ಮೊಗಾಳ್ ನಿಕಿತಾ ಕುಟಿನ್ಹೊ

ಮೊಗಾಳ್ ನಿಕಿತಾ ಕುಟಿನ್ಹೊ

ಚಿಂತಾನಾ ರಡೊಂಕ್ ಯೆತಾ
ದೆಖ್ತಾನಾ ಮ್ಹನ್ ಹೆಂ ಕಡ್ತಾ 
ವಿಧಿಚ್ಯಾ ಖೆಳಾಕ್ ತುಂ ಬಲಿ ಜಾಲ್ಯಾ ವಗ್ತಾ
ಕಾಳಿಜ್ ಹೆಂ ಲಾಸೊನ್ ಯೆತಾ.

ಭಯ್ಣಿ ವೆತೆಲೆಂಯ್ ತುಂ ಕಾಲೇಜಿಕ್
ಬಲಿ ಜಾಲೆಂಯ್ ತುಂ ರಸ್ತ್ಯಾ ಅವ್ಗಡಾಕ್
ಆಶೆಲ್ಲೆಂಯ್ ತುಂ ಉತ್ತಿಮ್ ಪುಡಾರಾಕ್
ಖಾಂದ್ ದಿಲೊಯ್ ದೆವಾಚ್ಯಾ ನಿರ್ಮೊನ್ಯಾಕ್

ಘರಾಂತ್ಲೊ ದಿವೊ ಆಜ್ ಪಾಲ್ವಾಲೊ
ರಸ್ತ್ಯಾನ್ ತುಜೆರ್ ಜಬರ್ ದಸ್ತ್ ಖೆಳ್ ಖೆಳ್ಳೊ
ದೊಳೆ ದಾಂಪೊನ್ ಉಗಾಡ್ಚ್ಯಾ ಬಿತರ್
ಕಾರಾನ್ ತುಕಾ ಯೇವ್ನ್ ಗ್ರಾಸಿಲೊ

ಯೆ ದೆವಾ ಘಡಿತ್ ತೆ ದೆಖ್ತಾನಾ
ದೊಳ್ಯಾನಿಂ ಭರೊನ್ ಯೆತಾತ್ ದು:ಖಾಚಿ ಲಾರಾಂ
ತುಂ ಆಜ್ ಸರ್ಗಾರ್ ಅಂಜ್ ಬೊಡ್ವಾ ಸಂಗಿ ಖೆಳ್ತಾನಾ
ಸಂತೊಸನ್ ಪರ್ಜಳ್ತಾತ್ ಆಕಾಶಿ ತಾರಾಂ

ತುಜ್ಯಾ ಆಕಾಲಿಕ್ ಮರ್ಣಾನ್
ಖೊಸ್ಳೊನ್ ಗೆಲಾಂ ಸರ್ವಾಚೆಂ ಮ್ಹನ್
ಕಾಳಿಜ್ ಕಡ್ತಾ ಆಯ್ಕಾತಾನಾ ತುಜ್ಯಾ ಆವಯ್ಚೆಂ ರುದಾನ್ 
ಭಯ್ಣಿ ಮ್ಹಜ್ಯಾ ಪರತ್ ಯೆ ತುಂ ಪುನರ್ ಜಲ್ಮಾನ್

ದೆವಾ ಬಾಪಾ ಘೆ ದುವೆಕ್ ತುಜ್ಯಾ ಗೊಪಾಂತ್ 
ಭರ್ ತಾಚ್ಯಾ ಕುಟ್ಮಾಕ್ ಶಾಂತಿ ಸಮಾದಾನೆಂತ್
ಮಾಗ್ತಾಂವ್ ಸರ್ವ್ ಆಮಿ ಸರ್ಪೊಡೊನ್ ದಿಂಬಿಯೆಂತ್
ದಿ ತಾಕಾ ಜಾಗೊ ಮ್ಹಣ್ ತುಜ್ಯಾ ಸರ್ಗಾರಾಜಾಂತ್

ಮೊಗಾಚಿ ಶದ್ದಾಂಜಲಿ ಬೆಟೆಯ್ತಾ : ಸುರೇಶ್ ಸಲ್ಡಾನ್, ಸಕ್ಲೇಶ್ಪುರ್, (ಪನ್ವೆಲ್)

May her soul Rest in Peace.