ಗಲ್ಪಾಂತ್ಲಿ ದು:ಖಾಚಿ ಕಾಣಿ...

ಫುಡಾರಾಚ್ಯಾ ಸ್ವಪ್ಣಾಂಕ್ ಆಶೆವ್ನ್ 

ಆಯ್ಲೊಂ ಹಾಂವ್  ಗಲ್ಪಾಚಿ ವಾಟ್ ಸೊಧುನ್ 

ಫಸ್ಲೊಂ ಹಾಂವ್ ಗಲ್ಪಾಚ್ಯಾ ಪಯ್ಶ್ಯಾಂಕ್ ಲಬ್ದೊನ್ 

ಆಸಾಂ ಆತಾಂ ಹಾಂವ್ ಪಾತಾಳಿ ಉಜ್ಯಾಂತ್ ಲಾಸೊನ್...

ಸುರ್ಯಾಚಿ ಕೀರ್ಣಾಂ ಧರ್ತೆಕ್ ಪಡ್ಚ್ಯಾ ಪುಡೆಂ ಉಟೊನ್,

ಸುಕಿ ಬಾಕ್ರಿ - ಸುಲೆಮಾನಿ ಚಾ ಪಿಯೆವ್ನ್

ಅರಾಮಾವಿಣೆ ಬಾರಾ ತೆರಾ ಘಂಟೆ ಗಾಡ್ವಬರಿ ಗೊಳೊನ್

ಆಸಾಂ ಹಾಂವ್ ಸುಕೊ ಸಾಂಬಾಳ್ ಘೆವೊನ್...

ರಾವೆಯ್ತಾತ್  ಏಕೆಕಾ ಕುಡಾಂತ್ ದಾ- ಬಾರಾ ಜಣಾಂಕ್

ಗಾವಾಂತ್ ಗೊಟ್ಯಾಂತ್ ರೆಡ್ಯಾಂಕ್ ಬಾಂದುಲ್ಲೆಬರಿ

ಪುರಾಸಾಣ್ ಜಾಲ್ಯಾ ಕುಡಿಕ್ ವಿಶೆವ್ ಘೆಂವ್ಕ್ ಪಾಟ್ ತೆಂಕ್ತಾನಾ

ಆವಾಜ್ ಆಯ್ಕಾತಾ ಗೊರೊವ್ಣೆಚೊ ಗೊಟ್ಯಾಂತ್ ರೆಡೆ ಅಂಬೆಲ್ಲ್ಯಾಬರಿ

ಮತಿಚಿ ಪುರಾಸಣ್ ಕಾಡೊಂಕ್ ಸಾಂಗಾತ್ ಘೆಜೆ ಪಡ್ತಾ ಸೊರ್ರ್ಯಾಚಿ

ಅಶೆಂ ಆತಾಂ ಘೆವ್ನ್ ಬೊಸ್ಲಾಂ ಹಾಂವ್ ಬೊತ್ಲ್ ವಿಕಾಚಿ...

ಥೊಡೆ ಪಾವ್ಟಿಂ ಸಾಂಗಾತ್ ಘೆತಾಂವ್ ಪೇಸ್ ಬುಕ್ ಯಾ ವಾಟ್ಸಾಪಾಚಿ

ಸದಾಂ ರಾತಿಂ ಉಶ್ಯಾಂತ್ ದು:ಖಾ ಜಿರೆಯ್ತಾಂ ಚಿಂತೊನ್ ಜಿಣಿ ಮ್ಹಜಿ ಗಲ್ಪಾಚಿ

ಮಹಿನ್ಯಾಚ್ಯಾ ಪಯ್ಲ್ಯಾ ಹಪ್ತ್ಯಾಂತ್ ಯೆತಾತ್ ಪೊನಾಂ ಕುಟ್ಮಾದಾರಾಂಚಿ

ಸಾಂಗೊನ್ ರಡ್ತಾತ್ ತಾಂಚಿ ಕಾಣಿ ದು:ಖಾಚಿ,ಮಾಗೊನ್ ಕುಮೊಕ್  ಪಯ್ಶಾಂಚಿ

ಪಯ್ಶೆ ದಿನಾ ತರ್  ಕುಟಾಮ್ ಸಾಂಡೊನ್ ನಾಲಿಸಾಯ್ ಗೆಜೆ ಪಡ್ತಾ....

ದಿಲೆ ತರ್ ಆನಿಕಿ ದೊನ್ ವರ್ಸಾಂ ಗಾಡ್ವಾಬರಿ ಘೊಳಿಜೆ ಪಡ್ತಾ...

ಸಯ್ರಿಂ ದಯ್ರಿಂ ಮ್ಹಣ್ತಾತ್ ಯೆತಾನಾ ಘೆವ್ನ್ ಯೆ ದೋನ್ ತೊಲಾ ಭಾಂಗಾರ್

ಕೊಣಾಕ್ ಕಳಿತ್, ಗಾಲೊಂಕ್ ನಾ ಆಮ್ಕಾಂ  ಸಮಕಟ್ಟ್ ವಸ್ತುರ್ ಆಂಗಾರ್

ನಾಕಾ ಬಾಬಾ ನಾಕಾ ಮ್ಹಾಕಾ ಹ್ಯಾ ಗಲ್ಪಾಚ್ಯಾ ಪಯ್ಶಾಂಚೊ ಸಹವಾಸ್ 

ವೆತಾಂ ಪಾಟಿಂ ಹಾಂವ್  ವೆತಾಂ ಪಾಟಿಂ ಮ್ಹಜ್ಯಾಚ್ ಮಾಂಯ್ ಗಾಂವಾಂಕ್ ವಾಪಾಸ್.  

 : - ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ

Published in  :  Aankri .com