ಗಾಂವ್ ಹೊ ಮ್ಹಜೊ ಗಾಂವ್ .

ಗಾಂವ್ ಹೊ ಮ್ಹಜೊ ಗಾಂವ್ .

ಮಲೆನಾಡುಚ್ಯಾ ಪ್ರಕ್ರತಿ ಮದ್ಲೊ
ಸೊಬಿತ್ ಸುಂದರ್ ಗಾಂವ್
ಥ್ಯೆಂಸರ್ ಜಲ್ಮೊನ್ ವಾಡುಲ್ಲೊಂ ಹಾಂವ್
ಸಕಲೇಶಪುರ್ ಮ್ಹಣ್ ತಾಚೆಂ ನಾಂವ್

ಕಾಪಿಯೆಚ್ಯಾ ಪುಲಾನಿಂ ಸುರ್ಗಾಂರೊನ್
ಪಾಚ್ವ್ಯಾ ಶೆಟಾಂ ಭಾಟನಿಂ ಪುಲೊನ್
ಗುಡ್ಯಾ ದೊಂಗೊರಾನಿಂ ಪಾಲೆವ್ನ್
ಆಸಾ ಸರ್ವಾಂಕ್ ಆಕರ್ಶಿತ್ ಕರೊನ್

ಚಿತುಳ್ಯೊ, ದಾಳಿಂಬ್, ಸಿತಾಪಳ್ , ಅಂಬ್ಯಾಚ್ಯಾ ಪರ್ಮೊಳಾನಿಂ
ಥೊರೊಂಜ್, ಕಾಜು, ರಾಮಾಪಲ್, ಲಿಂಬ್ಯಾ ಫಳಾನಿಂ
ರುಮ್ಡಾಂ, ಜಾಮ್ಳಾಂ, ಜಾಮುನ್ ಪಣ್ಸಾಚ್ಯಾ ರುಕಾನಿಂ
ನಾವಾಡ್ಲಾ ಪೆರಾಂ, ಚಿಕ್ಕು, ಮುಸೊಂಬ್ಯೊ ಅಣ್ಸಾನಿ..

ಕಾಕ್ಡಾ, ಗುಲೊಬ್, ಸಿಂವ್ತಿ, ಅಬೊಲ್ಯಾನಿಂ 
ಆಕರ್ಪಿತ್ ಜಾಲಾ ವಡ್ ವಡ್ ಜೊಗ್ ಪಾಲ್ಸಾನಿಂ
ಶಿರಾಡಿ- ಚಾರ್ಮಾಡಿ ಘಾಟಿಯ್ಯಾನಿ
ಪಾಮಾದ್ ಜಾಲಾ ಮೊವಾಂಚ್ಯಾ ಪೆಲಿಯಾನಿಂ

ಕಠಿಣ್ ದಗ್, ಯ್ಯಾ ಅವ್ರ್ ಪಾವ್ಶ್ ನಾ
ಹಿಂವೆಚಿ ಗಜಾಲ್ ಸಾಂಗೊಂಕ್ ಜಾಯ್ನಾ
ಚಾರ್ ಚಾರ್ ಕಂಬೊಳ್ ಪಾಂಗೊಳ್ಯಾರಿ
ಹಿಂವ್ ಮಾತ್ರ್ ತಡ್ವೊಂಕ್ ಜಾಯ್ನಾ.

ಯೆಯಾ ಯೆಯಾ ತುಮಿ ಸಕಲೇಶ್ಪುರಾಕ್
ಸೊಬಿತ್ ಸುಂದರ್ ಶಾಂತ್ ಶ್ಹೆರಾಕ್
ಚಾಕ ಚಾಕ ರುಚ್ ಚಾಕ ಮ್ಹಜ್ಯಾ ಗಾವಾಚಿ
ಉಪ್ರಾಂತ್ ವರ್ಣನ್ ಕರಾ ಮಲೆನಾಡುಚ್ಯಾ ಪ್ರಕ್ರತೆಚಿ ..‌

✍ ಸುರೇಶ್ ಸಲ್ಡಾನ್, ಪನ್ವೆಲ್ ಸಕಲೇಶಪುರ.