*ಉದೆಂತಿಚೆಂ ನೆಕೆತ್ರ್*

*ಉದೆಂತಿಚೆಂ ನೆಕೆತ್ರ್*

ಸಾಂಜೆಚ್ಯಾ ವ್ಹೆಳಾರ್

ಚಲ್ತಾನಾ ರಸ್ತ್ಯಾರ್

ದೆಕ್ಲೆಂ ಹಾಂವೆ ಉಮ್ಕಾಳ್ಚ್ಯಾ ನೆಕೆತ್ರಾಕ್

ಸೆಜಾರ್ಚ್ಯಾ ಪಾಕ್ಯಾರ್..

ವಾವ್ ಕಸಲಿ ಸೊಭಾಯ್

ವಾವ್ ಕಸಲೊ ಉಜ್ವಾಡ್

ಅಂಗಾಣ್ ಸಗ್ಳೆಂ

ನೆಕೆತ್ರಾಚ್ಯಾ ಉಜ್ವಾಡಾನ್ ಪರ್ಜಳ್ತಾಲೆಂ.....

ನೆಕೆತ್ರಾಕ್ ಪಳೆತಾಚ್

ಮಾಕಾ ಜೆಜುಚ್ಯಾ

ಜಲ್ಮಾಚೊ

ಉಗ್ಡಾಸ್ ಅಯ್ಲೊ

ಜೆಜು ಗೊರ್ವಾಂಚ್ಯಾ ಖಾವ್ಣೆರ್

ಜಲ್ಮಾಲ್ಯಾ ವಗ್ತಾ

ಗೊವ್ಳಾಂಕ್ ಆನಿ ಉದೆಂತಿಚ್ಯಾ

ಜೋತಿಷ್ಯಾಂಕ್ ದಿಷ್ಟಿಕ್

ಪಡ್ಲೆಲ್ಯಾ ತ್ಯಾ ನೆಕೆತ್ರಾಕ್ ಚಿಂತಾನಾ

ದೇವ್ ಬಿರಾಂತಿನ್ ಬರೊನ್

ಮಾಕಾ ಹಾಂವ್ಂಚ್ ವಿಸ್ರೊಂಕ್ ಲಾಗ್ಲೊ

ಹಾಂವ್ ಪರತ್ ಪಳೆಂವ್ಕ್ ಲಾಗ್ಲೊ

ತ್ಯಾ ಸೊಬಿತ್ ಸುಂದರ್

ಉದೆಂತಿಚ್ಯಾ ನೆಕೆತ್ರಾಕ್ ....

ತೆದ್ನಾಂ ಅಚಾನಾಕ್

ಘರಾ ಭಿತರ್ ಥಾವ್ನ್ ಅವಾಜ್

ಅಯ್ಕೊಂಕ್ ಲಾಗ್ಲೊ...

ಗಾಳಿಯಾಂಚೊ ... ಶಿರಾಪಾಂಚೊ

ಹಾಂವ್ ಅನಿಕಿ ಲಾಗ್ಸಾರ್

ವ್ಹಚೊನ್ ಜನೆಲಾಂ ಬಿತರ್

ಥಾವ್ನ್ ತಿಳೊಂಕ್ ಲಾಗ್ಲೊಂ

ದೆಕ್ತೊಲೊಂ ಕಿತೆಂ ಹಾಂವ್

ಘರಾಬಿತರ್ ತಿಸ್ರೆಂ

ಮಹಾ ಜುಜ್ ಚಲಾತ್ ಅಸುಲ್ಲೆಂ....

ಭುರ್ಗಿಂ ಸಾಟ್ ಇಂಚ್ಯಾಚ್ಯಾ ಟಿವಿರ್

ಡಿಮ್ ಲ್ಯೆಟಾರ್

ಡಬ್ಲು ಡಬ್ಲು ಎಪ್ ಪಳೆವ್ನ್ ಅಸುಲ್ಲೆ

ಕುಡಾಂತ್ ಗೊವ್ ಬಾಯ್ಲ್ ಕೆಶಾಂಕ್ ದರೊನ್

ಡಬ್ಲು ಡಬ್ಲು ಎಪ್ ಖೆಳೊನ್ ಅಸುಲ್ಲೆ

ಮಾತಾರಿ ಮಾಂಯ್ ಕೊನ್ಶಾರ್

ಬಸೊನ್ ಕೊಂತಾ ಮ್ಹಣಿ

ಗುಂವ್ಡೊನ್ ಅಸುಲ್ಲಿ..

ಘರ್ ಸಗ್ಳೆಂ ಅಂದ್ಕಾರಾನ್ ಬುಡೊನ್ ಗೆಲ್ಲೆಂ‌

ವಾವ್ ಕಸಲೆಂ ವಿಚಿತ್ರ್

ಘರಾಬಿತರ್ ಅಂದ್ಕಾರ್

ನಾ ಸಮಾದಾನ್ ...

ನಾ ಮಾಯಾ ಮೋಗ್

ನಾ ಮೊವಾಳ್ ಮೊಗಾಳ್ ಉಲೊವ್ಣೆ...‌

ತರಿ ..

ಅಂಗಾಣ್ ಸೊಬ್ತಾ

ನೆಕೆತ್ರಾಚ್ಯಾ ಉಜ್ವಾಡಾನ್

ವೊಡ್ತ್ ಪರ್ಜಾಳ್ತಾ

ಕ್ರಿಸ್ ಮಸ್ ಟ್ರಿಯೆಚ್ಯಾ ಸುರ್ಗಾಂರಾನ್...

