ಉಲಯ್ ಭಾವಾ ಉಲಯ್

ಉಲಯ್ ಭಾವಾ ಉಲಯ್

ಆಜ್ ಯು.ಎ.ಇಂತ್ ನವಾಲ್ ಏಕ್ ಘಡ್ಲಾಂ

ಆಮ್ಚಿಂ ಕೊಂಕಣ್ ಮಾಂಯ್ ಅಂತ್ರಾಳಾಕ್ ಚಡ್ಲ್ಯಾ

ಕೊಂಕ್ಣೆಚೆ ಭಾವ್ -ಭಯ್ಣಿಂ ಏಕ್ಟಾಯ್ ಜಾವೊನ್..

ಹರ್ಸಿತಾಂವ್ ಕೊಂಕಣ್ ಮಾಯೆಕ್ ಏಕ್ ತಾಳ್ಯಾನ್..

ಉಲಯ್ ಭಾವಾ ಉಲಯ್ ಭಯ್ಣಿ

ಶಿಕಯ್ ಭಾವಾ ಶಿಕಯ್ ಭಯ್ಣಿ

ಕೊಂಕಣ್ ಮಾಯೆಚೊ ಗೌರವ್ ಚಡಂವ್ಕ್...

ಕೊಂಕ್ಣಿ ಉಲಯ್, ಕೊಂಕ್ಣಿ ಉರಯ್..

ಮುಸ್ಸಾಫಾ, ಅಬುಧಾಬಿ, ಫುಜೇರಾ, ದುಬಾಯ್

ರಾಸಲ್ ಕೈಮಾ, ಜಬಲ್ ಅಲಿ, ಶಾರ್ಜಾ ಅಲ್ಯೆನ್..

ಆಮಿ ಜಮ್ಲ್ಯಾಂವ್ ಆಜ್ ವರ್ಣುಚ್ಯಾಕ್ ಕೊಂಕ್ಣಿ ಸೊಭಾಯ್

ನಮಾನ್, ನಮಾನ್ ತುಕಾ ಕೊಂಕಣಿ ಮಾಂಯ್

ಉಲಯ್ ಭಾವಾ ಉಲಯ್ ಭಯ್ಣಿ

ಶಿಕಯ್ ಭಾವಾ ಶಿಕಯ್ ಭಯ್ಣಿ

ಕೊಂಕಣ್ ಮಾಯೆಚೊ ಗೌರವ್ ಚಡ೦ವ್ಕ್...

ಕೊಂಕ್ಣಿ ಉಲಯ್, ಕೊಂಕ್ಣಿ ಉರಯ್..

ವಿಗಾರ್ ಆನಿ ಯಾಜಾಕಾಂಚ್ಯಾ ಮ್ಹಿನತೆನಿ..

ಆಯ್ಚೊ ಕೊಂಕಣ್ ದಿವಸ್ ಆಸಾ ಕೆಲಾ..

ಆಮಾ೦ ಸರ್ವಾ೦ಚಾ ಖರ‍್ಯಾ ಮೊಗಾ ಸಾಕ್ರಿಫಿಸಾನ್

ಕೊಂಕಣ್ ಮಾಂಯ್ ಉರ್ತೆಲಿ ಅಮರ್ ಜಾವೊನ್.....

ಉಲಯ್ ಭಾವಾ ಉಲಯ್ ಭಯ್ಣಿ

ಶಿಕಯ್ ಭಾವಾ ಶಿಕಯ್ ಭಯ್ಣಿ

ಕೊಂಕಣ್ ಮಾಯೆಚೊ ಗೌರವ್ ಚಡ೦ವ್ಕ್...

ಕೊಂಕ್ಣಿ ಉಲಯ್, ಕೊಂಕ್ಣಿ ಉರಯ್..

ಉತ್ರಾಂ : ಸುರೇಶ್ ಸಲ್ಡಾನ್, ಪನ್ವೆಲ್, ಅಬುಧಾಬಿ

ಸಂಗೀತ್ ಆನಿ ತಾಳೊ : ಅಶ್ವಿನ್ ಡಾಯಸ್, ಅಬುಧಾಬಿ

ಗಾವ್ಪಿ : ಕೊಂಕ್ಣಿ ಗಾಯನ್ ಮಂಡಳಿ, ಮುಸಾಫಾ,ಅಬುಧಾಬಿ

*ಮೆಯಾಚ್ಯಾ 26, 2017, ಅಬುದಾಬಿ ಮುಸಾಪಾಂತ್ ಮಾಂಡೊನ್ ಹಾಡುಲ್ಯಾ ಕೊಂಕಣ್ ದಿವಸ್ ಕಾರ್ಯಾಕ್ ಘಡ್ಲೆಲೆ ಆನಿ ಗಾಯ್ಲೆಲೆಂ ಜಾವ್ನಾಸಾ.*

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಉಲಯ್ ಭಾವಾ ಉಲಯ್

1 comments:

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/