ಖ್ಯೆಂ ಲಿಪ್ಲ್ಯಾಯ್ ಮೊಗಾ ತುಂ..

ನಿಳ್ಯಾ ಗಗನಾರ್

ದೊಂವ್ಚ್ಯಾ ಕುಪಾನಿಂ

ಲಿಪ್ಚ್ಯಾ ಚಂದ್ರೆಮಾಬರಿ...

.

ಮೊಗಾರ್ ಆಮಿ ಆಸ್ತಾನಾ...

ಆಸುಲ್ಯಾಂವ್ ಅಮಿ...

ಕಾಜುಚ್ಯಾ ಬಿಯೆಬರಿ

ಏಕಾಮೆಕಾಕ್ ಲಾಗೊನ್

ಅಂಬ್ಯಾಂತ್ಲ್ಯಾ ಪಾರಿಬರಿ

ಏಕಾಮೆಕಾಕ್ ವೆಂಗುನ್

ಪಣ್ಸಾಚ್ಯಾ ಪಾಂಕಾಬರಿ

ಏಕಾಮೆಕಾಕ್ ಘಡ್ಸುನ್...

ತುಜ್ಯಾ ವೆಗ್ಳಾಚಾರನ್ ಮೊಗಾ......

ಜಾಲಾಂ ಹಾಂವ್ ..

ಪಾಕಟೆ ನಾತುಲ್ಯಾ ಸುಕ್ಣ್ಯಾಬರಿ

ಮೊಂವ್ ನಾತುಲ್ಯಾ ಪೆಲೆಬರಿ

ಘಡಾಯ್ ನಾತುಲ್ಲ್ಯಾ ಕೆಂಳ್ಬ್ಯಾಬರಿ

ಗೊಡ್ಸಾನ್ ನಾತುಲ್ಯಾ ಕಾಜುರಾಬರಿ

ಸದಾನಿತ್ ಯಾದ್ ತುಜಿ ದೊಸ್ತಾ...

ಆದ್ಲೆಂ ಚಿಂತಾನಾ ಕಾಳಿಜ್ ಲಾಸ್ತಾ

ತುಜೆಂ ವಿಣೆಂ ಜಿವಿತ್ ನಾಕಾ ಮ್ಹುನ್ ದಿಸ್ತಾ

ರಾಕೊನ್ ಅಸಾ ಮೆಳ್ತೆಲೆಂಯ್ ಮ್ಹಣ್

ಯ್ಯಾ ಮೊಂತಿ ಪೆಸ್ತಾ....

 : - ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ


Published in  :  Aankri .com