ಕಶೆಂ ಹಾಂವ್ ಪಾತ್ಯೆಂವ್ ತುಂ ಮ್ಹಜಿಚ್ ಸಾವ್ಳಿ ಮ್ಹಣೊನ್...?????

 ಕಶೆಂ ಹಾಂವ್ ಪಾತ್ಯೆಂವ್ ತುಂ ಮ್ಹಜಿಚ್ ಸಾವ್ಳಿ ಮ್ಹಣೊನ್...?????

ಹಾಂವೆ ನಾಕಾ ನಾಕಾ ಮ್ಹಳ್ಯಾರಿಯಿ

ಕಿತ್ಯಾಕ್ ಗೊ ಪಾಟ್ಲ್ಯಾನ್ ಮ್ಹಜ್ಯಾ ತುಂ ಯೆತಾಯ್ ?????

ಹಾಂವ್ ಆಮ್ಸೊರಾನ್ ಆಸಾಂ ಮ್ಹಳ್ಯಾರಿಯಿ

ಪಾಟಿಕ್ ಲಾಗೊನ್ ಮ್ಹಜೊ ಪಾರೊವ್ ಕಿತ್ಯಾಕ್ ಕರ್ತಾಯ್ ?????

ಸಾಂಗುಲ್ಯಾ ಉತ್ರಾಂಕ್ ಮಾಜ್ವೊಂಕ್ ಸೊಡಿನಾಸ್ತಾನಾ

ಹಾಂವೆ ಕಿತ್ಲೆಂ ಪರಾತ್ಲ್ಯಾರಿ ಪರತ್ ಪರತ್ ತುಂ ಯೇವ್ನ್ ಆಸಾಯ್

ಕುಶೆನ್ ತುಂ ಅಸಾಯ್ ಮ್ಹಣ್ ಹಾಂವ್ ಚಿಂತೊನ್ ಆಸ್ತಾನಾ...

ಖರ್ಕಟ್ಯಾ ವೊತಾಂತಿ ಸಾಂಗಾತ್ ಮಾಕಾ ದೀವ್ನ್ ಅಸಾಯ್

ಸಾಂಗ್ಲ್ಯಾರಿ ಆಯ್ಕೊಂಕ್ ನಾಂಯ್, ತ್ಯಾ ಖರ್ಕಟ್ಯಾ ವೊತಾಂತ್

ಪಾಟ್ಲಾವ್ ಮ್ಹಜೊ ಕರಿನಾಕಾ, ತುಕಾಚ್ ತುಂ ಲಾಸೆಯ್ನಾಕಾ..

ಸೊಬಾಯೆಕ್ ತುಜ್ಯಾ ಪರತ್ ಕಾಳೊ ತಿಬೊ ಲಾಯ್ನಾಕಾ

ಪರತ್ ಪರತ್ ಮಾಕಾ ಆದ್ಲ್ಯಾ ಚಿಂತ್ಣಾನಿ ಬುಡಯ್ನಾಕಾ....

ಅಜ್ ತುಂ ಸಂಗಿ ಆಸ್ಲ್ಯಾರಿಯಿ, ನಾ ಹಾಂವ್ ತುಕಾ ವೆಂಗುಂಕ್ ಸಕಾನಾ

ರೂಪ್ ನಾತ್ಲ್ಯಾ ತುಜಿ ಆತಾಂ ವ್ಹಳೊಕ್ ದರೊಂಕ್ ಹಾಂವ್ ಸಕಾನಾ

ಸೊಬಾಯ್ ನಾತುಲ್ಯಾ ತುಕಾ ಮ್ಹಜಿ ಸಾವ್ಳಿ ಮ್ಹಣ್ ಒಳ್ಕೊಂಕ್ ಸಕಾನಾ

ತರಿ ಮ್ಹಜ್ಯಾ ಜಿಣ್ಯೆಥಾವ್ನ್ ತುಕಾ ಕೆದಿಂಚ್ ವಿಸ್ರೊಂಕ್ ಸಕಾನಾ

ತೆದ್ನಾಂ ತುಜ್ಯಾ ವೆಂಗೆಂತ್ ಆಸ್ತಾನಾ ಸಂಸಾರ್ ವಿಸ್ರಾಲ್ಲೊಂ

ತುಂ ಸಂಗಿ ಆಸ್ತಾನಾ ಸರ್ಗ್ ಹಾತಿಂ ಮ್ಹಜ್ಯಾ ಲಾಬ್ಲೊಲ್ಲೊ

ತುಂ ವಿದಿಚ್ಯಾ ದಾವ್ಲೆಕ್ ಸಂಸಾರ್ ಸಾಂಡ್ತಾನಾ

ಹಾಂವ್ ಜಿವಂತ್ ಅಸೊನ್ ಮರಣ್ ಪಾವುಲ್ಲೊಂ

ಸದಾಂಚ್ ತುಂ ಯೆಶಿ ತರ್ ಉಜ್ವಾಡಾಂತ್ ಕಾಳ್ಶ್ಯಾ ರುಪಾರ್

ಪಾತ್ಯೆತೆಲೊಂ ತುಂ ಮ್ಹಜಿಚ್ ಸಾವ್ಳಿ ಮ್ಹಣೊನ್

ತೆಂಚ್ ತುಂ ಯೆಶಿ ತರ್ ಕಾಳೊಕಾಂತ್ ದೊವ್ಯಾ ರುಪಾರ್

ಕಶೆಂ ಹಾಂವ್ ಪಾತ್ಯೆಂವ್ ತುಂ ಮ್ಹಜಿಚ್ ಸಾವ್ಳಿ ಮ್ಹಣೊನ್...?????

: -ಸುರೇಶ್ ಸಲ್ದಾನ್ಹಾ, ಸಕಲೇಶ್ಪುರ್