ
ಅಮರ್ ಜಾವ್ನ್ ಸರ್ವಾಂಚ್ಯಾ ಕಾಳ್ಜಾಂತ್..

:- ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ

Published in : Aankri.com