ನಶಿಬಾಂತ್ ಲಿಖ್ಲೆಲೆಂ

ನಶಿಬಾಂತ್ ಲಿಖ್ಲೆಲೆಂ

ನಶಿಭಾಂತ್ ಮ್ಹಜ್ಯಾ

ಸಾಂಗತ್ ತುಜೊ

ಲಿಖೊಂಕ್ ನಾ ತರಿ...

ತುಜ್ಯಾ

ಉಗ್ಡಾಸ ಪಾಟ್ಲಾನ್

ಕಿತ್ಯಾಕ್ ಭಂವ್ತಾಂ

ಹೆಂ ಮ್ಹಜೆಂ ಪಿಶೆಂ ಮ್ಹನ್ ..????

ರಡಾತ್ ಆಸಾಂ

ತುಜ್ಯಾ ಮೊಗಖಾತಿರ್

ರಾಕತ್ ಆಸಾಂ

ತುಜ್ಯಾ ಯೆಣ್ಯಾಖಾತಿರ್

ಉಶ್ವಾಸ್ ಬಾಂದ್ಲಾ

ತುಜ್ಯಾ ಉಗ್ಡಾಸನ್

ಕಾಳಿಜ್ ಲಾಸ್ಲಾಂ

ತುಜ್ಯಾ ನಾ ಯೆಣ್ಯಾನ್

ಪ್ರತಿದ್ವನಿತ್ ಜಾವ್ನಾಸತ್

ತುಜಿಂ ತಿಂ ಉತ್ರಾಂ

ದೊಳ್ಯಾನಿಂ ಮಾಂದ್ಲ್ಯಾತ್

ದುಃಖಾನಿ ಬುಡ್ಲೆಲಿಂ ಪಿಂತ್ರಾಂ

ಮ್ಹನ್ ಹೆಂ ಲಾಲೆತಾ

ತುಜ್ಯಾ ಬುಜ್ವಾಣೆಕ್

ಕುಡ್ ಹಿ ಆಶೆತಾ

ತುಜ್ಯಾ ವೆಂಗೆಕ್

ಕಶೆಂ ಹಾಂವ್

ಹೆಂ ಸರ್ವ್ ವಿಸ್ರುಂ.....???

ದೊಳ್ಯಾನಿಂ ವಾಳ್ಚ್ಯಾ

ದುಃಖಾ ಝರಿಂಕ್

ಮೊಗನ್ ಪುಸ್ಲೆಲೆ ತೆ ಹಾತ್......

ದ್ಯೆರಾಚಿ ಬುಜ್ವೊಣ್ ದಿವ್ನ್

ಮಾತೆ ತೆಂಕೊಂಕ್

ದಿಲ್ಲೆ  ತುಜೆ ಖಾಂದ್.....

ಸಾಂಗತ್ ತುಜೊ ಸಾಂಡ್ಚಿನಾ

ಮ್ಹಣ್ ಬರ್ವೊಸೊ ದೀವ್ನ್

ವೆಂಗ್ಲೆಲಿ ತಿ ವೆಂಗ್........

ಗಾಲಾರ್ ಮ್ಹಜ್ಯಾ

ಉಣುನಿ  ದೀವ್ನ್ ಕಿಸ್ 

ಪಾತ್ಯೆಣಿ ದಿಲ್ಲಿ ತಿ ಬಾಸ್......

ಸಾವ್ಳೆ ಬರಿ

ಪರತ್ ಪರತ್

ಮ್ಹಜ್ಯಾ ಪಾಟ್ಲಾನ್ ಯೇವ್ನ್

ಮ್ಹಜೆಂ ಕಾಳಿಜ್

ಬೆಸಾಂ ಕರ್ಚ್ಯಾ ಹ್ಯಾ

ಉಗ್ಡಾಸಕ್........

ರಾಕತ್ ಆಸಾಂ ಹಾಂವ್

ಆಶೆಚೆಂ ಕಿರ್ಣ್ ಮ್ಹತಿಂತ್ ದರ್ನ್

ಆಜ್ ನಾ ತರ್ ಪಾಲ್ಯಾಂ

ಪರತ್ ಯೆತೆಲೆಂಯ್

ಕಾಳ್ಜಾಚಿ ರಾಣಿ ಜಾವ್ನ್

ಜಿಣ್ಯೆಂತ್ ಮ್ಹಜ್ಯಾ ಸೊಬ್ತೆಲೆಂಯ್...

✍   ಸುರೇಶ್ ಸಲ್ಡಾನ್, ಪನ್ವೆಲ್, ಅಬುದಾಬಿ