ಆದಿಂ ಆನಿ ಆತಾಂ

ಆದಿಂ

ಸಕಾಳ್ ಜಾತಚ್

ಅನಂದ್ ಬಾಪಾ ಕಾಡೊನ್

ಅಲ್ತಾರಿ ಮುಖಾರ್ ರಾವೊನ್

ಸಕಾಳಿಂಚಿ ಮಾಗ್ಣಿ ಮಣೊನ್

ರಚ್ಲೆಲ್ಯಾ ದೆವಾಕ್ ಅರ್ಗಾಂ ದಿವೊನ್

ಮಾಲ್ಗಡ್ಯಾಂಚೆ ಬೆಸಾಂವ್ ಘೆವೊನ್

ದೀಸ್ ಆಮ್ಚೊ ಸುರು ಕರ್ತೆಲ್ಯಾಂವ್

ಆತಾಂ

ಸಕಾಳ್ ಜಾತಚ್

ವಾಟ್ಸಪ್ ಪೇಸ್ ಬುಕ್ ಉಗ್ತೊ ಕರೊನ್

ರಾತಿಂ ಧಾಡುಲ್ಲ್ಯಾ ಮೆಸೆಜಾಂಕ್

ರಿಪ್ಲಾಯ್ ದಿವೊನ್ ..

ಇಷ್ಟಾ ಮಂತ್ರಾ ಕಡೆ ಚಾಟ್ ಕರೊನ್

ದೆವ್ ಬರೊ ದಿಸ್ ದಿಂವ್

ಮ್ಹಣೊನ್  ಭಂವ್ತಾಂವ್ ....

ತರಿ ದೆವಾಕ್ ಅರ್ಗಾಂ ದಿನಾಂವ್

ರಚ್ಲೆಲ್ಯಾ ದೆವಾಕ್ ಅಪ್ಣಾಯ್ನಾಸ್ತಾನಾ

ವಾಟ್ಸಪ್ ಪೇಸ್ ಬುಕಾಕ್ ಅಪ್ಣೊವ್ನ್

ಸರ್ಗಿಂಚ್ಯಾ ವಾಟೆರ್ ಚಲನಾಸ್ತಾನ

ಯಮ್ಕೊಂಡಾಚ್ಯಾ ವಾಟೆರ್ ಚಲಾತ್  ಆಸಾಂವ್

ಆಜ್ ಹ್ಯಾ ವಾಟ್ಸಪ್ ಪೇಸ್ ಬುಕಾಕ್ ಲಾಗೊನ್

ಕಿತ್ಲೇಶಾ ಕುಟ್ಮಾನಿಂ  ನಾ ಮಾಗ್ಣೆ ರಜಾರ್

ಮಾಲ್ಗಡೆ ಏಕಾ ಕೊನ್ಶ್ಯಾರ್ ಬಸೊನ್

ಏಕ್ಸುರೆ ಚಿಂತೊನ್ ಜಾಂವ್ಕ್ ಪಾವ್ಲ್ಯಾತ್ ಬೆಜಾರ್

ವಾಟ್ಸಪ್ ಪೇಸ್ ಬುಕ್ ವಾಪೊರ್ಚೊ ವಾಯ್ಟ್ ನಂಯ್

ಲೆಖಾವರ್ತೆಂ ಪಿಯೆಲ್ಯಾರ್ ಅಮ್ರತ್ ಸಯ್ತಿ ವೀಕ್ ಜಾತೆಲೆಂ

ಮನರಂಜನಾ ಖಾತಿರ್ ಥೊಡೊ ವೇಳ್ ವಾಪಾರ್ಯಾಂ

ರಚ್ಲೆಲ್ಯಾ ದೆವಾಕ್ ಪಯ್ಲೊ ಮಾನ್ ದಿವ್ಯಾಂ .

:- ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ 

Published in  :  Aankri .com