ತುಜ್ಯಾ ವೊಡ್ತಾಂತ್

ತುಜ್ಯಾ ವೊಡ್ತಾಂತ್.....

ಎ ಚೆಡ್ವಾ .. ..

ಮ್ಹಜಿ ದೀಶ್ಟ್ ತುಂ ಜಾಶಿ ತರ್

ತುಜಿ ನಜರ್ ಹಾಂವ್ ಜಾತೊಲೊಂ..

ಮ್ಹಜ್ಯಾ ಕಾಳ್ಜಾಂತ್ ತುಂ ಯೆಶಿ ತರ್

ತುಜಿ ಕಾಳ್ಜಾ ಉಡಿ ಹಾಂವ್ ಜಾತೊಲೊಂ

ದೊಳ್ಯಾನಿಂ ತುಜ್ಯಾ ಮೌನ್ಪಣಿ ಉಲೊಂವ್ಚೆಂ 

ಆಜ್ ಉಲೊವ್ಣ್ ಮನ್ ಮ್ಹಜೆಂ ಪಿಸ್ವೊಂಚೆಂ..

ಹಟ್ ಕಿತ್ಯಾಕ್ ಕರ್ನ್ ಆಸಾಯ್...????

ತುಜ್ಯಾ ಮೌನ್ಪಾಣಾಚ್ಯಾ 

ಗುಂಡ್ ಸಾಗೊರಾಂತ್  ಬುಡೊವ್ನ್

ಕಶ್ಟಾನಿಂ ತಡಿಕ್ ಯೆಂವ್ಕ್ ಉಪ್ಯೆವ್ನ್ 

ಆಸುಲ್ಯಾ ಮಾಕಾ

ಆಜ್ ತುಜಿಂ ಉತ್ರಾಂ ಆಯ್ಕಾತಾಚ್...

ಮ್ಹಜ್ಯಾ ತೊಂಡಾಥಾವ್ನ್ ಉತ್ರಾಂಚ್ ಸುಟ್ಲಿನಾಂತ್...

ಎ  ಸೊಬಿತ್ ಸುಂದರ್ ಸಾಳ್ಕಾ

ಬೊವ್ ಸುರ್ಸುಡಿತ್ ತಾಳ್ಕಾ...

ಮ್ಹಜೆಂ ಕಾಳಿಜ್ ಸೊರುಲ್ಯಾ ಮಾಣ್ಕಾ..

ಮ್ಹಜ್ಯಾ ಜಿವಿತಾಚೆಂ

ಚಂದ್ರ್ ನೆಕೆತ್ರ್ ತುಂ ಜಾ ಗೊ..

ತುಜ್ಯಾ ವೊಡ್ತಾಂತ್ ಮಾಕ ಸೊಬಾಯ್ ಗೊ

ಮ್ಹಜ್ಯಾ ಜಿಣ್ಯೆ ಪಯ್ಣಾರ್ ಸಾಂಗಾತಿಣ್ ಜಾ ಗೊ

: -ಸುರೇಶ್ ಸಲ್ಡಾನ್, ಪನ್ವೆಲ್ - ಅಭುದಾಬಿ