ಪ್ರಸ್ತುತ್ ಕಾಳಾಚೆ ಜುದಾಸ್ .......

ಪ್ರಸ್ತುತ್ ಕಾಳಾಚೆ ಜುದಾಸ್ .......

ಕಳಿತ್ ಆಸ್ಲೆಲೆಂ ಜೆಜುಕ್ ತೆದ್ನಾಂ ತರಿ

ಏಕ್ ದೀಸ್ ಹೊ ಮ್ಹಾಕಾ ಪರಾಧೀನ್ ಕರಿ

ವಿಂಚುನ್ ತಾಕಾ ಚಲ್ಲೊ ತಾಚ್ಯಾ ಬರಾಬರಿ

ಅಖೇರಿಕ್ ತೊಚ್ ತಾಕಾ ಖುರ್ಸಾರ್ ಮಾರಿ

ಆಪ್ಲ್ಯಾ ಬೊಶಿಯೆಂತ್ ಹಾತ್ ಘಾಲ್ನ್ ಕೆಲ್ಯಾರಿ

ಬೊಗ್ಶಿಲೆಂ ಜೆಜುನ್ ತೊ ಏಕ್ ಘಾತ್ಕಿ ತರಿ

ಪೆಟ್ಯಾಚಿ ಶಿಮ್ಟಿ ತಿ ನಳ್ಯೆಂತ್ ಗಾಲ್ಯಾರಿ ವಾಂಕ್ಡಿಂಚ್ ಮ್ಹಳ್ಯಾಬರಿ

ಅಬ್ಲೆಶಾಕ್ ಲಾಗುನ್ ಜುದಾಸ್ ಜೆಜುಕ್ ವಿಕ್ರಿತ್ ಕರಿ ....

ಜಿಣ್ಯೆ ಪಯ್ಣಾರ್ ಮೆಳ್ತಾತ್ ಆಮ್ಕಾಂ ಸಬಾರ್ ಜುದಾಸಾಬರಿ

ಕಳಿತ್ ಆಸ್ತಾ ಆಮ್ಕಾಂ ತೆ ಘಾಲ್ತಿತ್ ಪಾಟಿಕ್ ಆಮ್ಚ್ಯಾ ಸುರಿ

ತರೀ ಬೊಸಯ್ತಾಂವ್ ತಾಂಕಾಂ ಆಮ್ಚ್ಯಾಚ್ ಮೆಜಾ ಭೊಂವಾರಿ

ಅಖೇರಿಕ್ ಆಮ್ಚೆಂ ನಾಂವ್ ವಿಬಾಡ್ತಾತ್ ತೆ ಸಮಾಜೆರಿ

ಪಡ್ಲೆಲ್ಯಾ ತಾಂಕಾಂ ವಯ್ರ್ ಉಕ್ಳುಂಚಾಕ್

ಸರ್ವಸ್ವ್ ಆಮ್ಚೆಂ ತಾಂಕಾಂ ಧಾನ್ ಕರ್ತಾಂವ್ ತರೀ

ವೊತ್ಲೆಲೆಂ ದೂದ್ ಪಿಯೇವ್ನ್ ಸೊರ್ಪಾಬರಿ,

ಆಮ್ಕಾಂಚ್ ಗುವೊನ್ ಬೊಂಚ್ ತೆ ಮಾರಿ‌.‌.

