ಬಸ್ಸಾರ್ ಬೆಟ್ಲೆಲಿ ಚಲಿ......

ಬಸ್ಸಾರ್ ಬೆಟ್ಲೆಲಿ ಚಲಿ......

ಕಾಲ್ಚೆ ಸಾಂಜೆರ್ ಬಸ್ಸಾರ್ ಏಕ್ ಘಡಿತ್ ಘಡ್ಲೆಂ

ಸೊಬಿತ್ ಸುಂದರ್ ಚೆಡುಂ ಏಕ್ಲೆಂ ಬಸ್ಸಾರ್ ಚಡ್ಲೆಂ

ಪಯ್ಣಾರ್ ಎಕಾಚ್ಚಾಣೆಂ ತೆಂ ಜೊರಾನ್ ರಡ್ಲೆಂ 

ಪಳೆವ್ನ್ ತಾಕಾ ಭಾವಾ ಮ್ಹಜೆಂ ಕಾಳಿಜ್ ಕಡ್ಲೆಂ

ಚಲಿ ಪಳೆಂವ್ಕ್ ಆಸ್ಲೆಲಿ ಗೊರಿ ಗೊರಿ

ಜೀವಾಂತ್ ಬಾರಿಕ್ ತರೀ, ಸುಂದರ್ ಪೊರಿ

ಚಿಂತ್ಲೆಂ ಹಾಂವೆ ಗಾಲೊಂಕ್ ತಿಚೆರ್ ಗರಿ

ಗುವ್ಲಿನಾ ತಿ ಹಾಂವೆ ಕಿತ್ಲೆಂ ಆಪಯ್ಲಾರಿ.....

ಲಾಗ್ಸರ್ ತಿಚ್ಯಾ ವ್ಹಚೊನ್ ತಿಕಾ ತುವಾಲೊ ದಿಲೊ

ಸಾಂಗ್ಲೆ ಹಾಂವೆ ತಿಕಾ ಪುಸ್ ತುಜೊ ದೊಳೊ

ತಿತ್ಲ್ಯಾರ್ ತಿಣೆ ತಿಚೊ ದೊಳೊ ಮೊಡಿಲೊ

ಪಳೆತಾಚ್ ತಾಂಬ್ಶೆನ್ ಗೆಲೊ ಮ್ಹಜೊ ಪೊಲೊ

ಲಾಗ್ಸಾರ್ ತಿಚ್ಯಾ ಬಸ್ತಾಚ್ ಆನ್ಯೆಕ್ ಸಂಗತ್ ಘಡ್ಲಿ

ಚಲಿ ತಿ ಎಕ್ಲಿಚ್ ತಿಚ್ಯಾಯಿತ್ಲ್ಯಾಕ್ ಉಲೊವ್ನ್ಂಚ್ ಆಸ್ಲಿ

ತೆದ್ನಾಂ ತೆದ್ನಾಂ ಮ್ಹಾಕಾ ಪಳೆವ್ನ್ ಹಾಸೊನ್ ಆಸ್ಲಿ

ಹಾಂವೆ ಚಿಂತ್ಲೆ ಚಲಿ ಹಾಸ್ಲಿ ತರ್ ಪಾಸ್ಲಿ

ಬಸ್ಸ್ ಗುಂವ್ತಾನಾ ಮ್ಹಜೆಂ ತೆವ್ಶಿ ಮಾಲ್ವಾತಾಲಿ

ತೆದ್ನಾಂ ತೆದ್ನಾಂ ಮ್ಹಜ್ಯಾ ಹಾತಾಕ್ ದರ್ತೆಲಿ

ಚಿಂತ್ಲೆಂ ಹಾಂವೆ ಮೆಳ್ಳಿ ಮ್ಹಾಕಾ ಚಲಿ ಹಾಂವೆ ಆಶೆಲ್ಲಿ

ಮ್ಹನಾಂತ್ ಚ್ ಸಾಂತಾಭಕ್ತಾಂಕ್ ಆಂಗೊಣ್ ಗಾಲಿ

ಠಿಕಾಣೊ ಯೆತಾಚ್ ಚಲಿ ತಿ ಉಟೊನ್ ಉಬೆ ರಾವ್ಲಿ

ಭ್ಯಾಗಾಂತ್ಲೆಂ ಮೊಬಾಯ್ಲ್ ಕಾಡ್ನ್ ಬಂದ್ ಕರಿಲಾಗ್ಲಿ

ಕಾನಾಂತ್ಲೆ ಬ್ಲು ಟುಟ್ ಕಾಡ್ನ್ ಭ್ಯಾಗಂತ್ ದವರಿಲಾಗ್ಲಿ

ಸೊಬಿತ್ ಹಾಸೊ ಪಾಟೊವ್ನ್ ದೆಂವೊನ್ ಗೆಲಿ...

ಮ್ಹಜೊ ಟ್ಯುಬ್ ಲ್ಯೆಟ್ ಪೆಟ್ತಾನಾ ವ್ಹೇಳ್ ಉತ್ರಾಲ್ಲೊ

ಹಾಂವ್ ಮ್ಹಜೊ ಠಿಕಾಣೊ ಉತ್ರೊನ್ ಚಡ್ ಪುಡೆಂ ಗೆಲ್ಲೊ

ಹ್ಯಾ ಬ್ಲು ಟುಟಾ ದರ್ಮಾನ್ ಹಾಂವ್ ಮಾಂಕೊಡ್ ಜಾಲ್ಲೊಂ

ವೆಂಕು ಪಣಂಬುರ್ ಗೆಲ್ಯಾ ಬರಿ ವ್ಹಚೊನ್ ಪಾಟಿಂ ಆಯ್ಲೊಂ. 😀😀

:- ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ್(ಪನ್ವೆಲ್)

(ಸೂಚನ್ : ಕೇವಲ್ ವಿಡಂಬನಕ್ ಲಿಖ್ಲೆಲೆಂ ಜಾವ್ನಾಸಾ)