ಟೊಸ್ಟ್ ಮಾಸ್ಟರ್ .....

ಟೊಸ್ಟ್ ಮಾಸ್ಟರ್ .....

ದೊನ್ ಸುಕ್ಣಿಂ ತಿಂ ಏಕ್ ಜಾತಾನಾ

ಗಾಂವ್ಕ್ ಲಾಗ್ತಾತ್ ತಿಂ ಸುಂದರ್ ಗಾಯಾನಾ

ದೊನ್ ಕಾಳ್ಜಾಂ ತಿಂ ಏಕ್ ಜಾತಾನಾ

ಬರೊನ್ ಯೆತಾತ್ ಉಮಾಳ್ಯಾಂಚಿ ಬಾವಾನಾ

ಆಯ್ತೆ ಜಾಲ್ಯಾತ್ ತುಮಿ ಹಾತಾಂತ್ ಹಾತ್ ಗೆವೊನ್

ಮುಖ್ಲ್ಯಾ ಪುಡಾರಾಚಿ ಸ್ವಪ್ಣಾಂ ಮತಿಂತ್ ಗೆವೊನ್

ಕಸ್ಟ್- ದು:ಖ್, ಸುಖಾ - ಸಂತೋಶಂತ್ ಸಾಂಗಾತ್ ದಿವೊನ್

ಚಲಯಾ ತುಮ್ಚಿಂ ಜೀವಾನಾಚಿ ಗಾಡಿ ಖುಶಾಲಾಯೆನ್

ತಡ್ ಮ್ಹುಳ್ಯಾ ದೊನ್ ವಿವಿಂಗಡ್ ಕಾಳ್ಜಾಂಕ್

ಕಾಜಾರ್ ಮ್ಹುಳ್ಯಾ ಸಾಂಖೊವಾಂತ್ ಏಕ್ ಕರೊನ್

ಬುರ್ಗ್ಯಾ ಬಾಳಾಂಚ್ಯಾ ಕುಶೆಚ್ಯಾ ಸಾಗೊರಾಂತ್ ಉಪ್ ಪಿಯೆಂವ್ಕ್

ಕುಶೆನ್ ರಾವಾ ತುಮಿ ಹಾಸೊನ್ ಖೆಳೊನ್..

ಧುಬಾವ್ ಮ್ಹುಳ್ಯಾ ಮಾರೆಕಾರ್ ಪಿಡೆಕ್ ಅವ್ಕಾಸ್ ದಿನಾಸ್ತಾನಾ

ಸಮ್ಜಣಿಂ ಮ್ಹುಳ್ಯಾ ದಿವ್ಟೆಕ್ ಪಾಲ್ವೊಂಕ್ ಸೊಡಿನಾಸ್ತಾನಾ

ಏಕಾಮೆಕಾಕ್ ರಾಗ್ ಮೊಸೊರ್ ಜಗ್ಡೆಂ ಕರಿನಾಸ್ತಾನಾ

ಜಿಯೆಯಾ ಲಾಂಬ್ ಜಿಣಿ ಕೊಣಾಯ್ಕಿ ದುಖಾಯ್ನಾಸ್ತಾನಾ

ಜಲ್ಮ್ ದಿಲ್ಯಾ ಆವಯ್ ಬಾಪಾಯ್ಕ್ ವಿಸರಿನಾಸ್ತಾನಾ

ಭಾವಾ - ಭಯ್ಣಿಚ್ಯಾ ಮೊಗಾಕ್ ಲಾತ್ ಮಾರಿನಾಸ್ತಾನಾ

ಗರ್ಜೆವಂತಾಚ್ಯಾ ಕುಮ್ಕೆಕ್ ಕೆದಿಂಚ್ ನಿರಾಕರ್ಸಿನಾಸ್ತಾನಾ

ಕುಟ್ಮಾಸಂಗಿ ಮಾಯಾಮೊಗಾನ್ ಜಿಯೆಯಾ ಕೊಣಾಯ್ಕಿ ಸಾಂಡಿನಾಸ್ತಾನಾ

ತುಮ್ಚ್ಯಾ ಕುಟ್ಮಾಸಂಗಿ ಸಾಂಗಾತಾ ಮೆಳೊನ್

ಮೊಗಾಚೊ (ವ್ಯೆನಾಚೊ) ಗ್ಲಾಸ್ ಹೊ ಹಾತಿ ಗೆವೊನ್

ಮುಖ್ಲ್ಯಾ ತುಮ್ಚ್ಯಾಂ ಪುಡಾರಾಕ್ ಬರೆಂ ಮಾಗೊನ್

ಉತ್ರಾಂ ಮುಜಿಂ ಅಖೆರ್ ಕರ್ತಾಂ ದೆವಾಚೆ ಬೆಸಾಂವ್ ದಿವೊನ್..

:-  ಸುರೇಶ್ ಸಲ್ಡಾನ್ಹಾ, ಅಬುಧಾಬಿ