ಇಷ್ಟಾಗಾತ್..

ಇಷ್ಟಗಾತ್ ನಿತಳ್ ಆಕಾಶಬರಿ
ವಾಳ್ಚ್ಯಾ ನಿತಳ್ ಉದ್ಕಾಬರಿ
ನಾ ಹಾಂಗ ಕಸಲಿ ಭೇದ್ ಬಾವ್
ನಾ ಹಾಂಗ ಕಸಲಿ ಹಗೆಂ ಮೊಸೊರ್..

ಜಾತ್ ಕಾತಿಚೆಂ ಬಂದದ್ ನಾ
ಹಾಂವ್ - ತುಂ ಮ್ಹಳ್ಳೊ ಆಂತರ್ ನಾ
ಸದಾಂಚ್ ನವೆಂಪಣ್ ..
ಸದಾಂಚ್ ಖುಶಾಲಾಯ್
ಯ್ಯಾ ಇಷ್ಟಾಗತೆಕ್ ಮೊಲ್ ನಾ
ಯ್ಯಾ ಇಷ್ಟಾಗತೆಕ್ ಆಂತ್ಯ್ ನಾ

ದೊನ್ ಕುಡಿಚೆ ಏಕ್ವೊಟ್ಪನ್
ಕ್ಯೆಂಸರ್ ಗಿ ಆಸ್ಚ್ಯಾ ಜೀವಾಕ್
ಆನಿ ಕ್ಯೆಂಸರ್ ಗಿ ಆಸ್ಚೊ ಜೀವ್
ಏಕಾಮೆಕಾಕ್ ವ್ಹಳೊಕ್ ಜಾವ್ನ್
ಸಾಂಗಾತ ಏಕ್ಬೊಟ್ಚೊ ಸಾಂಖೊವ್

ದುಃಖಾ ಸುಖಾಂತ್ ಭಾಗಿದಾರ್
ವಾಟ್ ಚುಕ್ತಾನಾ ಮಾರ್ಗ್ ದಾತಾರ್
ತುಜಿ ಕುಶಿಚ್ ಮ್ಹಜಿ ಕುಶಿ ಮ್ಹಣ್ ಲೆಕೊನ್
ನಿರಂತರ್ ಜೀವಾಳ್ ಆಸ್ತಾ
ಏಕ್ ನಿತಳ್ ಉದ್ಕಾ ಝರಿಬರಿ

✍ ಸುರೇಶ್ ಸಲ್ಡಾನ್, ಪನ್ವೆಲ್(ಅಭುದಾಬಿ)

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಇಷ್ಟಾಗಾತ್..

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/