ತುಜ್ಯಾ ವೆಗ್ಳಾಚಾರನ್

ತುಜ್ಯಾ ವೆಗ್ಳಾಚಾರನ್

ಪುಟೊನ್ ಗೆಲೆಂ

ಕಾಳ್ಜಾಂತ್ ಬಾಂದ್ಲೆಲೆಂ

ಮೊಗಾಚೆಂ ರಾವ್ಳೆರ್...

ಪರತ್ ಮೆಳ್ಚೆನಾಂತ್

ಮೊಗಾನ್ ವೆಂಗೊನ್

ತುಜ್ಯಾ ಗಾಲಾರ್ ವೊತ್ಲೆಲೆ ಕಿಸ್

ತುಜ್ಯಾ ಉಬೆನ್ ಉಬ್ಲೆಲೆ ತೆ ದಿಸ್

ಪಯ್ಸಾಪಯ್ಸ್ ಗೆಲೆಂಯ್

ಮಾಕ ಸಾಂಡೊನ್

ಮೊಗಾಕ್ ಲಾತ್ ಮಾರೊನ್

ಬೊಲ್ತ್ಯಾಚಿ ಆಸ್ತ್ ಜಾವೊನ್

ಸೊಭಾಯ್ ತುಜಿ ವರ್ಣಿಲ್ಲೆ

ಯಾದಿ ತಾಂತು ಗುಂತುಲ್ಲೆ

ಕವನ್ ಏಕ್ ತುಕಾ ಬರಯಿಲ್ಲೆಂ

ದವರ್ಲಾಂ ಆಜುನಿ ಜೊಗಸಣೆನ್...

ಪುಟ್ಲೆಲೆಂ ಕಾಳಿಜ್ ಮ್ಹಜೆಂ ಹೆಂ

ಆಶೆತಾ ತುಕಾ ಸದಾಂಚ್ ..

ತೊಂಡಾರ್ ಸೊಬ್ಚ್ಯೊ ತ್ಯೊ ಹಾಸೊ

ಮಾಜ್ವಾನಾ ಜಾಂವ್ ಕೆದಿಂಚ್

ಮೊಗ್ ಆಳ್ವಾಲ್ಯಾರ್

ಚಡ್ ತೆಂಪ್ ಬಾಳ್ವಾನಾ

ಖಂಯ್ ಗೊ...

ತರಿ... ಆಜುನಿ..

ಪುಟೊನ್ ಪಿಟೊ ಜಾಲ್ಯಾ

ಹ್ಯಾ ಕಾಳ್ಜಾಂತ್

ಸದಾಂಚ್

ತುಜ್ಯಾ ಉಶ್ವಾಶಾಕ್

ರಾಕೊನ್ ಆಸ್ಚೊ

ಪ್ರೇಮಿ ಹಾಂವ್

  ಸುರೇಶ್ ಸಲ್ಡಾನ್, ಪನ್ವೆಲ್, ಅಬುದಾಬಿ