ಕಾಗ್ದಾ ದೋಣ್

ಕಾಗ್ದಾ ದೋಣ್

ತಳ್ಯಾ ದೆಗೆರ್

ಪಯ್ಶಿಲ್ಯಾನ್ ಎಕ್ಲೊ

ಲ್ಹಾನ್ ಭುರ್ಗೊ

ಕಾಗ್ದಾ ದೋಣ್

ಸೊಡ್ನ್ ಅಸ್ಲೊಲೊ

ತ್ಯಾ ಭುರ್ಗ್ಯಾಚೊ

ಸಂತೊಸ್ ಪಳೆವ್ನ್

ಅಸ್ತಾನಾಂಚ್

ತಿ ಕಾಗ್ದಾ ದೋಣ್

ಮ್ಹಜೆಂ ಸರ್ಶಿನ್ ಪಾವ್ಲಿ...

ಕಸ್ಲೊ ಗಿ ಎಕ್ ಉದ್ವೇಗ್

ಕಸ್ಲೊ ಗಿ ಎಕ್ ಅತ್ರೆಗ್

ಹಾಂವೆ ತಿ ಹಾತಿಂ ಘೆತ್ಲಿ...

ತೆದ್ನಾಂಚ್

ಕುಡ್ ಮ್ಹಜಿ ಕಾಂಪ್ಲಿ

ರಾವ್ಲೆಲಿ ದರ್ನ್ ಹಾಲ್ಲಿ

ಕಿತ್ಯಾಕ್ ....

ಹಾಂವೆಂಚ್

ಮ್ಹಜ್ಯಾ ಪ್ರೇಮಿಕಾಕ್

ಬರಯಿಲ್ಲಿ

ಮೊಗಾ ಚೀಟ್

ತಿ ಜಾವ್ನಾಸ್ಲಿ.

:- ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ್

(Pic credit. google.com)

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಕಾಗ್ದಾ ದೋಣ್

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/