ವಿಧಿಚೊ ಖೇಳ್
ಸಾಂಜೆಚ್ಯಾ ವ್ಹೆಳಾರ್ , ಪ್ರಶಾಂತ್ ಹವ್ಯಾರ್
ದರ್ಯಾಂತ್ಲ್ಯಾ ಲಾರಾಂನಿ ಹಾಂವ್ ಖೆಳಾತ್ ಆಸ್ತಾನಾ...
ಸುರ್ಯೊ ತೊ ಮೊಳ್ಬರ್ ಬಾಂಗಾರಾ ರುಪಾರ್
ಪರ್ಜಳೊನ್ ದರ್ಯಾಂತ್ ಮಾಯಾಕ್ ಜಾತಾನಾ....
ಪಾಯ್ಜಾನಾಚ್ಯಾ ಆವಾಜಾಕ್ ದೀಶ್ತ್ ಮ್ಹುಜಿ ಘುಂವ್ಡೆಯ್ತಾನಾ
ಲಾಂಬ್ ಕೇಶ್, ನಿಳ್ಸೆ ದೊಳೆ, ಗಾಲಾರ್ ತುಜ್ಯಾ ದಿಂಪಲ್ ದೆಖ್ತಾನಾ
ನಜ್ರೆಕ್- ನಜ್ರೆ ಮೆಳೊವ್ನ್ ಹಾಸೊ ಆಮಿ ಪಾಟಾಯ್ತಾನಾ...
ಏಕ್ಸುರ್ ಪಣಾಕ್ ಲಾಗೊನ್ ಎಕಾಮೆಕಾಚೊ ಸಾಂಗಾತ್ ಅಶೆತಾನಾ...
ಉಲಯಿತ್ ಗೆಲ್ಯಾಂವ್ ಆಮಿ ವ್ಹೆಳಾಚೊ ಪರ್ವಾ ಕರಿನಾಸ್ತಾನಾ..
ಸುರ್ಯೊ ಲಿಪೊನ್ ಮೊಳ್ಬರ್ ಚಂದ್ರೆಮ್ ಉದೆವ್ನ್ ಯೆತಾನಾ...
ದುಖ್ಲೆಲ್ಯಾ ಕಾಳ್ಜಂಕ್ ಆಮ್ಚ್ಯಾಂ ಮೊಗಾಚೆಂ ಮುಲಾಮ್ ಪುಸ್ತಾನಾ...
ಪಯ್ಲ್ಯಾ ಭೆಟೆನ್ ಆಮ್ಚೆಂ ಥಂಯ್ ಮೊಗಾಚೆಂ ಬಿಂ ಕಿರ್ಲಾತಾನಾ...
ದೀಸ್ ವೆತಾ ವೆತಾಸ್ತಾನಾ ಮೋಗ್ ಆಮ್ಚೊ ವಾಡಾತ್ ವ್ಹೆತಾನಾ
ಬೈಕಾರ್ ಅಮಿಂ ಭಂವ್ತೆಲ್ಯಾಂವ್ ಕೊಣಾಚಿ ಪರ್ವ ಕರಿ ನಾಸ್ತಾನಾ
ಅಚಾನಾಕ್ ಜಾಲ್ಯಾ ಅವ್ಗಡಾಕ್ ತಕ್ಲಿ ತುಜಿ ಮಾರ್ಗಾಕ್ ಅಪ್ಡಾತಾನಾ
ದು;ಖಾ ಸಾಗೊರಾಂತ್ ಬುಡ್ಲೊಂ ಹಾಂವ್ ತುಂ ವಿದಿಚ್ಯಾ ಖೆಳಾಕ್ ಸಾಂಪ್ಡಾತಾನಾ
ಆಜುನಿ ಬಸೊನ್ ಆಸಾಂ ಹಾಂವ್ ತ್ಯಾಚ್ ದರ್ಯಾ ತಡಿರ್
ಆಶೆವ್ನ್ ಆಸಾಂ ಹಾಂವ್ ಯೆತೆಲೆಂಯ್ ಮ್ಹುನ್ ಲಾರಾಂ ರುಪಾರ್
ಸೊದೊನ್ ತುಕಾ ಅಸಾ ತ್ಯಾ ನಿಳ್ಸ್ಯಾ ಮೊಳ್ಬರ್,
ವಿಸ್ರೊಂಕ್ ಆಶೆತಾ ಏಕ್ಸುರ್ ಪಣ್ ಮ್ಹುಜೆಂ ನಿದೊನ್ ತುಜ್ಯಾ ಮೊವಾಳ್ ಉಸ್ಕ್ಯಾರ್...
ಬರೆಯ್ಣಾರ್ : ಸುರೇಶ್ ಸಾಲ್ಡಾನ್ ಪನ್ವೆಲ್...ಅಬುದಾಭಿ...
