ಕಶೆಂ ವರ್ಣುಂ ತುಜಿ ಸೊಭಾಯ್...

ಕಶೆಂ ವರ್ಣುಂ ತುಜಿ ಸೊಭಾಯ್...

ಸಂತೊಸನ್ ಖೆಳೊನ್
ಆಸ್ಲೆಲ್ಯಾ ದೊಳ್ಯಾಂಕ್
ದುಃಖಾಂಚಿ ರುಚ್ ದಾಕಯ್ಲೆಂ 
ಮೊಗಾಚೆಂ ಮಾಣಿಕ್ ತುಂ ......

ಹಾತಾಕ್ ಸಾಂಪ್ಡಾನಾತ್ಲೆಂ
ಫುಲ್ ತುಂ  ಜಾವೊನ್
ಘಡಿಯೆ ಘಡಿಯೆ ರಂಗ್ ಬದ್ಲಾಯ್ಲೆಂ
ಮೊಗಾಚೆಂ ಪಿಸೊಳೆಂ ತುಂ‌..

ಮೊಗಾಚ್ಯಾ ಭೊಗ್ಣಾನಿಂ
ವೆಂಗಾತ್ ರಾವೊನ್ 
ತಡಿಕ್ ಯೇವ್ನ್ ಅಪ್ಟಾಯಿಲ್ಲೆಂ 
ಮೊಗಾಚೆಂ  ಲಾರ್ ತುಂ 

ಜೀಕ್ಚ್ಯಾ ದಾಂವ್ಣೆರ್ ಅಸ್ಲೆಲ್ಯಾಕ್
ಸಲ್ವಣೆಚಿ ಸಾವ್ಳಿ ದಾಕೊವ್ನ್ 
ಜಿಣ್ಯೆಚಿ ದಿಶಾ ಬದ್ಲಾಯಿಲ್ಲೆಂ‌
ಮೊಗಾಚೆಂ  ನೆಕೆತ್ರ್ ತುಂ....

ಸದಾಂಚ್ ತುಕಾಚ್ ಚಿಂತೊನ್ 
ನೀದ್ ಭುಕ್ ನಾಸ್ತಾನಾ 
ಜಿವೆಂಚ್ ಲಾಸಾಯಿಲ್ಲೆಂ 
ಮೊಗಾಚೆಂ  ನಾಗಿಣ್ ತುಂ‌......‌...

:- ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ್

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಕಶೆಂ ವರ್ಣುಂ ತುಜಿ ಸೊಭಾಯ್...

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/