ನವ್ಯಾ ವರ್ಸಾಕ್ ನವ್ಯಾನ್ ಎವ್ಕಾರ್ ಮಾಗ್ಯಾಂ...*

ನವ್ಯಾ ವರ್ಸಾಕ್ ನವ್ಯಾನ್ ಎವ್ಕಾರ್ ಮಾಗ್ಯಾಂ...*

ದೊಳ್ಯಾಂಚ್ಯಾ ನಜ್ರೆಥಾವ್ನ್ ಮಾಯಾಗ್ ಜಾಲೆಂ

ಪರ್ನೆ ವರಸ್ ದೋನ್ ಹಜಾರ್ ಆಟ್ರಾ..

ಸ್ವಪ್ಣಾಂಚಿ ದಾಳಿಂ ಹಾತಿಂ ಘೆವ್ನ್ ಉದೆವ್ನ್ ಆಯ್ಲೆಂ

ನವೆಂ ವರಸ್ ದೋನ್ ಹಜಾರ್ ಎಕ್ವುಣಿಸ್ 

ವೊಣೊದಿ ವಯ್ರ್ ಸೊಬ್ಲೆಂ ಎಕ್ ನವೆಂ ಕ್ಯಾಲೆಂಡರ್ 

ತೆಚ್ ಮ್ಹಹಿನೆ ಜನೆರ್ - ಪೆಬ್ರೆರ್... ನವೆಂಬ್ರ್ -ದಸೆಂಬರ್

ತರಿ ತಾರೀಖ್ ಆನಿ ದಿಸಾನಿಂ ಮಾತ್ರ್ ಅಸ್ಲೊ ಫರಕ್

ಆಶೆತಾಂ ನವ್ಯಾ ವರ್ಸಾಂತ್ ಜಿವಿತ್ ಜಾಂವ್ದಿ ತುಮ್ಚೆಂ ಸುಪಳಿಕ್

ಕಾಳ್ಜಾಥಾವ್ನ್ ನಮಾನ್ ಕರ್ತಾಂ ಸರ್ವ್ ಇಷ್ಟಾ- ಮಂತ್ರಾಂಕ್

ಪರ್ನ್ಯಾ ವರ್ಸಾ ಮ್ಹಜ್ಯಾ ಕಷ್ಟಾ - ಸುಖಾಂತ್ ಬಾಗಿದಾರ್ ಜಾಲ್ಯಾಂಕ್...

ಆಶೆಂಚ್ ಸಾಂಗಾತ್ ಆಶೆತಾಂ ತುಮ್ಚೊ ಹ್ಯಾ ನವ್ಯಾ ವರ್ಸಾಂತ್

ನವೆಂ ವರಸ್ ಹಾಡೊಂದಿ ಸುಖ್-ಸಂತೊಸ್ ತುಮ್ಚ್ಯಾ ಜಿಣ್ಯೆಂತ್

ಆದ್ಲ್ಯಾ ಕೊಡು ಘಡಿತಾಂಕ್ ಪೊಟ್ಟು ಬಾಂಯ್ಂತ್ ದಾಂಪ್ಯಾ

ನವ್ಯಾ ವರ್ಸಾ ನವ್ಯಾ ಜಿಣ್ಯೆಚಿ ಸುರ್ವಾತ್ ಆಮಿ ಕರ್ಯಾಂ

ಜೀಕ್ ಯ್ಯಾ ಸಲ್ವೊಣೆಕ್ ಸಂಗಿ ಘೆವೊನ್ ಚಲ್ಯಾಂ

ಆನಂದಾನ್ ಎಕಾಮೆಕಾಕ್ ಆದಾರ್ ಆಮಿ ಜಾಂವ್ಯಾ 

ಮ್ಹನಾಂತ್ ಆಸ್ಲೆಲ್ಯಾ ಹಜಾರ್ ಯೋಜನಾಂಕ್

ಫಳಾದಿಕ್ ಕರ್ ಮ್ಹಣ್ ದನ್ಯಾ ದೆವಾಲಾಗಿಂ ಮಾಗ್ಯಾಂ

ಹೆಂ ದೋನ್ ಹಜಾರ್ ಎಕ್ವುಣಿಸ್ ವರಸ್ ಆಮ್ಕಾಂ ಪಾವೊಕೆಲ್ಯಾಕ್

ದನ್ಯಾ ದೆವಾಕ್ ಕೊರೊಡಾನಿಂ ಅರ್ಗಾಂ ಆಮಿ ದಿಂವ್ಯಾ...

✍ *ಸುರೇಶ್ ಸಲ್ಡಾನ್, ಪನ್ವೆಲ್*