ತುಕಾಚ್ ರಾಕೊನ್ ‌ರಾವ್ಲಾಂ...

ತುಕಾಚ್ ರಾಕೊನ್ ‌ರಾವ್ಲಾಂ...

ಮುಂಬಾಯಾಂತ್ಲ್ಯಾ ಪನ್ವೆಲಾಂತ್ 

ಮೊಗಾಚ್ಯಾ ತ್ಯಾ ರಾವ್ಳೆರಾಂತ್ 

ತೆಂ ಮಾಕಾ ರಾಕೊನ್‌ ರಾವ್ಲಾಂ 

ಪಯ್ಶಿಲ್ಯಾ ಹ್ಯಾ ಪರ್ದೆಶಾಂತ್ 

ತಾಚ್ಯಾಚ್  ಉಗ್ಡಾಸಾಂತ್ 

ಮ್ಹನ್  ಹೆಂ ತಾಚೆಶಿಂ‌ ಪಾವ್ಲಾಂ‌

ತಾರಾಂ ಲಿಪ್ತಾತ್ ತುಂ ಹಾಸ್ತಾನಾ 

ಲಾರಾಂ ಥಾಂಬ್ತಾತ್  ತುಂ ಉಲಯ್ತಾನಾ

ಸುಕ್ಣಿಂ‌ ಗಾಯ್ತಾತ್ ತುಕಾ‌ ದೆಕ್ತಾನಾ 

ಚಿತ್ಳಾಂ ಲಜ್ತಾತ್  ತುಂ ಚಲ್ತಾನಾ ...

ಎಕ್ಸುರೊಂಚ್ ಮೊಗಾ ಹಾಂಗಾ ಬಸೊನ್ ‌ಆಸಾಂ‌

ತುಜ್ಯಾ ಖರ್ಯಾ ಮೊಗಾಕ್ ಚಿಂತೊನ್ ಆಸಾಂ

ಯೇವ್ನ್ ತುಕಾ ವೆಂಗೊಂಕ್ ರಾಕೊನ್ ಆಸಾಂ 

ಮೊಗಾಚ್ಯಾ ಉಬೆಂತ್ ಬುಡೊಂಕ್ ಲಾಲೆವ್ನ್ ಅಸಾಂ‌

ವೀಣಾ ಮ್ಹಜ್ಯಾ ಮೊಗಾಳ್ ವೀಣಾ 

ಎಕ್ಸುರ್ಯಾ ತುಕಾ ಸಾಂಡೊನ್‌ ಗಲ್ಪಾಕ್ ಯೆತಾನಾ 

ದೆವ್ಲೆಲಿ ದುಃಖಾಂಚಿ ಝರ್ ಅಜುನಿ ಥಾಂಬ್ಲಿನಾ 

ತುಜ್ಯಾವಿಣೆಂ ಜಿಣ್ಯೆಂತ್‌ ಕಸ್ಲೊಚ್ ಸಂತೊಸ್ ನಾ 

ಯೆತೊಲೊಂ ಮೊಗಾ ವೆಗಿಂಚ್ ಯೆತೊಲೊಂ

ಗೇವ್ನ್ ತುಕಾ ಸಂಸಾರ್ ಬರ್ ಭಂವ್ತೊಲೊಂ

ಎಕ್ಸುರ್ಯಾ ಜಿವಿತಾಕ್ ಪುಲ್ ಸ್ಟೊಪ್ ಗಾಲ್ತೊಲೊಂ

ತುಜೆ ಸಂಗಿ ಜಿವಿತ್ ಬರ್ ಮೊಗಾನ್‌ ರಾವ್ತೊಲೊಂ‌

✍ ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ್ ಪನ್ವೆಲ್