ಮೊಗಾಳ್ ಇಷ್ಟಾ ಸುರೇಶ್,

 ಇಷ್ಟಾಗಾತಿಚ್ಯಾ ಹ್ಯಾ ಭಾಗಿ ದಿಸಾ , ಮ್ಹಾಕಾ ಇಷ್ಟಾಗಾತೆಚೊ ಉಲ್ಲಾಸ್ ಪಾಟೊವ್ನ್ .... ಹೆಂ ಕವನ್ ಮೊಗಾನ್ ದಾಡ್ಲೆಲ್ಯಾ ತುಕಾ ಕಾಳ್ಜಾಥಾವ್ನ್ ಧಿನ್ವಾಸ್ ಪಾಟಯ್ತಾಂ. ತುಜ್ಯಾ ಇಷ್ಟಾಗಾತಿಕ್ ಹಾಂವ್ ಅಬಾರಿ ಜಾವ್ನಾಸಾ.

ಸದಾನಿತ್ ವಾಟ್ಸಾಪಾರ್ ಆನಿ ಮೆಸೆಂಜರಾರ್ , ಸೊಬಿತ್ ಉತ್ರಾಂನಿ ಮ್ಹಾಕಾ ವರ್ಣುನ್ , ಶಾಭಾಸ್ಕಿ ಪಾಟೊಂವ್ಚ್ಯಾ ತುಮ್ಕಾಂ, ಆನಿ ತುಮಿ ದಾಕೊಂವ್ಚ್ಯಾ ತ್ಯಾ ಮೊಗಾಕ್ ಹಾಂವ್ ಕಾಳ್ಜಾಥಾವ್ನ್ ದೇವ್ ಬರೆಂ ಕರುಂ ಮ್ಹಣ್ತಾಂ.‌

************************************

ಮೊಗಾಳ್ ಇಷ್ಟಾ ಸುರೇಶ್,

ಸಾಂಜೆಚ್ಯಾ ಪ್ರಶಾಂತ್ ವೆಳಾ

ಥಂಡ್ ವಾರೆಂ ವ್ಹಾಳ್ತಾನಾ

ಬಸೊನ್ ಹಾಂವ್ ದರ್ಯಾ ವೆಳಾ

ಚಿತ್ನಾಂ ಲಾರಾಂ ವ್ಹಾಳ್ತಾನಾ

ವರ್ಣುನ್ ತುಕಾ ಮ್ಹಜ್ಯಾ ಇಷ್ಟಾ

ಖಂಚ್ಯಾ ಉತ್ರಾಂನಿ ವರ್ಣುಂ ತುಕಾ

ಉತ್ರಾಂ ಗೆಲ್ಯಾಂತ್ ಭರೊಂಕ್

ವರ್ಣುಂಕ್ ಹಾಂವ್ ಕಸ್ಟೊನ್ ಅಸಾಂ

ಪೂಣ್ ಇಷ್ಟ್ ತುಂ ಮ್ಹಜ್ಯಾ ಮೊಗಾಚೊ

ಕವಿ ತುಂ ಕವನಾಂಚೊ

ಕವಿ ತುಂ ಮೊಗಾಚೊ

ಕವಿ ತುಂ ವಿಂಚ್ನಾರ್ ಚಿಂತ್ಪಾಚೊ

ಇಷ್ಟ್ ಜಾಲಾಯ್ ಮ್ಹಜೊ ಮೊಗಾಚೊ

ರುಪಾನ್ ತುಂ ಸುಂದರ್

ಅವಾಜ್ ತುಜೊ ಮಧುರ್

ಚಿಂತ್ಪಾಂತ್ ತು ಭೋವ್ ಗೂಂಡ್

ಪೂಣ್ ಇಷ್ಟ್ ತುಂ ಮ್ಹಜ್ಯಾ ಮೊಗಾಚೊ

ಮಾಗ್ಣ್ಯಾಂತ್ ತುಂ ಖಾಲ್ತೊ

ಗುಣಾಂನಿಂ ತುಂ ಊಂಚಿ

ಉಲವ್ಣೆ ತುಜೆಂ ಮೊವಾಳ್

ಪೂಣ್ ಇಷ್ಟ್ ತುಂ ಮ್ಹಜ್ಯಾ ಮೊಗಾಚೊ

ಸಂತೊಸ್ ಮ್ಹಕಾ ಭೊಗ್ತಾ ವರ್ತೊ

ಜಾಲಾಯ್ ಮ್ಹಣೊನ್ ಇಷ್ಟ್ ಮೊಗಾಚೊ

ಮಾಗ್ಣ್ಯಾಂತ್ ತುಂ ಅಸ್ತಾಲೊಯ್

ಸದಾಂಚ್ ಮ್ಹಜ್ಯಾ

ಇಷ್ಟಾ ಮ್ಹಜ್ಯಾ ಮೊಗಾಚ್ಯಾ

ವಾರೆಂ ವಾದಾಳಾ ಮದ್ಲ್ಯಾನ್

ಕಶ್ಟ್ ಅನ್ವಾರಾಂ ಆಯ್ಲ್ಯಾರೀ

ಫ಼ುಡ್ ಕರುನ್ ಹಾತಾನ್ ಹಾತ್

ಆಶೆತಾಂ ದವರುಂಕ್ ಹೊ ಬಾಂಧ್

ಸಾಸಾಣ್ ಪರ್ಯಾಂತ್