ಮಾಂಯ್ಗಾಂವ್ ಅಪಯ್ತಾ.....

ಮಾಂಯ್ಗಾಂವ್ ಅಪಯ್ತಾ.....

ವರ್ಸಾಂ ಪಾಶಾರ್ ಜಾಲಿಂ ದೋನ್

ಮಾಂಯ್ಗಾವಾಕ್ ಪಾಂಯ್ ತೆಂಕುನ್

ಸಾತ್ ದರ್ಯ್ಯಾ ಪಯ್ಸ್ ಅಸಾಂವ್ ರಾಕೊನ್

ಗಾಂವಾಕ್ ವೆಚಿ ಲಾಳ್ ತಿ ಗಳೊವ್ನ್

ಮಾಂಯ್ಗಾಂವ್ ಆಮ್ಕಾ ಅಪಯ್ತಾ ತರಿ

ಕಾಳ್ಜಾಂತ್ ಭಿರಾಂತೆಚೆ ಲ್ಹಾರ್ ತೆ ಮಾರಿ

ಕೊರೊನಾಚೆ ವಾದಾಳ್ ಉಟ್ಲಾ ಸಂಸರಾರಿ

ಚಡ್ಉಣೆಂ ಘಡೊನ್ ಆಸಾ ಹ್ಯಾ ಜಿಣ್ಯೆ ಪಯ್ಣಾರಿ

ಗಾಂವಾಕ್ ವ್ಹರುಂಕ್ ಕಾಣ್ಗೆಲ್ಲೆಂ ತೆ ವಸ್ತುರ್

ಪುರ್ಗೆಂವ್ಕ್ ಲಾಗ್ಲಾಂ ಕಬಾಟಾ ಭಿತರ್

ಕಶೆಂ ಪುಣಿ ಕರುನ್ ಗಾಂವಾಕ್ ಯಾ ಮ್ಹಳ್ಯಾರ್

ಬಸಾಜೆ ಪಡ್ತಾ ಮ್ಹಹಿನೊಬರ್ ಬಂದ್ ಕುಡಾಭಿತರ್

ಅತಾಂ ಹರ್ಯೆಕಾ ಮ್ಹಹಿನ್ಯಾಚ್ಯಾ ಪಯ್ಲ್ಯಾ ತಾರ್ಕೆರ್

ಯೆಂವ್ಚ್ಯಾ ಇಷ್ಟಾಂಚ್ಯಾ ಫೊನಾಕ್ ಪಡ್ಲ್ಯಾ ಕಾತರ್ ......

ಗಾವಾಕ್ ಯಾ ಮ್ಹಣ್ ನಿಚೆವ್ ಕೆಲ್ಯಾರ್

ಸಾಂಗ್ತಾತ್ ತುಂ ಕೊರೊನಾ ಘೆವ್ನ್ ಯೆಶಿ ತರ್ ....?????

ಬಾಪಾ ಕಳಿತ್ ನಾ ಆಮ್ಕಾಂ ಕಿತೆಂ ತುಜೆಂ ನಿರ್ಮೊಣೆಂ

ಕೊರೊನಾಚೆಂ ಅಂತ್ಯ್ ಜಾಂವ್ಚೆಂನಾ ತುಜ್ಯಾ ಸಬ್ದಾವಿಣೆಂ

ಖಾಲ್ತೆಪಣಿ ಆಯ್ಕ್ ‌ಗಲ್ಫಾಗಾರಾಂಚೆಂ ಹೆಂ ಮಾಗ್ಣೆಂ

ಪಾವಾಯ್ ಆಮ್ಕಾಂ‌ ಮಾಂಯ್ಗಾವಾಕ್ ಕೊರೊನಾವಿಣೆಂ ....

:- ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ್.

ಕೊರೊನಾ ವರ್ವಿಂ ಹ್ಯಾ ವರ್ಸಾ ಸುಟಿಯೆರ್ ಮಾಂಯ್ಗಾಂವಾಕ್ ವ್ಹಚೊಂಕ್ ಜಾಯ್ನಾತ್ಲೆಲ್ಯಾ ಸರ್ವ್ ಗಲ್ಪಾಗಾರಾಂಕ್ ಹೆಂ ಮ್ಹಜೆಂ ಕವನ್ ಅರ್ಪಣ್ ಕರ್ತಾಂ.......‌

****************************************************************************