ಯೆ ಸೊಮಿಯಾ ..

ಕಸಲೆ ಗ್ರಹಚಾರ್ ಹೆ ....

ಚಿಂತ್ಲೆಂ ಎಕಾಪಾಂವ್ಟಿಕ್ ಹಾಂವೆ

ಬರೆಂ‌ ಜಾಲೆಂ ಜೆಜು ತೆದ್ನಾಂ

ಮ್ಹನ್ಶಾರೂಪ್ ಗೇವ್ನ್

ಸಂಸಾರಾಕ್ ಅಯ್ಲೊಲ್ಲೊ...

ಅತಾಂ ಮ್ಹಣಿ ಅಯ್ಲೊ ತರ್

ಗೊರ್ವಾಂಚೊ ಗೊಟೊ ಸೊಡ್

ಖಂಚೊಯ್ ಜಾಗೊ

ತಾಕಾ ಮೆಳಾನಾತುಲ್ಲೊ

ಹ್ಯಾ ಅಬ್ಲೇಶಿ ಸಂಸಾರಾಂತ್

ಅಸ್ತಿಖಾತಿರ್ ಜುಜ್ಚ್ಯಾ ಬಾಂವ್ಡಾ ಮದೆಗಾತ್ ....

ಲೌಕಿಕಾಯೆನ್ ಬುಡೊನ್

ಗೆಲ್ಯಾ ಮ್ಹನ್ಶಾ ಸಂಯ್ಬಾಂತ್...

ವ್ಹಯ್ ಮೊಗಾಳ್ ಇಷ್ಟಾ

ಜೆಜುಕ್ ಘರಾ ಬಾಯ್ರ್

ಪರ್ಜಳ್ಚಿ ನೆಕೆತ್ರಾಂ ನಾಕಾತ್

ವೊಡ್ತಾಂತ್ ಸೊಬ್ಚಿಂ

ಕ್ರಿಸ್ ಮಸ್ ಟ್ರಿ ನಾಕಾತ್

ತೆಲಾಂತ್ ಬಾಜುಲ್ಲಿಂ

ಪರ್ಮಳಿಕ್ ರುಚಿಕ್ ಕುಸ್ವಾರ್ ನಾಕಾತ್

ವಿಜ್ಯಾನಿ ಸೊಬ್ಚಿಂ ಘರಾಂ ನಾಕಾತ್

ಕ್ರಿಸ್ ಮಸ್ ಖಾತಿರ್

ರಂಗ್ ರಂಗಾನಿ ಸೊಬ್ಲೆಲಿಂ

ಕುಡಾಂ ನಾಕಾತ್ ....

ಬಗರ್ ...

ತಾಕಾ ಪಕಾತ್ ಜಾಯ್

ತುಜೆಂ ಮೊವಾಳ್

ನಿತಳ್ ನಿಸ್ಕಳ್ ಕಾಳಿಜ್

ದುಬ್ಳಾಂಚೊ ಮೋಗ್ ಕರ್ಚೆಂ ಕಾಳಿಜ್

ಪಿಡೆಸ್ತಾಂಕ್ ಬೆಟ್ ಕರ್ಚೆಂ ಮೊವಾಳ್ ಕಾಳಿಜ್

ಅನಾಥಾಂಕ್ ಮೊಗಾನ್ ವೆಂಗ್ಚೆಂ ಕಾಳಿಜ್

ಗರ್ಜೆವಂತಾಕ್ ಕುಮ್ಕೆ ಹಾತ್

ದಿಂವ್ಚೆಂ ಬರೆಂ ಕಾಳಿಜ್

ಪೆಲ್ಯಾಕ್ ತುಜ್ಯಾ ಬೊಗ್ಸೊಂಚೆ ಕಾಳಿಜ್ ..

ಹೆಂ ಕಾಳಿಜ್ ತುಜೆ ಕಡೆ ಅಸಾತರ್

ತುಂ ಜಾಂವ್ಕ್ ಪಾವ್ತೊಲೊಯ್

ಮ್ಹನ್ಶಾಂಚ್ಯಾ ಅಂದ್ಕಾರಿ ಜಿವಿತಾಂತ್

ಉಜ್ವಾಡ್ ಪಾಂಕೊಂವ್ಚೆಂ

ಉದೆಂತಿಚೆ ನೆಕೆತ್ರ್ .....

ಹೆಂ ಸರ್ವ್ ತುಂ ಕರ್ಶಿ ತರ್

ಹ್ಯಾ ಕ್ರಿಸ್ ಮಸಾಕ್

ಜೆಜು ಜಲ್ಮೊಂಚೊನಾ

ಗರ್ದನಾಚ್ಯಾ ಗೊಟ್ಯಾಂತ್

ಬಗಾರ್ ಜಲ್ಮತಾಲೊ

ತುಜ್ಯಾ ಘರಾಂತ್

ಆನಿ ಕಾಳ್ಜಾ ಗುಡಾಂತ್

✍ *ಸುರೇಶ್ ಸಲ್ಡಾನ್, ಪನ್ವೆಲ್*

ಸೂಚನ್:- ದಯಾಕರ್ನ್ ನಕಲ್ ಕರ್ತಾತ್ ತರ್ ಬರಯ್ಣಾರಾಚೆಂ ನಾಂವ್ ನಕಲ್ ಕರೊಂಕ್ ವಿಸ್ರನಾಕಾತ್.. ದೇವ್ ಬರೆಂ ಕರುಂ.