ವಿದಿಚೊ ಖೆಳ್

ವಿದಿಚೊ ಖೆಳ್

ಏಕ್ ದಿಸ್ ಆಚಾನಕ್ ಸಕಾಳಿಂ, 

ಖಬಾರ್ ಏಕ್ ವಾಳಾತ್ ಅಯ್ಲಿ

ಸಕ್ಕಡಿ ಘಡ್ಬೊಡೊನ್ ದಾವೊಂಕ್ ಲಾಗ್ಲಿ

ಮ್ಹುಜ್ಯಾ ಮೊಗಾಚೆಂ ಶಾಂತಿ ಸರ್ಲೆಂ ಖ್ಯೆಂ.....

ಸದಾಂ ಸಕಾಳಿಂ ಯೆತೆಲೆಂ , 

ಬಗ್ಲೆಕ್ ಮ್ಹುಜ್ಯಾ ಬೊಸ್ತೊಲೆಂ

ಅಂಬೊರ್ ಪಿಕ್ಯಾ ಹಾಸ್ಯಾನಿಂ,

ಮ್ಹೊನ್ ಮ್ಹುಜೆಂ ಜಿಕ್ತಾಲೆಂ

ಕುಜ್ನಾಕ್ ತೆಂ ದೊವಾತ್ ವ್ಹೆತೆಲೆಂ, 

ಹಾಂಡಿಯಾನಿ ಪುರಾ ಸೊದ್ತಾಲೆಂ

ಕಿತೆಂ ತರಿ ಘೆವ್ನ್ ಯೆತೆಲೆಂ, 

ತೊಂಡಾಕ್ ಮ್ಹುಜ್ಯಾ ಲಾಯ್ತೆಲೆಂ

ದಿಸ್ ಉಬೊನ್ ಮಹಿನೆ ಪಾಶಾರ್ ಜಾತಾನಾ

ತರ್ನ್ಯಾ ಕುಡಿನಿ ಮೊಗಚೆ ಬಿಂ ಕಿರ್ಲೊನ್ ಯೆತಾನಾ

ದಿಸಾಚಿ ಸೊವಿಸ್ ವ್ಹರಾಂ ಸಾಂಗಾತ್ ಮ್ಹುಜೆಂ ಅಶೆತಾಲೆಂ

ಮಾಂಯ್ ಬಾಬಚೆ ದೊಳೆ ಸುಕೊವ್ನ್ ಕಿಸ್ ದಿತಾಲೆಂ

ತೆದ್ನಾಂ ತೆದ್ನಾಂ ಭಂವ್ಡೆಕ್ ವ್ಹೆತೆಲ್ಯಾಂವ್

ಸುಖ್-ದುಖ್ ಅಂಮ್ಚೆ ವಾಂಟೊನ್ ಘೆತೆಲ್ಯಾಂವ್

ಎಕಾಮೆಕಾಚ್ಯಾ ವೆಂಗೆಂತ್ ಸಂಸಾರ್ ವಿಸ್ರಾತೆಲ್ಯಾಂವ್

ಪುಡಾರಾಚಿ ಸೊಬಿತ್ ಸುಂದರ್ ಸ್ವಪ್ಣಾಂ ದೆಖ್ತೆಲ್ಯಾಂವ್

ಸುಖಾ ಸಂತೊಷನ್ ಅಸುಲ್ಲ್ಯಾ ಅಂಮ್ಚೆ ಥಂಯ್

ಕೊಣಾಚಿ ದಿಷ್ಟ್ ತಿ ಪಡಾತ್ ಗೆಲಿ, ಕಳಿತ್ ನಾ ಜಾಲಿ

ಎಕಾಚ್ ದಿಸಾಚ್ಯಾ ತಾಪಾನ್ ಮ್ಹುಜ್ಯಾ ಶಾಂತಿ ಥಂಯ್

ವಿದಿ ತಿ ಜಬ್ಬರ್ ದಸ್ತ್ ಖೆಳ್ ಖೆಳಾತ್ ಗೆಲಿ

:-  ಸುರೇಶ್ ಸಲ್ಡಾನ್ ಪಾತಿಮಾಪುರಾ ( ಅಬುದಾಭಿ)

(ಸೂಚನ್: ಕವಾನಾಂತ್ ಉಲ್ಲೆಖ್ ಕೆಲ್ಲೆಂ ನಾಂವ್, ಉತ್ರಾಂ ಕವಿಚೆ ಸ್ವಕಲ್ಪಿತ್ ಜಾವ್ನಾಸ. ಕೊಣಾಯ್ಕಿ ಲಾಗು ಜಾಯ್ನಾಂತ್)