ಆಪ್ಣಾಚ್ಯಾ ನಾಂವಾಂಕಾತಿರ್ ಇಷ್ಟಾಕ್ ಗಳುನ್ ಸುರಿ

ತಾಚಿ ಚಿಂತ್ಪಾ ಸರ್ವ್ ತೊ ನಕಲ್‌ ಕರಿ

ಇಷ್ಟಾಚ್ಯಾಚ್ ತೊಂಡಾಕ್ ಪುಸುನ್ ಕರಿ

ಚಿಂತಾತ್ ಉಬೊಂಕ್ ವಯ್ರ್ ಅಂತ್ರಾಳಾರಿ

ದೀಸ್ ಮಾಜ್ವಾಲ್ಯಾರ್ ದಿಸಾಚಿ ವಾಡ್ ಮಾಜ್ವಾನಾತ್ಲ್ಯಾಬರಿ

ಮೆಜಾ ವಯ್ಲೆಂ ಕೆಳೆಂ ಕಾಡ್ನ್ ತಾಣಿ ಕಿತ್ಲೆಂ ಪಿಲ್ಯಾದ್ ಜೊಡ್ಲ್ಯಾರಿ‌

ಅಖೇರಿಕ್ ತಾಣಿ ಕೆಲ್ಲೆಂ ದಿಸೊನ್ ಯೆತೆಲೆಂ ಸಂಸಾರಾರಿ

ತಾಂಚ್ಯಾ ಗಳ್ಯಾಕಿ ಲಾಬ್ತೆಲಿ ತಿಚ್ ದೊರಿ, ಜುದಾಸಾಬರಿ

ಸುರೇಶ್ ಸಲ್ಡಾ‌ನ್ಹಾ, ಸಕಲೇಶ್ಪುರ್

***************************************************************************************

ಹ್ಯಾ ಪ್ರಸ್ತುತ್ ಕಾಳಾರ್, ಅಪ್ಣಾಚೆ ಮ್ಹಳ್ಯಾಕಿ ದುಸ್ರ್ಯಾಂಚೆ ನಕಲ್ ಕರ್ಚೆಂ, ಇಷ್ಟಾಗಾತಿಚೆ ಹಾತ್ ದೀವ್ನ್ ಘಾತ್ ಕರ್ಚೊ, ತಾಂಚ್ಯಾ ಸಂಗಿ ಅಸೊನಿ , ತಾಂಚ್ಯಾಂಚ್ ವ್ಯವಹಾರಾಂತ್ ಮೋಸ್ ಕರ್ಚೊ , ಎಕಾಚ್ ಪಂಗ್ಡಾಂತ್ ಅಸೊನಿ ಅನ್ಯೆಕ್ಲ್ಯಾಕ್ ವಾಯ್ಟ್ ಕರುನ್ ಅಪ್ಣಾಚೆಂ ನಾಂವ್ ಕಮೊಂವ್ಕ್ ಪಳೆಂವ್ಚೆಂ ..ಎಕ್ಲ್ಯಾಚಿ ಚಿಂತ್ಪಾ ನಕಲ್ ಕರ್ನ್ , ಅಪುಣ್ ಗ್ರೇಸ್ತ್ , ನಾವಾಡ್ದಿಕ್ ಜಾಂವ್ಕ್ ಚಿಂತ್ಚೆಂ ... ಅಸಲೆಂ ಅನಿಕೀ ಸಬಾರ್ ಆಮಿ ಪಳೆವ್ನ್ ಆಸಾಂವ್ ಆಮ್ಚ್ಯಾ ಭೊಂವಾರಿ , ಆಮ್ಚ್ಯಾ ಬೊಶಿಯೆಂತ್ಲೆ ಖಾವ್ನ್ ಆಮ್ಕಾಂಚ್ ವಿಕ್ರೀತ್ ಕರ್ಚೆ ದಿಸೊನ್ ಯೆತಾತ್ ಸಬಾರ್ ಆಮ್ಚೆ ಮಧೆಗಾತ್, ಜೆಜುಚ್ಯಾ ಶಿಸಾಂ ಪಯ್ಕಿ ಎಕ್ಲೊ ಜಾವ್ನ್ ಆಸ್ಲೆಲ್ಯಾ ಜುದಾಸಾಬರಿ, ಹ್ಯಾ ಕಾಳಾಚೆ ಜುದಾಸ್‌.‌‌‌‌‌‌‌‌‌.,..‌‌‌