ಕೊಣಾಚಿ ಕಾಣಿ ಸಾಂಗು....

ಕೊಣಾಚಿ ಕಾಣಿ ಸಾಂಗು.... 

ಕಾಣಿ ಸಾಂಗ್ ಮುಣ್ತಾಯ್ ಗೊ ಚೆಡ್ವಾ....
ಕಾಣಿ ಕೊಣಾಚಿ ಸಾಂಗು ಗೊ ಮುಜ್ಯಾ ಗಾಡ್ವಾ
ಮ್ಹಜಿ ಕಾಣಿಗಿ.... ? ಯ್ಯಾ ತುಜಿ ಕಾಣಿಗಿ....?
ಯ್ಯಾ ಸಂಸಾರಾಂತ್ ಜಾಂವ್ಚ್ಯಾ ಅನಿತಿಚಿ ಕಾಣಿಗಿ.......?

ಆಪ್ಲ್ಯಾ ಕುಟ್ಮಾಖಾತಿರ್ ದಿಸ್ ಬರ್  ಘೊಳ್ನ್
ರಾತ್ಚ್ಯಾ ನಿದೆಕ್ ಆಶೆಂವ್ಚ್ಯಾ ಮನ್ಶ್ಯಾಚಿ ಕಾಣಿಗಿ.....?
ದಿಸ್ ಬರ್ ಇಶ್ಟಾಸಂಗಿ ಮಜಾ ಮರೊನ್
ನಿದೆಖಾತಿರ್ ಗುಳಿಯೊ ಸೆಂವ್ಚ್ಯಾ ಮನ್ಶ್ಯಾಚಿ ಕಾಣಿಗಿ....?

ವರ್ಸ್ ಬರ್ ಅಪ್ಲಾ ದನ್ಯಾಚಿ ಚಾಕ್ರಿ ಕರ್ನ್..
ತಾಚ್ಯಾ ದುವೆಚ್ಯಾ ಮೊಗಾರ್ ಪಡುಲ್ಯಾ ಚಾಕ್ರಚಿ ಕಾಣಿಗಿ.. ?
ಕಾಮಾಚ್ಯಾ ಸೊದ್ನೆರ್ ಗೆಲ್ಯಾ ಚಲಿಯೆಕ್
ದನ್ಯಾನ್ ತಾಚೆರ್ ಅತ್ಯಾಚ್ಯಾರ್ ಕರ್ನ್ ಸೊಡುಲ್ಲಿ ಕಾಣಿಗಿ....?

ಪೊಟಾಚಿ ಭುಖ್ ಥಾಂಬೊಂವ್ಕ್ ಸಿಗ್ನೆಲಾಕಡೆ
ಭಿಕ್ ಮಾಗ್ಚ್ಯಾ ಬಿಕಾರ್ಯಾಚಿ  ಕಾಣಿಗಿ..?
ಆಡಂಬರಾಚೆಂ ಜೆವಾಣ್ ಜೇವ್ನ್
ಪಾಡ್ ಕರ್ಚ್ಯಾ ಗ್ರೆಸ್ತ್ ಮನ್ಶ್ಯಾಚಿ ಕಾಣಿಗಿ...?

ದಾ ಬಾರಾಂ ಮಯ್ಲಾ ವಜೆಂ ವಾವೊನ್ ರಿತ್ಯಾ ಹಾತಾನಿಂ
ಪಾಟಿಂ ಅಯ್ಲ್ಯಾ ಶೆಟ್ಕಾರಾಚಿ ಕಾಣಿಗಿ.... ?
ತಾಂಚೆ ಕಡ್ಚೆಂ ಲುಟೊನ್ ಮದೆಂ …..
ಮುನಾಪೊ ಗೆಂವ್ಚ್ಯಾ ದಲ್ಲಾರಿಚಿ ಕಾಣಿಗಿ...?

ಮೊಗ್ ಕರ್ತಾಂ ಮುನೊನ್
ನಿಸ್ಕಳ್ಪೊಣ್ ಲುಟುಲ್ಯಾ ಚೆಡ್ಯಾಚಿ ಕಾಣಿಗಿ.... ?
ಮೊಗಾಚೊ ಪಾಶಾಂವ್ ಖೆಳೊನ್
ವಿಶ್ವಾಶ್ ಘಾತ್ ಕೆಲ್ಯಾ ಚೆಡ್ವಾಚಿ ಕಾಣಿಗಿ.....?

ಎಲಿಸಾಂವ್ ವೆಳಾರ್ ಪೊಟ್ ಪೊಶೆವ್ನ್
ಪಟ್ಕಿರೆ ಆಶ್ವಾಶಾನ್ ದಿಲ್ಯಾ ಮಂತ್ರಿಚಿ ಕಾಣಿಗಿ ...?
ಅಪ್ಣಾಚೊ ಉದ್ದೊ ಉರೊಂವ್ಕ್ ದುಸ್ರಾಂಚೆರ್
ಅಪ್ರಾದ್ ತಾಪ್ಚ್ಯಾ ಕಾಮೆಲ್ಯಾಚಿ ಕಾಣಿಗಿ...?

ಸಾಂಗೊಂಕ್ ಗೆಲ್ಯಾರ್ ಮೊಸ್ತು ಅಸಾಗೊ ಚೆಡ್ವಾ...
ಸಾಂಗ್ ಮಾಕಾ ಕೊಣಾಚಿ ಕಾಣಿ  ಸಾಂಗು  ತುಕಾ ಗಾಡ್ವಾ...
ಹ್ಯಾ ಸಂಸರಾಂತ್ ಆಮ್ಚಿಚ್ ಜಿಣಿ ಜಾಲ್ಯಾ ಎಕ್  ಅದುರಿ ಕಾಣಿ......
ಯ್ಯಾ ಕಾಣಿಯಾನಿಂ ಉಪ್ಯೆವ್ನ್ನ್ ಝರಯ್ಲ್ಯಾ ಆರ್ದಿ ಮ್ಹಜಿ ಜಿಣಿ........

: - ಸುರೇಶ್ ಸಲ್ದಾನ್, ಪನ್ವೆಲ್, ಅಬುಧಾಬಿ