ಸಾಂಗ್ ಬಾಯೆ ಕೊಣ್ ತುಂ ...

ಸಾಂಗ್ ಬಾಯೆ ಕೊಣ್ ತುಂ ...

ಜೀಣ್ಯೆಂತ್ ಮುಜ್ಯಾ ಗುಸೊನ್

ನಾಂವ್ ತುಜೆಂ ಬದ್ಲೊನ್

ಗಾಂವ್ ತುಜೊ ಲಿಪೊನ್

ನಜ್ರೆಥಾವ್ನ್ ಚುಕೊನ್

ಕಾಳ್ಜಾಂತ್ ಮ್ಹುಜ್ಯಾ ಬಸೊನ್

ಆಸಾಯ್ ತುಂ ರಾಕೊನ್

ಸಾಂಗ್ ಬಾಯೆ ಕೊಣ್ ತುಂ.........???

ತೆದ್ನಾ ತೆದ್ನಾ ಮೌನ್ಪಣಿ ರಾವೊನ್

ಮೊನ್ಯಾಬರಿ ದಿಸೊನ್

ಮನ್ ತುಜೆಂ ಜಾತನ 

ಮನಾಂತ್ಲೆ ಪುರಾ ಸಾಂಗೊನ್

ಮೊಗಚೆ ಇಷ್ಟಿನ್ ಜಾವೊನ್

ದಿಸ್ ಬರ್ ಉಲಯ್ತಾಯ್..

ರಾಗಾರ್ ತುಂ ಜಾತನಾ..

ಕಾರಣವಿಣೆ ಜಗ್ಡೊವ್ನ್

ದುಸ್ಮಾನಬರಿ ಮಾಕಾ ಪಳೆವ್ನ್

ಮುಡೊ ತೊ ಪುಗಾಯ್ತಾಯ್.

ಸಾಂಗ್ ಬಾಯೆ ಕೊಣ್ ತುಂ ........?????

ಹರ್ಯೆಕ್ ಮುಜ್ಯಾ ಮೆಟಾಕ್

ಮಾಕಾ ಸಾಂಬಾಳುನ್

ಹರ್ಯೆಕ್ ಮುಜ್ಯಾ ನಿರ್ದರಾಕ್ 

ಮಾಕಾ ಸಾಂಗತ್ ದಿವೊನ್

ಸುಕ್ ಕೆಲ್ಯಾ ತವಳ್

ಮೊಗನ್ ಮಾಕಾ ತಿದ್ವೊನ್

ಸರ್ವ್ ಮುಜ್ಯಾ ಕಾಮಾನಿಂ

ಸಂಗಿ ಮುಜ್ಯಾ ಆಸೊನ್

ಸದಾಂಚ್ ಮುಜ್ಯೆರ್ 

ದೊಳೊ ದವರುನ್ ಆಸ್ತಾಯ್.

ಸಾಂಗ್ ಬಾಯೆ ಕೊಣ್ ತುಂ .........????

ಉದ್ದೆಶ್ ತುಜೊ ಕಿತೆಂ ತೆಂ ಹಾಂವ್ ನೆಣಾಂ

ತುಜ್ಯಾ ಮತಿಂತ್ ಕಿತೆಂ ಆಸಾ ತೆಂ ಹಾಂವ್ ನೆಣಾಂ 

ಮ್ಹಜಿ ಪ್ರಗತಿ ತುಂ ಆಶೆವ್ನ್

ಮ್ಹುಜ್ಯಾ ಜಿಣ್ಯೇಕ್ ಆದಾರ್ ಜಾವ್ನ್

ಮ್ಹಜ್ಯಾ ಹಾತಾಕ್ ಹಾತ್ ದಿವೊನ್

ಸದಾಂಚ್ ಮುಜೊ ಪಾಟ್ಲಾವ್ ಕರ್ತಾಯ್ 

ಸಾಂಗ್ ಬಾಯೆ ಕೊಣ್ ತುಂ.............????

ರಡ್ತಾನಾ ಮಾಕ ಬುಜ್ವೊನ್

ಹಾಸ್ತಾನ ಮುಜೆಂ ಸಂಗಿ ಹಾಸೊನ್

ಸದಾಂಚ್ ಮುಜೆಂ ಬರೆಪಣ್ ಆಸೆವ್ನ್

ಮುಜ್ಯಾ ಉದರ್ಗತೆಕ್ ವಾವ್ರೊನ್

ತುಜ್ಯಾ ಮೊವಳಾಯೆನ್ ಬುಡೊನ್

ಮುಜೆಂ ಸಂಗಿ ಆಸ್ತಾಯ್ 

ಸಾಂಗ್ ಬಾಯೆ ಕೊಣ್ ತುಂ..

ಮುಜ್ಯಾ ಕಾಳ್ಜಾಚಿ ರಾಣಿ ಗಿ

ಮುಜೆಂ ಮಾಣಿಕ್ ಗಿ.. ಯಾ........??

ದೆವಾನ್ ದಿಲ್ಲಿ ಕಾಣಿಕ್ ಗಿ...?

✍  ಸುರೇಶ್ ಸಲ್ಡಾನ್.. ಅಬುಧಾಬಿ