ಮಾರ್ಗಾಯ್....

ಮಾರ್ಗಾಯ್....

ಬರಯ್ಲೆಂ ಪತ್ರ್ 

ವರ್ಣುನ್ ತುಜ್ಯಾ ಗುಣಾಂಚೆ

ಕುಶೆನ್ ತುಂವೆ

ಮಾಗ್ಲೆಂಯ್ ಜಾಯ್ ಮ್ಹಣ್ ಕಾನಾಚೆಂ….

ಸಿಂಪ್ಡಾಯ್ಲೆಂ ಜಾಳ್ ಮೊಗಾಚೆಂ

ಸಾಂಗ್ಲೆಂಯ್ ಖಬ್ಲಾತ್ ದಿಜೆ ತರ್ 

ಹಾಡ್ ಮ್ಹಣ್ ಕಾಂಕಾಣ್ ಭಾಂಗಾರಾಚೆಂ…..

ಆಶೆಲೊ ಹಾಂವ್

ಮೊಗಾ ಗಜಾಲಿ ಕರೊಂಕ್ ಗುಡ್ಯಾ ತುದಿಯೆರ್

ಸಾಂಗ್ಲೆಂಯ್ ತುಂವೆ 

ಸೊಭಾಯ್  ಬೊಟ್ ಮ್ಹಜೆಂ ವಜ್ರಾ ಮುದಿಯೆರ್…..

ಮೊಗಾನ್ ವಿಸರ್ಲೆಂಯ್ ತುಂವೆ 

ಕಿತ್ಲೆಂ ಕೀಸ್ ದೀಂವ್….???

ತೆದ್ನಾಂ ಮ್ಹನ್ ಮ್ಹಜೆಂ ಮ್ಹಣಾಲೆಂ 

ಹ್ಯಾ ಚೆಡ್ವಾಥಾವ್ನ್ ಪಯ್ಸ್ ತುಂ ದಾಂವ್……

ಕಿತ್ಯಾಕ್ ಗಿ ಮ್ಹಳ್ಯಾರ್........

ಮೊಗಾರ್ ಪಡ್ಚ್ಯಾ ಪಯ್ಲೆಂಚ್

ಇತ್ಲೆಂ ಪಿಳುಲ್ಲೆಂ ತುಕಾ....

ಕೀಸ್ ದಿಲ್ಯಾ ಉಪ್ರಾಂತ್ 

ಪುಡ್ವ್ಯಾ ಶಿವಾಯ್ 

ಕಿತೆಂಚ್ ಉರ್ಚೆನಾ ತುಕಾ.....

:- ಸುರೇಶ್ ಸಲ್ಡಾನ್, ಪನ್ವೆಲ್.