ಬೊರೊ ಜಲ್ಮಾದಿವಸ್ ತುಕಾ ಮೊಗಾಳ್ ವೀಣಾ ಸಲ್ಡಾನ್ಹಾ.....

ಬೊರೊ ಜಲ್ಮಾದಿವಸ್ ತುಕಾ ಮೊಗಾಳ್ ವೀಣಾ ಸಲ್ಡಾನ್ಹಾ.....

ಮುಂಬಾಯಾಂತ್ಲ್ಯಾ ಪನ್ವೆಲಾಂತ್
ಮೊಗಾಚ್ಯಾ ತ್ಯಾ ರಾವ್ಳೆರಾಂತ್
ತೆಂ ಮ್ಹಾಕಾ ರಾಕೊನ್‌ ರಾವ್ಲಾಂ

ಪಯ್ಶಿಲ್ಯಾ ಹ್ಯಾ ಪರ್ದೆಶಾಂತ್
ತಾಚ್ಯಾಚ್ ಉಗ್ಡಾಸಾಂತ್
ಮ್ಹನ್ ಹೆಂ ತಾಚೆಶಿಂ‌ ಉಬ್ಲಾಂ

ವೀಣಾ ಮ್ಹಜ್ಯಾ ಮೊಗಾಳ್ ವೀಣಾ
ತುಜ್ಯಾ ವಿಣೆಂ ಕೋಣಿ ಮಾಕಾ ನಾ
ತುಜ್ಯಾ ಮೊಗಾ ಸಮೊರ್ ಕೊಣಿ ಜಿಕಾನಾ
ಸಾತ್ ಜಲ್ಮಾಂತಿ ತುಕಾ ಹಾಂವ್ ಸಾಂಡ್ಚೊನಾ

ತಾರಾಂ ಲಿಪ್ತಾತ್ ತುಂ ಹಾಸ್ತಾನಾ
ಲಾರಾಂ ಥಾಂಬ್ತಾತ್ ತುಂ ಉಲಯ್ತಾನಾ
ಸುಕ್ಣಿಂ‌ ಗಾಯ್ತಾತ್ ತುಕಾ‌ ದೆಕ್ತಾನಾ
ಚಿತ್ಳಾಂ ಲಜ್ತಾತ್ ತುಂ ಚಲ್ತಾನಾ ...

ವೀಣಾ ಮ್ಹಜ್ಯಾ ಮೊಗಾಳ್ ವೀಣಾ
ಕಾಳಿಜ್ ಹೆಂ ಲಾಸ್ತಾ ಎಕ್ಸುರ್ಯ್ಯಾ ತುಕಾ ಚಿಂತಾನಾ
ಮ್ಹನ್ ಉಲ್ಲಾಸ್ತಾ ತುಜೊ ಸಂದೇಶ್ ವಾಚ್ತಾನಾ
ವಿಸ್ರಾತಾಂ ಸರ್ವ್ ದುಃಖ್ ತುಜೆಂ ಸಂಗಿ ಉಲಯ್ತಾನಾ

ಎಕ್ಸುರೊಂಚ್ ಮೊಗಾ ಹಾಂಗಾ ಬಸೊನ್ ‌ಆಸಾಂ‌
ತುಜ್ಯಾ ಖರ್ಯಾ ಮೊಗಾಕ್ ಚಿಂತೊನ್ ಆಸಾಂ
ಯೇವ್ನ್ ತುಕಾ ವೆಂಗೊಂಕ್ ರಾಕೊನ್ ಆಸಾಂ
ಮೊಗಾಚ್ಯಾ ಉಬೆಂತ್ ಬುಡೊಂಕ್ ಲಾಲೆವ್ನ್ ಅಸಾಂ‌

ವೀಣಾ ಮ್ಹಜ್ಯಾ ಮೊಗಾಳ್ ವೀಣಾ
ಎಕ್ಸುರ್ಯಾ ತುಕಾ ಸಾಂಡೊನ್‌ ಗಲ್ಪಾಕ್ ಯೆತಾನಾ
ದೆವ್ಲೆಲಿಂ ದುಃಖಾಂಚಿ ಝರ್ ಅಜುನಿ ಥಾಂಬ್ಲಿನಾ
ತುಜ್ಯಾವಿಣೆಂ ಜಿಣ್ಯೆಂತ್‌ ಕಸ್ಲೊಚ್ ಸಂತೊಸ್ ನಾ

ಯೆತೊಲೊಂ ಮೊಗಾ ವೆಗಿಂಚ್ ಯೆತೊಲೊಂ
ಗೇವ್ನ್ ತುಕಾ ಸಂಸಾರ್ ಬರ್ ಭಂವ್ತೊಲೊಂ
ಎಕ್ಸುರ್ಯಾ ಜಿವಿತಾಕ್ ಪುಲ್ ಸ್ಟೊಪ್ ಗಾಲ್ತೊಲೊಂ
ತುಜೆ ಸಂಗಿ ಜಿವಿತ್ ಬರ್ ಮೊಗಾನ್‌ ರಾವ್ತೊಲೊಂ‌

ಬೊರೊ ಜಲ್ಮಾದಿವಸ್ ಮ್ಹಜ್ಯಾ ಮೊಗಾಳ್ ಅಂಜಾ, ರಾಸ್ ರಾಸ್ ಉಲ್ಲಾಸ್ ತುಕಾ

ಮ್ಹಜ್ಯಾ ಸವೆಂ ಉಲ್ಲಾಸಾಚೆ ತುರೆ ಪಾಟಾಯ್ತಾತ್ , ಸ್ವಿಟಿನ್ , ಸ್ವರಿತ್ , ಆನಿ ಸರ್ವ್ ಕುಟ್ಮಾಚಿ

Happy birthday my dear Veena ....

✍ ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ್