*ಹಾಂವ್ ಗೊ ಘಟಾಗಾರ್*

*ಹಾಂವ್ ಗೊ ಘಟಾಗಾರ್*

ಚ!! ಹಾಂವ್ ಗೊ‌ ಘಟಾಗಾರ್

ಕಾಫಿಯೆ ತೊಟಾಗಾರ್

ಬಾಣಾ ತೆದ್ಯಾ ಪೊಟಾಗಾರ್

ಸೊಬಿತ್ ಪ್ರೆಂಚ್ ಮಿಶ್ಯಾಂಗಾರ್

ಹಾಂವ್ ಗೊ ಘಟಾಗಾರ್

ದೀಸ್ ರಾತ್ ಚಿಂತಾ ತುಕಾ

ಸ್ವಪ್ಣಾಂತ್ ಸದಾಂಚ್ ದೆಕ್ತಾಂ ತುಕಾ

ಸಾಂಗೊ ಮ್ಹಾಕಾ

ಕೆದ್ನಾಂ ಯೇವ್ನ್ ಮೆಳ್ತಾಯ್

ಗೊಡ್ಶಾ ಗೊಡ್ಶಾ ಉತ್ರಾನಿಂ‌

ಕಾಳಿಜ್ ಸೊರ್ತಾಯ್

ತಾಂಬ್ಶಾ ತಾಂಬ್ಶಾ ವೊಂಠಾನಿಂ‌

ಪಿಶ್ಯಾರ್ ಗಾಲ್ತಾಯ್

ಸಾಂಗೊ ಮ್ಹಾಕಾ

ಕೆದ್ನಾಂ‌ ಮ್ಹಜೆಂ ಜಾತಾಯ್ ..

ಚ!! ಹಾಂವ್ ಗೊ‌ ಘಟಾಗಾರ್

ಕಾಫಿಯೆ ತೊಟಾಗಾರ್

ಬಾಣಾ ತೆದ್ಯಾ ಪೊಟಾಗಾರ್

ಸೊಬಿತ್ ಪ್ರೆಂಚ್ ಮಿಶ್ಯಾಂಗಾರ್

ಹಾಂವ್ ಗೊ ಘಟಾಗಾರ್

ಘಟಾಕ್ ತುಕಾ ಅಪೊವ್ನ್‌ ವರ್ತಾಂ

ಕಾಫಿಯೆ ತೊಟಾಂತ್ ತುಕಾ ಭಂವ್ಡಾಯ್ತಾಂ

ಅಣ್ಸಾಂ, ಬೆಂಡ್ಶಾ, ಪಣ್ಸಾಂ ಖಾವಾಯ್ತಾಂ

ಗುಡ್ಯಾ ದೊಂಗ್ರಾನಿಂ ತುಕಾ ವರ್ತಾಂ

ಝರಿಚ್ಯಾ ಉದ್ಕಾನ್ ತುಕಾ ನಾಣೆಯ್ತಾಂ‌

ರಾನ್ ದುಕ್ರಾಚೆಂ ಮಾಸ್ ಖಾವಯ್ತಾಂ‌

ಚ!! ಹಾಂವ್ ಗೊ‌ ಘಟಾಗಾರ್

ಕಾಫಿಯೆ ತೊಟಾಗಾರ್

ಬಾಣಾ ತೆದ್ಯಾ ಪೊಟಾಗಾರ್

ಸೊಬಿತ್ ಪ್ರೆಂಚ್ ಮಿಶ್ಯಾಂಗಾರ್

ಹಾಂವ್ ಗೊ ಘಟಾಗಾರ್

ಗೊಡ್ಯಾ ಗಾಡಿಯೆರ್ ತುಂಮ್ಗೆರ್ ಯೆತಾಂ

ತುಜ್ಯಾ ಅಣಾ ಮಾಂಯ್ಕ್ ಮೆಳ್ತಾಂ

ದಿಂಬ್ಯೆರ್ ಪಡೊನ್ ಹಾತ್ ತುಜೊ‌ ಮಾಗ್ತಾಂ

ಹಿಂದಾ ಪಾಲ್ಯಾನ್ ಅಂಗಣ್ ಸೊಬಾಯ್ತಾ

ರಸ್ಮಾ ಸಾಡ್ಯಾಂತ್ ತುಕಾ ನೆಟೆಯ್ತಾಂ

ಕರಿಯಮಣಿಂತ್ ಗಳೊ ತುಜೊ ಭರ್ತಾಂ

ಚ!! ಹಾಂವ್ ಗೊ‌ ಘಟಾಗಾರ್

ಕಾಫಿಯೆ ತೊಟಾಗಾರ್

ಬಾಣಾ ತೆದ್ಯಾ ಪೊಟಾಗಾರ್

ಸೊಬಿತ್ ಪ್ರೆಂಚ್ ಮಿಶ್ಯಾಂಗಾರ್

ಹಾಂವ್ ಗೊ ಘಟಾಗಾರ್

ಕಾಫಿಯೆ ತೊಟಾಚಿ ಯೆಜ್ಮಾನ್ ಕರ್ತಾಂ

ಮ್ಹಜ್ಯಾ ಘರಾಚಿ ರಾಣಿ ಕರ್ತಾಂ

ಸರ್ವಸ್ ಮ್ಹಜೆಂ ತುಕಾಚ್ ದಿತಾಂ

ಅಪುಟ್ ದುದಾ ಮೊಂವಾನ್ ತುಕಾ ಖಾವಯ್ತಾಂ

ಪುಲಾಬರಿ ತುಜಿ‌ ಜತನ್ ‌ಕರ್ತಾಂ‌

ಜಿವಿತ್ ಬರ್ ತುಜೆ ಸಂಗೀ ಮೊಗಾನ್ ರಾವ್ತಾಂ‌

ಚ!! ಹಾಂವ್ ಗೊ‌ ಘಟಾಗಾರ್

ಕಾಫಿಯೆ ತೊಟಾಗಾರ್

ಬಾಣಾ ತೆದ್ಯಾ ಪೊಟಾಗಾರ್

ಸೊಬಿತ್ ಪ್ರೆಂಚ್ ಮಿಶ್ಯಾಂಗಾರ್

ಹಾಂವ್ ಗೊ ಘಟಾಗಾರ್

✍ *ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ್*

(ಪ್ರೇರಣ್ :- ಮ್ಹಾಕಾ ನೊವ್ರೊ‌ ಮೆಳ್ಳಾ ಘಟಾಗಾರ್ :- ವಿಲ್ಪಿ ಬಾಬಾಚೆ ಪೊದ್)