ಯೆಗೊ ತುಂ ಯೆಗೊ ಪರತ್ ತುಂ ಯೆಗೊ..

ಯೆಗೊ ತುಂ ಯೆಗೊ ಪರತ್ ತುಂ ಯೆಗೊ..

ಯೆಗೊ ತುಂ ಯೆಗೊ ಪರತ್ ತುಂ ಯೆಗೊ...

ಮೊಗಾಚ್ಯಾ ಆವ್ರಾಂತ್ ಉಪ್ಯೆಂವ್ಕ್ ತುಂ ಯೆಗೊ

ಆಕಾಶಿ ಮೊಳ್ಬಾರ್ ಉಬೊಂವ್ಕ್ ತುಂ ಯೆಗೊ

ತುಟುಲ್ಲೆಂ ಸ್ವಪಾಣ್ ಘಡ್ಸುಂಕ್ ತುಂ ಯೆಗೊ.......

ಅಸಾಂ ಹಾಂವ್ ತುಜ್ಯಾ ಯೆಣ್ಯಾಕ್ ರಾಕೊನ್

ಖಂಯ್ಸರ್ ಪಾವ್ಲಾಂಯ್ ಗೊ ಮಾಕಾ ವಿಸ್ರೊನ್

ಅಸಾಂ ಹಾಂವ್ ತುಜ್ಯಾಚ್ ಮೆಟಾನಿಂ ಚಲೊನ್, 

ಪರತ್ ಯೆತೆಲೆಂಯ್ ಮ್ಹಳ್ಳೊ ಭರ್ವಸೊ ದರುನ್

ನಾಂತ್ ಗೊ ತುಜ್ಯಾ ಬರಿ ಕೊಣಿ ಮೊಗಾನ್ ವೆಂಗ್ಚಿಂ

ರುಚಿಕ್ ರಾಂದೊನ್ ತೊಂಡಾಕ್ ಲಾಂವ್ಚಿ

ಹಾತಾಂತ್ ಹಾತ್ ಗೆವೊನ್ ಪಾರ್ಕಾಂತ್ ಭೊಂವ್ಚಿ..

ಪಿಡೆಶಿಡೆಂತ್ ಸೊವಿಸ್ ವರಾಂ ಜತನ್ ಘೆಂವ್ಚಿ

ರಾಗಾರ್ ಜಾಲ್ಲ್ಯಾ ಮ್ಹಾಕಾ ಸಮಾದಾನ್ ಶಿಕೊವ್ನ್ 

ಗರ್ವಾನ್ ಬುಡುಲ್ಲ್ಯಾ ಮಾಕಾ ಮೊಗಾನ್ ಬುಡೊನ್

ನಾಕಾರಿ ಜಾಲ್ಲ್ಯಾ ಮಾಕಾ ಏಕ್ ಮನಿಸ್ ಕರುನ್

ಆಸುಲ್ಲೆಂಯ್ ತುಂ ಹಾಸೊನ್ ಖೆಳೊನ್

ಏಕ್ಸುರ್ಪಣಾಂತ್ ಆಸ್ತಾನಾ ಕುಟ್ಮಾಕ್ ಸಾಂಡೊನ್

ದುಖಿಚ್ಯಾ ಕೊಂಡಾಂತ್ ಆಸ್ತಾನಾ ಬುಡೊನ್ 

ತುಜ್ಯಾ ಸ್ವಪ್ಣಾಂಕ್ ಜಿರೊನ್, ಮ್ಹಜ್ಯಾ ಕುಶೆಕ್ ವೆಂಗೊನ್ 

ಆಸುಲ್ಲೆಂಯ್ ತುಂ ಮಾಕಾ ತುಜೆ ಸರ್ವಸ್ವ್ ದಿವೊನ್

 ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ

Published in  :  Aankri .com