ಆದ್ಲೊ ತೊ ಉಗ್ದಾಸ್...

ಆದ್ಲೊ ತೊ ಉಗ್ದಾಸ್...

ಫಾಂತ್ಯಾಪರಾರ್ ಉಟೊನ್

ಮಾಗ್ಣೆ ರಜಾರ್ ಕರೊನ್

ವಾಟ್ಸಾಪ್ ಮ್ಹಜೆಂ ಉಗಡ್ತಾನಾ

ಆಸ್ಲೆಲಿ ಆನ್ ನೊಣ್ ಮ್ಹನ್ಶಾಚಿ ಮೆಸೆಜ್

ಆಸ್ಲೆಲೆಂ ತಾಂತು ಲಿಖೊನ್

ಬಾಬಾ ತುಂ ಕಸೊ ಆಸಾಯ್...????

ಅತಾಂ ತುಂ ಖ್ಯೆಂಸರ್ ಆಸಾಯ್...????

ಗಾವಾಕ್ ಕೆದ್ನಾಂ ತುಂ ಯೆತಾಯ್....????

ಮೆಳೊಂಕ್ ತುಕಾ ಜಾಲ್ಯಾ ಮ್ಹಾಕಾ ಆತುರಾಯ್...

ಚಿಂತ್ಲೆ ಹಾಂವೆ

ಹೆಂ ಕೊಣ್ ಮ್ಹಾಕಾ ಬಾಬಾ ಮ್ಹಣ್ ಅಪಯ್ತಾ.

ಬರ್ಯ್ಯಾ ಮೊಗಾನ್ ತೆಂ ಸವಾಲಾಂ ಕರ್ತಾ

ನಿದೆಚೆ ದೊಳೆ ಗಸ್ಟೊನ್ ಗಸ್ಟೊನ್

ವಿಸರ್ಲೆಂ ಹಾಂವೆ ತಾಕಾ ಆಶೆಂ ಮ್ಹಣೊನ್...

ಕಶೆಂ ತುಂ ವಳ್ಕಾತಾಯ್ ಮ್ಹಾಕಾ..????

ಕೊಣ್ ಮ್ಹಣ್ ತುಂ ಸಾಂಗ್ಸಿ ಗೀ ಮ್ಹಾಕಾ????

ಮ್ಹಜೆಂ ನಂಬರ್ ‌ಕಶೆಂ ಮೆಳ್ಳೆಂ ತುಕಾ????

ಸವಾಲಾಂ ವಯ್ರ್ ಸವಾಲಾಂ ಹಾಂವೆ ಗಾಲಿಂ ತಾಕಾ..‌

ತುರಂತ್ ತಾಚಿ ಜಾಪ್ ಆಯ್ಲಿ..

ಹಾಸ್ಲೆಲಿ ಎಕ್ ಇಮೊಜಿ‌ ತಾಣೆ ಗಾಲ್ಲಿ

ಹಾಂವೆಂಯ್ ತಾಕಾ ಮಾತೆಂ ಕೊರ್ಪೊಂಚಿ ಡಾಡ್ಲಿ

ಇಮೊಜಿಂತ್ ಚ್ ಪಾಂಚ್ ಮಿನುಟಾಂ ಆಮಿ ಕಾಡ್ಲಿ...

ಇಮೊಜಿ ಡಾಡ್ನ್ ಪುರಾಸಣ್ ಜಾತಾನಾ ಸಾಂಗ್ಲೆ ತಾಣೆ

ಮೆಳ್ಳೆಲ್ಯಾಂವ್ ಪಂದ್ರಾ ವರ್ಸಾಂ ಆದಿಂ ಘಟಾರ್

ತುಜ್ಯಾ ಸಂಗೀ ಭಂವ್ತೆಲಿಂ ಕಾಪಿಯೆ ತೊಟಾರ್

ಮಸ್ತಿ ಕರ್ನ್ ಆಸ್ತೆಲಿಂ ತುಜ್ಯಾ ಪೊಟಾರ್

ಸಾಂಗ್ತೆಲಿಂ ವರೊಂಕ್ ಯೆತೊಲೊಯ್ ಮ್ಹಾಕಾ ಸುಟಾರ್....

ಸಾಂಗ್ತಾ ಸಾಂಗ್ತಾನಾ ನೀದ್ ಮ್ಹಜಿ ಪುರ್ತಿ ಉಬ್ಲಿ

ದೆಕ್ತಾ ದೆಕ್ತಾನಾ ಪಂದ್ರಾ ವರ್ಸಾಂ ಮಾಜ್ವೊನ್ ಗೆಲ್ಲಿ

ತೆದ್ನಾಂಚೆ ಬಾಳ್ ತೆಂ, ಚಲಿ ಜಾವ್ನ್ ಪುಲುಲ್ಲಿ

ಸೊಬಿತ್ ಸುಂದರ್ ಜಾವ್ನ್ ಲಗ್ನಾ ಉಂಬ್ರಾಕ್ ಪಾವ್ಲೆಲಿ

ಸದಾಂ ಸಕಾಳಿಂ ಆಮ್ಗೆರ್ ತೆಂ ಯೆತಾಲೆಂ

ಮಮ್ಮಿ ಸಂಗೀ ವ್ಹಡ್ ವ್ಹಡ್ ಕಾನುನಾ ಕಾತರ್ತಾಲೆಂ

ಹಾತಾಕ್ ಹಾತ್ ದರ್ನ್ ಮ್ಹಜ್ಯಾ ತೊಟಾಕ್ ವರ್ತಲೆಂ

ಆಂಬೆ ಪೆರಾಂ ಕಾಡ್ನ್ ದಿ ಮ್ಹಣ್ ಸತೆಯ್ತಾಲೆಂ

ಜ್ಯೊರ್ ಕೆಲ್ಯಾರ್ ಕಾಜಾರ್ ಜಾತಾಂ ಮ್ಹಣ್ ಹೆಡೆಯ್ತಾಲೆಂ...

ನೆಂಟೆ ತೆಂ ಆತಾಂ ಜಾಂಟೆ ಜಾಲಾಂ

ಬಾರಾ ವರ್ಸಾಂಚೆ ತೆಂ ಆತಾಂ ಸತ್ತಾವಿಸಚೆಂ ಜಾಲಾಂ

ಭುರ್ಗೆಂಪಣ್ ಮಾಜ್ವೊನ್ ತರ್ನಾಟೆಂ ಜಾಲಾಂ

ಪಂದ್ರಾವರ್ಸಾ ಥಾವ್ನ್ ಪಯ್ಸ್ ಗೆಲ್ಲೆಂ ಆಜ್ ಪರತ್ ಮೆಳ್ಳಾಂ

ಕಾಜಾರಾಕ್ ತಾಚ್ಯಾ, ತಾಣೆ ಒತ್ತಾಯೆಚೆಂ ಅಪೊವ್ಣೆ ದಿಲಾಂ....

:- ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ್.

************************************

ಹೆಂ ಕವನ್ ಸ್ವಕಾಲ್ಪಣಿಕ್ ಜಾವ್ನಾಸಾ,