ಝಗಡ್ಪಿ (ಜಗಳಘಂಟಿ)

 ಝಗಡ್ಪಿ (ಜಗಳಘಂಟಿ) 

ಬೆಟ್ಲೆಂ ಮ್ಹಾಕಾ ಏಕ್ ಸುಂದರಿ

ದಿಸ್ಲೆಂ ತೆಂ ಫಿಲ್ಮ್ ಸ್ಟಾರ್ ಮಾಧುರಿ

ಘೆತ್ಲೆಂ ತಾಕಾ ಮ್ಹಜ್ಯಾ ಕಾಳ್ಜಾ ಬೊವಾರಿ

ಆತಾಂ ಸೊಸ್ಚೆಂ ಕೊಣೆ ತಾಚೆ ಕಿರಿಕಿರಿ

ಸಕಾಳಿಂಚ್ ಸುರು ಕರ್ತಾ ಫೈಟ್

ಸಾಂಗೊನಾ ಮ್ಹಣ್ ಗುಡ್ ನೈಟ್

ಸಾಂಗು ಕಶೆಂ ತಾಕಾ ಗುಡ್ ನೈಟ್

ಹಾಚ್ಯಾ ಕಿರಿಕಿರಿಂತ್ ಅಸ್ತಾಂ ಟೈಟ್

ಥೊಡೆ ಪಾವ್ಟಿ ಮೋಗ್ ತಾಚೊ ವಾಳ್ತಾ

ಅಪುಟ್ ದೂದಾ - ಮೊಂವಾಬರಿ‌

ಥೊಡೆ ಪಾವ್ಟಿ ಝಗ್ಡೆ ಆಶೆಂ ತೆಂ ಕರ್ತಾ‌

ಸೊರೊಪ್ ಆನಿ ಮುಂಗ್ಗುಸಾಬರಿ....

ಗುಣಾಂತ್ ತೆಂ ಮರಿ ಮಾಗ್ದಲೆನ್

ರಾಗ್ ಆಯ್ಲ್ಯಾರ್ ಚಾಬ್ಕೊರ್ ನಾಗಿಣ್

ಥೊಡೆ ಪಾವ್ಟಿಂ ಆಸ್ತಾ ಜಾವ್ನ್ ವಾಗಿಣ್

ಬಗರ್ ಸಾಂಗ್ತಾ ಹಾಂವ್ ಭಾಗಿ ಸಾಂತಿನ್

ಸೊಬಾಯ್ ತಾಚಿ ನೆಕೆತ್ರಾಬರಿ ಪರ್ಜಳಿತ್

ಮೋಗ್ ಕರ್ತಾ ಮ್ಹಜೊ ಅಪರಿಮಿತ್

ಥೊಡೆ ಪಾವ್ಟಿಂ ಮೋಗ್ ಜಾತಾ ವಿಪರೀತ್

ಬ್ಲೊಕ್ ಕರ್ನ್ ವೆತಾ, ಜಾವುನ್ ಅಪರಿಚಿತ್

ಬಗಾರ್ ಚೆಡುಂ ತೆಂ ಎಕ್ದಮ್ ಬರೆಂ

ಮೊವಾಳ್ , ಮೊಗಾಳ್ ಸತ್ತಿ ಆನಿ ಖರೆಂ‌

ತಾಚ್ಯಾ ಹ್ಯಾ ಝಗ್ಡ್ಯಾಂತಿ ದಾಕಾಯ್ತಾ ಮೋಗ್‌

ಹಾಕಾಚ್ ಮ್ಹಣ್ಚೆಂ ಹೊ ಏಕ್ ಪ್ರೇಮ್ ರೋಗ್

ಹಾಚ್ಯಾ ಝಗ್ಡೆಂ ರಾವೊಂವ್ಕ್

ಸೊದ್ಲಾ ಹಾಂವೆ ಏಕ್ ಉಪಾಯ್

ಸೊಬಾಯ್ ತಾಚಿ ವರ್ಣುನ್,

ಚುಕೊನ್ ಘೆತಾಂ ಅಪಾಯ್ .......

ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ್

********************************

ಸೂಚನ್ :- ಹೆಂ ಕವನ್ ಕಾಲ್ಪನಿಕ್ ಜಾವ್ನಾಸಾ, ಕೊಣಾಯ್ಕಿ ಲಾಗು ಜಾಯ್ನಾ.....

( ಕೇವಲ್ ವಿಡಂಬನಾಖಾತಿರ್ ಮಾತ್ರ್)