ಜೆಜುಚ್ಯಾ ಯೆಣ್ಯಾಕ್ ಆಮಿ ಆಯ್ತೆಂ ಜಾವ್ಯಾಂ .

ಜೆಜುಚ್ಯಾ ಯೆಣ್ಯಾಕ್ ಆಮಿ ಆಯ್ತೆಂ ಜಾವ್ಯಾಂ .

ದುಃಖೇಸ್ತ್ ಆಸಾಯ್ ತರ್

ತೊಂಡಾರ್ ತುಜ್ಯಾ ಹಾಸೊ ಫಾಂಕಯ್

ದೊಳ್ಯಾನಿಂ ತುಜ್ಯಾ ಉಜ್ವಾಡ್ ಹಾಡಯ್

ಕಿತ್ಯಾಕ್ ಸರ್ಗಾ ಸಂಸಾರಾಚೊ ರಾಯ್ ಯೆಂವ್ಚೊ ಜಾಲಾ.....

ಆಹಂಕಾರ್ ಗರ್ವ್ ಸಾಂಡೊನ್

ಪೆಲ್ಯಾಕ್ ಮೊಗಾನ್ ವೆಂಗೊನ್

ದುಃಖೆಲ್ಯಾಂಕ್ ಪುರಾ ಬೊಗ್ಸೊನ್

ಆಯ್ತೆಂ ಜಾಂವ್ಯಾ ಆಮಿ ಕ್ರಿಸ್ತಾಚ್ಯಾ ಯೆಣ್ಯಾಕ್ ಸಂತೋಸನ್.....

ಅದ್ವೆಂತಾಚಾ ಯ್ಯಾ ಸಾದ್ಯಾ ಕಾಳಾರ್

ಜೆಜುಚ್ಯಾ ಯೆಣ್ಯಾಕ್ ರಾಕೊನ್ ಆಸ್ತಾನಾ

ಕ್ರಿಸ್ಮಸ್ ಟ್ರಿ, ಯ್ಯಾ ಕುಸ್ವಾರ್ ಕೆಲ್ಯಾರ್ ಪಾವಾನಾ..

ಆತ್ಮೊ ನಿತಳ್ ಕರ್ನ್ ಶುದ್ದ್ ದವರಿನಾಂವ್ ತರ್

ಪ್ರೊಪಾಯ್ಲ್ ಪಿಕಾರ್ ಕ್ರಿಸ್ಮಸ್ ಮ್ಹಣ್ ಬರೆವ್ನ್

ಸಾಂತಾಕ್ಲೊಸಾಚಿ ಟೊಪ್ಪಿ ಗಾಲ್ನ್

ಕ್ರಿಸ್ಮಸ್ ಮುಣ್ ದಾಕಯಿಲ್ಯಾರ್ ಪಾವಾನಾ

ಜೆಜುಚ್ಯಾ ವಾಟೆನ್ ಚಲಾನಾಂವ್ ತರ್......

ರಂಗ್ ರಂಗ್ ನೆಕೆತ್ರಾಂ ಬಾಲ್ಕನಿರ್ ಉಮ್ಕಾಳೊನ್

ರಂಗ್ ರಂಗ್ ವಿಜ್ಯಾನಿಂ ಘರ್ ತೆಂ ಉಜ್ವಾಡೊನ್

ರಂಗ್ ರಂಗ್ ವಸ್ತ್ರಾನಿ ಕುಡ್ ತಿ ನೆಟೆಯ್ಲಾರ್ ಪಾವನಾ....

ದುಬ್ಳ್ಯಾಂಚೊ ಮೋಗ್ ಕರ್ನ್ ತಾಂಕಾ ಕುಮೊಕ್ ಕರಿನಾಂವ್ ತರ್

ಕ್ರಿಸ್ಮಸ್ ಫೆಸ್ತ್ ಸುರು ಜಾಂವ್ಚ್ಯಾ ಪಯ್ಲೆಂ

ಆಮ್ಕಾಂ ಆಮಿಂಚ್ ಬದ್ಲೊಂವ್ಯಾ

ಮನಾಂತ್ಲಿ ಕುಸಾಡಾಯ್ ನಿತಳ್ ಕರೊನ್

ಜೆಜುಚ್ಯಾ ಯೆಣ್ಯಾಕ್ ಏಕಾ ಮನಾನ್ ಆಯ್ತೆಂ ಜಾವ್ಯಾಂ

✍ ಸುರೇಶ್ ಸಲ್ಡಾನ್, ಪನ್ವೆಲ್(ಅಭುಧಾಬಿ)