ಆದೇವ್ಶ್ ಗೀತ್ - ಫಾದರ್ ಆಶೋಕ್ ಗೊನ್ಸಾಲ್ವಿಸ್

(ಭೊವ್ ಮಾನಾಧಿಕ್ ಬಾಪ್ ಆಶೋಕ್ ಗೊನ್ಸಾಲ್ವಿಸಾಕ್ ಸಾಂ. ಪಾವ್ಲು ಇಗರ್ಜ್ ಮುಸಾಫಾಥಾವ್ನ್ ಆದೇವ್ಸ್ ಮಾಗ್ಚ್ಯಾ ವಗ್ತಾ ಹೆಂ ಗೀತ್ ಗಾಯ್ಲೆಲೆಂ ಜಾವ್ನಾಸಾ.)

ಆದೇವ್ಶ್ ಗೀತ್

ಚ!! ಫಾದರ್ ಆಶೋಕ್ ಗೊನ್ಸಾಲ್ವಿಸ್
ಸಂಗಿ ಖರ್ಚಿಲ್ಲೆ ಸಬಾರ್ ದೀಸ್
ಭೊವ್ ಅಪುರ್ಬಾಯೆಚೆಂ ತುಮ್ಚೆಂ ತೆಂ ಮೀಸ್
ಅಮರ್ ಉರ್ತೆಲ್ಯಾತ್ ಕಾಳ್ಜಾಂತ್ ಸದಾಂದಿಸ್

1. ದೊಳ್ಯಾನಿಂ ವಾಳ್ತಾತ್ ದುಃಖಾಝರಿ
ಕಾಳಿಜ್ ಹೆಂ ಲಾಸೊನ್ ಯೆತಾ ಉಜ್ಯಾಬರಿ
ಆಸ್ಲೆಲ್ಯಾತ್ ತುಮಿ ಏಕಾ ಭಾವಬರಿ
ಉಗ್ಡಾಸ್ ಕಾಡ್ತೆಲ್ಯಾಂವ್ ತುಮ್ಚೊಂ ನಿರಂತರಿ

2. ಉಜ್ವಾಡ್ಲಾತ್ ತುಮಿ ಚಂದ್ರೆಮಬರಿ
ಪರ್ಜಳ್ಯಾತ್ ತುಮಿ ನೆಕೆತ್ರಾಂಬರಿ
ನಾ ಕೋಣಿ ಮೆಳ್ಚೊನಾ ತುಮ್ಚೆಂ ಬರಿ
ಮ್ಹನ್ ತೆಂ ತುಮ್ಚೆಂ ದುದಾ- ಮೊಂವಾಬರಿ

ಚ!! ಫಾದರ್ ಆಶೋಕ್ ಗೊನ್ಸಾಲ್ವಿಸ್..........
ಅಮರ್ ಉರ್ತೆಲ್ಯಾತ್ ಕಾಳ್ಜಾಂತ್ ಸದಾಂದಿಸ್

3. ಯು.ಎ.ಇಂತ್ ನವಾಲ್ ತುಮಿ ಘಡ್ಲೆಂ
ಸರ್ವ್ ಕೊಂಕ್ಣಿ ಮೊಗಿಂಕ್ ಸಂಗಿ ತುಮಿ ಹಾಡ್ಲೆಂ
ಮುಸಾಪ್ಪಾಚೆಂ ನಾಂವ್ ತುಮಿ ಉಂಚ್ ವೆಲೆಂ
ಸರ್ವಾಂಚ್ಯಾ ಕಾಳ್ಜಾಂತ್ ಅಮರ್ ಕೆಲೆಂ

4. ಮೊಗಾಳ್ ಆತ್ಮಿಕ್ ಭಾಪ್ ಜಾವೊನ್
ಕಷ್ಟಾಂ ಸುಖಾಂತ್ ಆಮ್ಚೆಂ ಸಂಗಿ ರಾವೊನ್
ವಾವುಲ್ಲ್ಯಾತ್ ತುಮಿ ಹಾತಕ್ ಹಾತ್ ದಿವೊನ್
ನಾವಾಡ್ಲ್ಯಾತ್ ಕೊಂಕ್ಣಿ ದಿವಸ್ ಆಚರ್ಸುನ್

ಚ!! ಫಾದರ್ ಆಶೋಕ್ ಗೊನ್ಸಾಲ್ವಿಸ್..........
ಅಮರ್ ಉರ್ತೆಲ್ಯಾತ್ ಕಾಳ್ಜಾಂತ್ ಸದಾಂದಿಸ್

5. ಮಿಸಾಂವ್ ವಾವ್ರ್ ತುಮ್ಚೊ ಹಾತಿಂ ಘೆವೊನ್
ಪುಡೆಂ ಸರ್ಲ್ಯಾತ್ ವ್ಹಡಿಲಾಂಕ್ ಖಾಲ್ ಜಾವೊನ್
ಜಯ್ತ್ ಮಾಗ್ತಾಂವ್ ತುಮ್ಚ್ಯಾ ಮುಕ್ಲ್ಯಾ ವಾವ್ರಾಂತ್
ಸದಾಂಚ್ ಉಗ್ಡಾಸ್ ದವರಾ ಆಮ್ಚೊ ತುಮ್ಚ್ಯಾ ಮಾಗ್ಣ್ಯಾಂತ್

ಚ!! ಫಾದರ್ ಆಶೋಕ್ ಗೊನ್ಸಾಲ್ವಿಸ್..........
ಅಮರ್ ಉರ್ತೆಲ್ಯಾತ್ ಕಾಳ್ಜಾಂತ್ ಸದಾಂದಿಸ್

ಉತ್ರಾಂ : ✍ ಸುರೇಶ್ ಸಲ್ಡಾನ್, ಪನ್ವೆಲ್ - ಅಬುಧಾಬಿ.
ಸಂಗೀತ್ : ಆಶ್ವಿನ್ ಡಾಯಸ್ , ಸಾಗರ್ - ಅಬುಧಾಬಿ. 
ಸೊಲೊ ಗಾವ್ಪಿ : ಮೊನಿಶಾ, ರಾಜು, ಜಾಸ್ಮಿನ್, ಮನೋಜ್ , ಜೆನಿಪರ್ ಆನಿ ಸುನಿತಾ,,
ಗಾವ್ಪಿ ಪಂಗಡ್ : ಜೆಸಿಂತಾ , ಮೊನಾಲ್ , ಎನೆಡ್ , ಅನಿತಾ , ಸಿಂಪ್ಸನ್ ಆಶ್ವಿನ್ . ಮೊವಿನ್ , ರೋಶನ್ ಆನಿ ಎರೆಲ್