*ವಾಟ್ಸಾಪ್ ಗ್ರುಪಾಂಚಿ ಮಹಿಮಾ*

*ವಾಟ್ಸಾಪ್ ಗ್ರುಪಾಂಚಿ ಮಹಿಮಾ*

ನಾಕ ಮ್ಹಣ್ ಕೊಣಾಯ್ಚೊ ಸಾಂಗಾತ್

ಹಾಂವ್ ಆಸುಲ್ಲೊ ಏಕಾಂತ್

ದೆವಾ ಮುಜ್ಯಾ ಸಾಂಪ್ಡಾಲೊ ಆನ್ವಾರಾಂತ್

ರಿಗೊನ್ ಹ್ಯಾ ವಾಟ್ಸಾಪ್ ಗ್ರುಪಾಂತ್

ಸಕಾಳಿಂ ಉಟ್ಚ್ಯಾ ಪಯ್ಲೆಂ ಆಸ್ತಾತ್ 

ಹಜಾರಾಂ ವಯ್ರ್ ಮೆಸೆಜ್ಯೊ

ಕಳಿತ್ ಜಾಯ್ನಾ ಮಾಕಾ ಕೆದ್ನಾಂ

ಕೊಣಾಚ್ಯಾ ಮೆಸೆಜಿಕ್ ಜಾಪಿ ದಿಂವ್ಚ್ಯೊ

ಅಸಾತ್ ಥೊಡೆ ಪುಣೆ ಗೆಲ್ಲೆ

ಪಿಂತುರಾ ವಯ್ರ್ ಪಿಂತುರಾ ಡಾಡ್ತಾತ್

ಆನಿ ಥೊಡೆ ಅಸಾತ್ ಪುಣೆ ಗೆಲ್ಲೆ

ಡಾಡುಲ್ಲೆಚ್ ಮೆಸೆಜ್ ಪರತ್ ಡಾಡ್ತಾತ್

ಸೊಳಾ ಜಿಬಿ ಚೆಂ ಮೊಬಾಯ್ಲ್ ಮ್ಹಜೆಂ

ಬರೊನ್ ಯೆತಾ ದೊನ್ ದಿಸಾಂ ಬಿತರ್ 

ಆಡಿಯೊ, ವಿಡಿಯೊ ಮ್ಹಣೊನ್

ಹ್ಯಾಂಗ್ ಜಾತಾ ಘಂಟ್ಯಾ ಬಿತರ್ 

ಕೆದಾಳಾಚಿಗಿ ಮೆಸೆಜ್ ವಾಳೊನ್ ಯೆತಾ 

ಕಾಲ್ಚ್ಯಾ ದಿಸಾಚ್ ಘಡುಲ್ಯಾಬರಿ 

ಥೊಡೆ ವಾಚಿನಾಸ್ತಾಂಚ್ ಪಾರ್ವಾಡ್ ಕರ್ತಾತ್ 

ಅಪ್ಣಾಚಿಚ್ ಪಾವಾಜೆ ಪಯ್ಲೆಂ ಮ್ಹಳ್ಯಾಬರಿ 

ಬಾವಾ ವಾಟ್ಸಾಪಾ ನಿಮ್ತಿಂ

ಸಬಾರಾಂಕ್ ಜಾಲಾಂ ಬರೆಪಣ್ 

ಪ್ರೀ ಆಡಿಯೊ, ವಿಡಿಯೊ ಕಾಲಾಂ ನಿಮ್ತಿಂ

ಮೊಬಾಯ್ಲಾಚಾ ಬಿಲ್ಲಾಂತ್ ಜಾಲಾಂ ಉಣೆಪಣ್ 

ವಾಟ್ಸಾಪಾಂತ್ ಅಸಾತ್ ಥೊಡೆ ಗ್ರುಪ್ 

ಉಗಡ್ತಾನ ವಾಳೊನ್ ಯೆತಾ ಸುವಾಸ್ 

ದೆವಾಚ್ಯಾ ಉತ್ರಾ ಸಂಗಿ ಗರ್ಜೆಚ್ಯೊ ತಿಳ್ಸೊಣ್ಯೊ

ಘಡಿಯೆಬಿತರ್ ಪಾಯ್ಸ್ ಜಾತತ್ ಸಂಸಾರ್ ಬರ್ 

ಚಿಂತ್ಲೆ ಹಾಂವೆ ನಾಕ ಮಾಕ

ಯ್ಯಾ ವಾಟ್ಸಾಪ್ ಗ್ರುಪಾಂಚೊ ಸಹವಾಸ್ 

ದೆಕೊನ್ ಸರ್ವ್ ಗ್ರುಪ್ ದಿಲಿಟ್ ಕರೊನ್ 

ಹಾಂವ್ ಆತಾಂ ಪರತ್ ಜಾಲಾಂ ದೆವಾದಾಸ್..

✍ ಸುರೇಶ್ ಸಲ್ಡಾನ್,ಪನ್ವೆಲ್, ಅಭುದಾಬಿ.