ಯೆ ಯೆ ಮೊಗಾ ಮ್ಹುಜ್ಯಾ ..... ಘೆ ಘೆ ಗೊಪಾಂತ್ ತುಜ್ಯಾ
ಕಾಳ್ಜಾಂತ್ ಮ್ಹುಜ್ಯಾ
ಪೆಟ್ಲಾ ಮೊಗ ಉಜೊ
ಪಾಲ್ವೆಯ್ ಗಾಲೊನ್
ಮೊಗ ತೆಂಬೊ ತುಜೊ
ಅಶೆವ್ನ್ ಅಸಾ ಕಾಳಿಜ್ ಮ್ಹುಜೆಂ
ನಿದೊಂಕ್ ತುಜ್ಯಾ ಉಸ್ಕ್ಯಾರ್
ವೊತೊಂಕ್ ಉಮ್ಯಾಶಿವೊರ್
ಪೊಂಡ್ಕುರ್ರ್ಯಾ ತುಜ್ಯಾ ಗಾಲಾರ್
ಕುಡಿಂತ್ಲ್ಯಾ ಹರ್ಯೆಕಾ ರಕ್ತಾಕಣಾಂತ್
ಹರ್ದ್ಯಾಂತ್ಲ್ಯಾ ಹರ್ಯೆಕಾ ಉದಿಯೆಂತ್
ಸೆಂವ್ಚ್ಯಾ ಹರ್ಯೆಕಾ ಉಶ್ವಶಾಂತ್
ಬರೊನ್ ಅಸಾಯ್ ಸರ್ವ್ ಮ್ಹುಜ್ಯಾ ಜೀವನಾಂತ್
ತುಕಾ ವಿಸ್ರಲ್ಲಿ ಘಡಿ ಉದೆಲಿ ನಾ
ತುಕ ನಿಯಾಳುನಾತುಲ್ಲೊ ದಿಸ್ ಉದೆಲ್ಲೊ ನಾ
ತುಜಿ ಸ್ವಪ್ಣಾಂ ಪಡನಾತುಲ್ಲಿ ರಾತ್ ನಾ
ತುಕ ಚಿಂತೂನ್ ದು:ಖಾ ಕಾಡಿನಾತುಲ್ಲೊ ಘಂಟೊ ನಾ
ಮೊಗಾ ರಾಕೊನ್ ಅಸಾ
ಅಶೆಚೆ ಕಿರ್ಣ್ ಮೊತಿಂತ್ ಖಂಚೊವ್ನ್
ಆಜ್ ನಾ ತರ್ ಪಾಳ್ಯಾ ತುಂ
ಯೆತೆಲೆಂಯ್ ಮ್ಹುನೊನ್
ವೊಂಟ್ ಮ್ಹುಜೆ ಉಮ್ಯಾಂಚ್ಯಾ ಶಿವೊರಾನಿಂ
ಬೊರ್ತೆಲೆಂಯ್ ಮ್ಹುನೊನ್
ಮ್ಹುಜ್ಯಾ ಎಕ್ಸುರ್ಯಾ ಜಿವಾನಾಕ್ ಅದಾರಾಚೊ
ಖಾಂಬೊ ಜಾತೆಲೆಂಯ್ ಮ್ಹುನೊನ್
ಬೊರೊಯ್ಣಾರ್ : ಸುರೇಶ್ ಸಲ್ಡಾನ್ (ಅಬುದಾಬಿ)
