ಸಂಗೀ ತುಂ ಆಸ್ತಾನಾ .....‌‌.

ಸಂಗೀ ತುಂ ಆಸ್ತಾನಾ .....‌‌.

ಸಂಗೀ ತುಂ ಅಸ್ತಾನಾ

ಸೊಬಾಯ್ ಮ್ಹಜಿ ವಾಡ್ತಾ

ಸಾವ್ಳಿ ತುಜಿ ಮ್ಹಜೆರ್ ಪಡ್ತಾನಾ

ಸಂಗೀ ತುಂ ಅಸ್ತಾನಾ

ಉಶ್ವಾಸ್ ಮ್ಹಜೊ ವಾಡ್ತಾ

ತುಜೊ ಉಶ್ವಾಸ್ ಮ್ಹಜೆಂ ಸಂಗೀ ಮೆಳ್ತಾನಾ

ಸಂಗೀ ತುಂ ಅಸ್ತಾನಾ

ಭುಖ್ ಮ್ಹಜಿ ಥಾಂಬ್ತಾ

ತುಜ್ಯಾ ಸೊಬಾಯ್ ಚಾಕ್ತಾನಾ

ಸಂಗೀ ತುಂ ಅಸ್ತಾನಾ

ಸಕತ್ ಮ್ಹಜಿ ವಾಡ್ತಾ

ತುಜ್ಯಾ ಹಾತಾಕ್ ದರ್ತಾನಾ

ಸಂಗೀ ತುಂ ಅಸ್ತಾನಾ

ತಾಳೊ ಮ್ಹಜೊ ಗಾಯ್ತಾ

ತುಜೆಂ ವರ್ಣನ್ ಕರ್ತಾನಾ

ಸಂಗೀ ತುಂ ಅಸ್ತಾನಾ

ಸಂಸಾರ್ ಹಾತಿಂ‌ ಲಾಬ್ತಾ

ತುಂಚ್ ಮ್ಹಜೊ ಸಂಸಾರ್ ಜಾತಾನಾ

ಸಂಗೀ ತುಂ ಅಸ್ತಾನಾ

ಚಂದ್ರ್ ತಾರಾಂ ದಿಸ್ತಾತ್

ತುಜ್ಯಾ ದೊಳ್ಯಾಂಕ್ ದೊಳೆ ಬೆಟ್ತಾನಾ

ಸಂಗೀ ತುಂ ಆಸ್ತಾನಾ

ಹಾಂವ್ ಸರ್ವ್ ವಿಸ್ರಾತಾಂ

ತುಂಚ್ ಮ್ಹಜೆಂ ಸರ್ವಸ್ವ್ ಜಾತಾನಾ .....

:- ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ (SSS)

(06.03.2020)