ಆದ್ಲೊ ತೊ ಉಗ್ದಾಸ್.....

ಆದ್ಲೊ ತೊ ಉಗ್ದಾಸ್.....

ಶಿರಂದಾರಿಚೊ ಪಾವ್ಶ್ ರಾವ್ಲ್ಯಾರಿ

ರಾವೊಂಕ್ ನಾಂತ್ ಗೊ 

ಬಾಳ್ಪೊಣಾರ್ ತುಜೆಂ ಸಂಗಿ 

ಬಿಜಾತ್ ಗಾಲ್ಯಾ ತ್ಯಾ 

ಉಡ್ಕಾಣಾಚೊ ಉಗ್ಡಾಸ್........

ಆಜ್ ಹ್ಯಾ ಪಾವ್ಶಾಂತ್ ಬಿಜಾತ್

ಲಿಖೊಂಕ್ ಲಾಗ್ಲೊಂ ಗೊ

ಬಾಳ್ಪೊಣಾರ್ ತುಜೆಂ ಸಂಗಿ 

ಖರ್ಚಿಲ್ಲೆ ತೆ ಮೊವಾಳ್ ಘಡಿಯೊ.......

ವೆಂಗೆಂತ್ ಬದ್ಲಿಲ್ಲೆ ಉಣುಣಿ ಉಶ್ವಾಶ್...

ಆದ್ಲ್ಯಾ ತ್ಯಾ ಉಗ್ಡಾಸಾನ್

ದೊಳ್ಯಾನಿಂ ದು:ಖಾಂ ದೆಂವೊನ್ 

ಲಿಖ್ಲೆಲ್ಯಾ ಪತ್ರಾಂತ್ ಪಡ್ಲಿಂಗೊ

ಮ್ಹಜ್ಯಾ ಹೇಳ್ಕೆವೀಣ್ .. ಚಿಂತಾನಾ

ಅದ್ಲೊ ತೊ ಆಮ್ಚೊ ಮೋಗ್ ಆನಿ ಮಯ್ಪಾಸ್....

 ಹಾಂವ್ ಆಶೆಲ್ಲೊಂ......

ಸದಾಂಚ್ ತುಕಾ ವೆಂಗ್ಚೊ 

ಉಶ್ವಾಸ್ ಜಾಂವ್ಚ್ಯಾಕ್........!!!!

ತುಂವೆ ಪಳೆವ್ನ್ ಸಂತೋಶನ್ ನಾಶ್ಚಿ 

ಪಾವ್ಶಾಧೊಣ್ ಜಾಂವ್ಚ್ಯಾಕ್.....!!!!

ತುಜ್ಯಾ ಬಿಜುಲ್ಯಾ ಕೆಶಾ ಥಾವ್ನ್ ದೆಂವ್ಚೊ 

ಉದ್ಕಾ ಥೆಂಬೊ ಜಾಂವ್ಚ್ಯಾಕ್...!!!!

ಪುನ್ವೆಚ್ಯಾ ದಿಸಾ ತುಕಾ ವೆಂಗ್ಚೊ

ಚಂದ್ರೆಮ್ ಜಾಂವ್ಚ್ಯಾಕ್....!!!!

ತುಂವೆ ಆಶೆಲ್ಯಾ ತ್ಯಾ ಪುಲಾಚೊ

ಮೊಂವ್ ಸಾಕ್ಚೆಂ ಪಿಸೊಲೆಂ ಜಾಂವ್ಚ್ಯಾಕ್...!!!!

ತುಜ್ಯಾ ತ್ಯಾ ಸುಮದುರ್ ತಾಳ್ಯಾಚೊ

ಆವಾಜ್ ಜಾಂವ್ಚ್ಯಾಕ್.....!!!!

ತುಜ್ಯಾ ಸೊಬಿತ್ ಮೊವಾಳ್ ಕಾಳ್ಜಾಚೊ

ಗೊಂಟೆರ್ ಜಾವ್ನ್ ಸೊಭ್ಚ್ಯಾಕ್...!!!!

ತುಂವೆ ಲಿಖ್ಲೆಲ್ಯಾ ತ್ಯಾ ಪತ್ರಾಚೊ

ಪಯ್ಲಿ ವೋಳ್ ಜಾವ್ನ್ ಸೊಬ್ಚ್ಯಾಕ್ ....!!!!

ರಾಕೊನ್ ಆಸ್ತೊಲೊಂ ...

ಹಾಂವೆ ಲಿಖ್ಲೆಲ್ಯಾ ಹ್ಯಾ ಪತ್ರಾಕ್...

ಕೆದ್ನಾಂ ತುಂ ಜಾಪ್ ಪಾಟೆಯ್ಶಿ ...

ಕೆದ್ನಾಂ ತುಂ ಆದ್ಲೆಬರಿ ಯೇವ್ನ್ ವೆಂಗ್ಶಿ

ಕೆದ್ನಾಂ ತುಂ ಪಾಟಿಂ ದಾಂವೊನ್ ಯೆಶಿ...

ಖರ್ಚೊಂಕ್  ದೀಸ್  ಪಯ್ಲೆಂಚ್ಯಾ ಬರಿಚ್ 

ಹಾಸೊನ್ ಕುಶಿ ಕುಶಿ........

:- ಸುರೇಶ್ ಸಲ್ಡಾನ್ , ಪನ್ವೆಲ್ - ಅಭುದಾಬಿ.