ಬಸ್ಸಾರ್ ಬೆಟ್ಲೆಲಿ ಚಲಿ..

ಬಸ್ಸಾರ್ ಬೆಟ್ಲೆಲಿ ಚಲಿ..

ಏಕ್ ದೀಸ್ ಹಾಂವ್

ಬಸ್ಸಾರ್ ಪಯಣ್ ಕರ್ತಾಲೊಂ

ಬಗ್ಲೆಕ್ ಬೊಸುಲ್ಲ್ಯಾ ಚಲಿಯೆಕ್ 

ಪಳೆವ್ನ್ ಬೊವ್ ಕಳ್ವಾಲ್ಲೊಂ

ರುಪಾನ್ ಸೊಬ್ತಾಲಿ ತಿ ಅಂಜಾ ಬರಿ ,

ಕಾತಿನ್ ತಿ ದಿಸ್ತಾಲಿ ಗೊರಿ ಗೊರಿ

ಮೊತಿಂತ್ ರುಪ್ಣೆಂ ತಿಚೆ ನಿಯಾಳುನ್

ಪಯ್ಣ್ ಮುಜೆಂ ಆಸುಲ್ಲೊಂ ಮುಖಾರ್ಸುನ್

ತಾಂಬ್ಸೆ ತಿಚ್ಯೆ ತೆ ಕೆಸ್ ವಾರ್ರ್ಯಾರ್ ಉಬೊನ್

ತೊಂಡಾರ್ ಮುಜ್ಯಾ ಕೆಳಾತ್ ಆಸ್ತಾನಾ

ಬಾವಾ ಏಕಚ್ ಪಾಂವ್ಟಿ ಪಡ್ಲೊಂ ಉಡೊನ್

ಆಚಾನಕ್ ಚೆಡ್ವಾಚೊ ತಾಳೊ ಆಯ್ಕಾತಾನಾ

ಚಲಿ ತಿ ಏಕ್ಲಿಚ್ ಉಲೊಂವ್ನ್ ಆಸುಲ್ಲಿ

ಕಾರಣ್ ನಾಸ್ತಾಂ ಜೊರಾನ್ ಹಾಸಾತ್ ಆಸುಲ್ಲಿ

ಮದೆಗಾತ್ ಇಲ್ಲೊಸ್ ವೆಳ್ ರಡೊಂಕ್ ಲಾಗ್ಲಿ

ಪಳೆವ್ನ್ ತಿಚೊ ಅವ್ತಾರ್,  ಕುಡ್ ಮುಜ್ಯಿ ಬಿಯಾನ್ ಕಾಂಪ್ಲಿ

ಅವ್ತಾರ್ ತಿಚೊ ಪಳೆವ್ನ್, ಮಾಕ ದೆವಾಚೆರ್ ರಾಗ್ ಅಯ್ಲೊ

ಆಂಜ್ಯಾ ಸಾರ್ಕ್ಯಾ ಚೆಡ್ವಾಕ್ ದೆವಾನ್ ತಿ ಕಸ್ಲಿ ಪಿಡಾ ದಿಲ್ಲಿ

ಕುಡಿನ್ ತಿ ಗೊರಿ, ಆಂಜ್ಯಾ ಬರಿ ತರಿ

ಮೊತಿಂತ್ ತಿ ಎಕ್ ದಮ್ ಅಸ್ಕತ್ ಅಸುಲ್ಲಿ

ತಿತ್ಲಾರ್ ಬಾವಾ ……….

ಚಲಿ ತಿ ಕಾನರ್ ಲಾಯಿಲ್ಲೆಂ,

ಬ್ಲು ಟುಟ್ ಕಾಡ್ನ್ ಪರ್ಸಂತ್ ಗಾಲಿತ್,

ಎಕ್ ಸೊಬಿತ್ ಹಾಸೊ ದೀವ್ನ್

ಮುಜ್ಯಾ ಕುಶಿಲಿ ಉಟೊನ್ ಗೆಲಿ,.....

ಅತಾಂ ಕಳ್ಳೆಂ ಮಾಕಾ

ಚಲಿ ತಿ ಅಸ್ಕತ್ ನಂಹಿ,

ಬಗರ್ ಬೊಯ್ ಫ಼್ರೆಂಡಾ ಕಡೆ

ಪೊನಾರ್ ಉಲೊವ್ನ್ ಅಸುಲ್ಲಿ.

:- ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