ಇಷ್ಟಾಗತೆಕ್ ಅಪ್ಣೊಂವ್ಯಾ

ಇಷ್ಟಾಗತೆಕ್ ಅಪ್ಣೊಂವ್ಯಾ

ಘರ್ ಪೆಟ್ಲಾರ್
ವಿಮ್ಯಾಕ್ ಅರ್ಜಿ ಘಾಲ್ಯೆತ್
ಸ್ವಪ್ಣಾಂ ಪೆಟ್ಲಾರ್....??????

ಪಾವ್ಶ್ ವೊತ್ಲ್ಯಾರ್
ಛತ್ರಿ ದರಿಯೆತ್....
ದುಃಖಾ ದೆವ್ಲ್ಯಾರ್.....?????

ವಾಗ್ ಆಯ್ಲ್ಯಾರ್
ಪೊಳ್ನ್‌ ದಾವ್ಯೆತ್...
ಆಹಂಕಾರ್ ಆಯ್ಲ್ಯಾರ್..?????

ಕಾಂಟೊ ತೊಪ್ಲ್ಯಾರ್
ಕಾಡಿಯೆತ್.....
ಉತ್ರಾಂ ತೊಪ್ಲ್ಯಾರ್.....??????

ದೂಕ್ ಜಾಲ್ಯಾರ್
ವಕತ್ ಘೆವ್ಯೆತ್
ದುಖೆಸ್ತ್ ಜಾಲ್ಯಾರ್...????????

ಎಕ್ ಮೊಗಾಚೊ
ಇಷ್ಟ್ ಯ್ಯಾ ಇಷ್ಟಿನ್
ಮಾತ್ರ್ ಆಮ್ಕಾಂ
ಸಮ್ಜೊಂವ್ಕ್ ಸಕ್ತಾತ್....
ತಿಂ ಎಕ್ ..
ಬರ್ಯ್ಯಾ ವಯ್ಜಾಬರಿ
ಸುಖಾಂತ್ ಆನಿ ದುಃಖಾಂತ್
ಸಾಂಗಾತ್ ದಿತಾತ್...
ತೆದ್ನಾಂ
ಆಮ್ಚೆಂ ಮುಖ್ಲ್ಯಾನ್
ಪರ್ವತಾ ತಸ್ಲೆ ಕಷ್ಟ್
ಉಬೆ ಜಾಲ್ಯಾರಿ
ಆಮ್ಕಾಂ ಕಿತೆಂಚ್
ಫರಕ್‌ ಲಾಗಾನಾ

ಇಷ್ಟಾಗತೆಕ್ ಅಪ್ಣೊಂವ್ಯಾ
ಇಷ್ಟಾಗತೆಕ್ ಸಾಂಗಾತ್ ದಿಂವ್ಯಾ
ಬರೊ ಮೊಗಾಚೊ
ಸಂಬಂದ್‌ ದವರ್ನ್
ಎಕಾಮೆಕಾಚ್ಯಾ ಕುಮ್ಕೆಕ್
ಹಾತಾಕ್ ಹಾತ್ ಮೆಳೊಂವ್ಯಾ

✍ ಸುರೇಶ್ ಸಲ್ಡಾನ್, ಸಕಲೇಶ್ಪುರ್ (ಪನ್ವೆಲ್)

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಇಷ್ಟಾಗತೆಕ್ ಅಪ್ಣೊಂವ್ಯಾ

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/