ಪೊಲಿಟಿಕ್ಸ್

ಪೊಲಿಟಿಕ್ಸ್

ಹವೊ ನಿಯಾಂತ್ರಿತ್ ಕುಡಾನಿಂ ಬೊಸೊನ್

ಮೊವ್ ಕದೆಲಾರ್ ಕುಲೊ ತೆಂಕೊನ್

ಪಟ್ಕಿರೆ ಆಶ್ವಾಸನ್ ದಿವೊನ್

ಸಂತೋಷ್ ಪಾವ್ತಾತ್ ಸಂಸಾರ್ ಕದ್ಳೊನ್

ಸರ್ಬಾರಾಯೆಚೆ ಜೆವಣ್ ಬೊಶಿಯೆಂತ್ ಘೆವ್ನ್,

ವಿದೇಶಿ ಬಾಟ್ಲ್ಯಾಂತ್ಲೆಂ ನಾಕ್ ಬರ್ ಗೊಟೊನ್

ಮೊವ್ ಬೆಡ್ದಾರ್ ಬಗ್ಲೆಕ್ ನಾರಿಕ್ ಘೆವ್ನ್

ಆಸ್ತಾತ್ ಸುಶೆಗಾತ್ ನಿದೊನ್ ಪಡೊನ್

ಬೆಕಾರ್ ಅಸುಲ್ಲೆಂ ತೊಡೆ ಪಾಡರಿ, 

ಗೆವ್ನ್ ಮೊಡು  ಪಿಕ್ಕಾಶ್, ಪಾತೊರ್, ತಲ್ವಾರಿ

ಕೊಣಾ ಕೊಣಾಚ್ಯಾ ಮಾರಾಕ್ ಜಾವ್ನ್ ಬಲಿ

ಆಸ್ತಾತ್ ಪಡೊನ್ ಲೊಳೊನ್ ಮಾರ್ಗಾರಿ..

ಕಿತ್ಲಿಶಿಂ  ಬಾಯ್ಲಾಂ ಜಾತತ್ ವಿದವ್

ಕಿತ್ಲಿಶಿಂ ಕುಟ್ಮಾ ಜಾತತ್ ಆನಾಥ್..

ಕಿತ್ಲೆಶ್ಯೊ‌ ಜಣಾಂ ಜಾತತ್ ನಿರಾದಾರಿ

ಕಿತ್ಲೆಶ್ಯೊ ಜಣಾಂ ಕರ್ತಾತ್ ಗುಂಡಾಗಿರಿ

ಕುಡಿಚ್ಯಾ ರಗ್ತಾಚ್ಯಾ ಕಣಾಂತ್

ಪೊಟಾಕ್ ಜೆಂವ್ಚ್ಯಾ ಜೆವ್ಣಾಂತ್

ವಸ್ತಿ ಕರ್ಚ್ಯಾ ಘರಾಂತ್

ಪಯ್ಣ್ ಕರ್ಚ್ಯಾ ವಾಹನಾಂತ್

ತರ್ ನಾ ಫರಕ್ ...

ತರ್ ದರ್ಮ್ ದರ್ಮ್ ಮ್ಹಣ್

ತುಮಿ ಜುಜ್ತಾತ್ ಕಿತ್ಯಾಕ್ ...??

ರಾಜಕಾರಣಿ ಆಜ್ ಅಸ್ತಿತ್ ಪದ್ವೆರ್...

ಪಾಳ್ಯಾಂ ಯೆತಿತ್ ರಸ್ತ್ಯಾರ್..

ಬಗರ್ ತುಮ್ಚೆಂ ಹೆಂ ಸೆಜಾರ್

ಆಸ್ತೆಲೆಂ  ಸದಾಂಚ್ ತುಮ್ಚೆಂ ಭಂವೊರ್.

ಜಾಗೊ ಜಾಯಾ ಭಾವನೊ ..

ಜಾತಿ-ಕಾತಿಕ್ ಪಯ್ಸ್ ಕರೊನ್

ಜಿಯೆಯಾ ಅಮಿ  ಮಾಯಮೊಗನ್

ಪೊಲೆಟಿಕ್ಸ್  ಮ್ಹಳ್ಯಾ

ಭುತಾಕ್ ಪಾಟ್ ಕರೊನ್.....

(ಸೂಚನ್ : ಯೆ ಮ್ಹುಜೆಂ ಕವನ್ ಸ್ವ ಕಲ್ಪಿತ್ ಜಾವ್ನಾಸಾ. ಕಂಚ್ಯಾಯ್ ಪಾಡ್ತಿಕ್, ಯಾ ದರ್ಮಾಕ್, ಯಾ ರಾಜಕರಣಿಂಕ್ ಲಾಗು ಜಾಯ್ನಾ.)

✍ ಸುರೇಶ್ ಸಲ್ಡಾನ್. ಪನ್ವೆಲ್.