ಯೆಗೊ ತುಂ ಯೆಗೊ

ಯೆಗೊ ತುಂ ಯೆಗೊ

ಯೆಗೊ ತುಂ ಯೆಗೊ
ಮೊಗಾಚೆಂ ತುಪಾನ್ 
ಉಟೊಂವ್ಕ್ ತುಂ ಯೆಗೊ
ಯೆಗೊ ತುಂ ಯೆಗೊ
ಕಾಳ್ಜಾಚಿ ರಾಣಿ ಜಾವ್ನ್ 
ಸೊಬೊಂವ್ಕ್ ತುಂ ಯೆಗೊ...

ಹಿವೆಚ್ಯಾ ದಿಸಾನಿ 
ಎಕ್ಸುರಾಯ್ ದಾಂವ್ಡೊಂವ್ಕ್
ಕಂಬೊಳ್ ಜಾವ್ನ್ ತುಂ ಯೆ ಗೊ
ದಗಿಚ್ಯಾ ದಿಸಾನಿಂ 
ಥಂಡಾಯ್ ಕರೊಂಕ್
ಕೂಲರ್ ಜಾವ್ನ್ ತುಂ ಯೆಗೊ
ಥಕುಲ್ಯಾ ಕುಡಿಕ್ ಪುರಾಸಣ್ ಕಾಡುಂಕ್
ಬೊಂಡ್ಯಾ ಉದಕ್ ಜಾವ್ನ್ ತುಂ ಯೆಗೊ
ವೊತಚ್ಯಾ ದಾವೆಕ್ ತಾಪುಲ್ಯಾ ತಕ್ಲೆಕ್
ರುಕಾಚಿ ಸಾವ್ಳಿ ಜಾವ್ನ್ ತುಂ ಯೆಗೊ

ಯೆಗೊ ತುಂ ಯೆಗೊ
ಮೊಗಾಚೆಂ ತುಪಾನ್ 
ಉಟೊಂವ್ಕ್ ತುಂ ಯೆಗೊ
ಯೆಗೊ ತುಂ ಯೆಗೊ
ಕಾಳ್ಜಾಚಿ ರಾಣಿ ಜಾವ್ನ್ 
ಸೊಬೊಂವ್ಕ್ ತುಂ ಯೆಗೊ...

ಕಾಳೊಕಾಚ್ಯಾ ರಾತಿಂ 
ಅಂದ್ಕಾರ್ ದಾಂವ್ಡೊಂವ್ಕ್
ಪುನ್ವೆಚೊ ಚಂದ್ರ್ ಜಾವ್ನ್ ತುಂ ಯೆ ಗೊ
ಘಾಯೆಲ್ಲ್ಯಾ ಕಾಳ್ಜಕ್ 
ವ್ಹಕಾತ್ ಸರೊಂವ್ಕ್
ಮುಲಾಮ್ ಜಾವ್ನ್ ತುಂ ಯೆ ಗೊ
ಏಕ್ಸುರ್ಯಾ ಜೀವಾನಾಕ್ 
ಆಸರ್ ಜಾಂವ್ಕ್
ಪತಿಣ್ ಜಾವ್ನ್ ತುಂ ಯೆ ಗೊ
ಜೀಣ್ಯೆ ಪಯ್ಣಾಕ್ 
ಸಾಂಗಾತಿನ್ ಜಾವ್ಚಾಂಕ್
ಅರ್ದಾಂಗಿಣಿ ಜಾವ್ನ್ ತುಂ ಯೆಗೊ....

ಯೆಗೊ ತುಂ ಯೆಗೊ
ಮೊಗಾಚೆಂ ತುಪಾನ್ 
ಉಟೊಂವ್ಕ್ ತುಂ ಯೆಗೊ
ಯೆಗೊ ತುಂ ಯೆಗೊ
ಕಾಳ್ಜಾಚಿ ರಾಣಿ ಜಾವ್ನ್ 
ಸೊಬೊಂವ್ಕ್ ತುಂ ಯೆಗೊ...

ಉತ್ರಾಂ  : ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ್
ಸಂಗೀತ್ ಆನಿ‌ ಗಾವ್ಪಿ :- ಅಶ್ವಿನ್ ಡಾಯಸ್ 
ವೀಡಿಯೊ ವಿನ್ಯಾಸಕ್ :- ಅನಿಲ್ ಡಿಸೋಜ 

ಚಡಿತ್ ಕವನಾ , ಪೊದಾಂ ಅಯ್ಕೊಂಕ್ ಆಮ್ಚೆಂ youtube  ಚ್ಯಾನಲ್ subscribe ಕರುಂಕ್  ಉಪ್ಕಾರ್ ಮಾಗ್ತಾಂ ..‌

https://www.youtube.com/watch?v=KN8myf-YY8U&feature=share&fbclid=IwAR1-akH9OhK9sJFGgsWtA285vqSqXZdfGXBcswuJsfeh0nzyG-BOwrK0xT4

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಯೆಗೊ ತುಂ ಯೆಗೊ

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/