ಕೊಣ್ ರೆ ತುಂ ಕೊಣ್.....?????

ಕೊಣ್ ರೆ ತುಂ ಕೊಣ್.....?????

ರಾತ್ಚ್ಯಾ ಸ್ವಪ್ಣಾಂತ್ ಯೆತಾಯ್

ನೀದ್ ಮ್ಹಜಿ ಚೊರ್ತಾಯ್

ನಜ್ರಾಂಕ್ ಮ್ಹಜ್ಯಾ ಚೊಯ್ತಾಯ್

ಕೊಣ್ ರೆ ತುಂ ಕೊಣ್ ....???

ರೂಂದ್ ಹರ್ದ್ಯಾಚೊ

ಮಾಸಾಳ್ ಬಾವ್ಳ್ಯಾಂಚೊ

ಮುದ್ಯಾಳ್ಯಾ ಕೆಸಾಂಚೊ

ಕೊಣ್ ರೆ ತುಂ ಕೊಣ್ ....???

ಪಾಟ್ಲಾವ್ ಮ್ಹಜೊ ಕರ್ತಾಯ್

ಉಲೆತಾನಾ   ಖಾವ್ಜೆತಾಯ್

ಪಳೆತಾನಾ ಲಜೆತಾಯ್

ಕೊಣ್ ರೆ ತುಂ ಕೊಣ್ ....???

ಕಾಳ್ಜಾಂತ್ ಮ್ಹಜ್ಯಾ ಗುಸ್ಲಾಯ್

ಮ್ಹನಾಂತ್ ಮ್ಹಜ್ಯಾ ಖೆಳ್ತಾಯ್

ಚಿಂತ್ಪಾಣಿ ಬುಡೆಯ್ತಾಯ್

ಕೊಣ್ ರೆ ತುಂ ಕೊಣ್ ....???

ಸಾಂಗ್ ರೆ ಮ್ಹಾಕಾ ಸಾಂಗ್

ಕೆದ್ನಾಂ ಆಂಮ್ಗೆರ್ ತುಂ ಯೆತಾಯ್

ವ್ಹಡಿಲಾಂಕ್ ಮ್ಹಜ್ಯಾ ಭೆಟ್ತಾಯ್

ಮ್ಹಜ್ಯಾ ಕಾಳ್ಜಾಚೊ ರಾಯ್ ಜಾತಾಯ್....

ರಾಕೊನ್ ಆಸಾಂ ಯೆಣ್ಯಾಕ್ ತುಜ್ಯಾ

ದಿರೆ ಮ್ಹಾಕಾ ಜಾಗೊ ಕಾಳ್ಜಾಂತ್  ತುಜ್ಯಾ

ಕರ್ ರೆ ಮ್ಹಾಕಾ ಜಾವ್ನ್ ತುಜಿ ಜಿಣ್ಯೆ ಸಾಂಗಾತಿಣ್ 

ಆಶೆವ್ನ್  ಆಸಾಂ ಜಾಂವ್ಕ್ ತುಜಿಚ್ ಪತಿಣ್

:- ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ್(ಪನ್ವೆಲ್)