ಅಂಕ್ವಾರ್ ಪಣಾಚೆ ಅಖೇರಿಚೆಂ ನಾಣ್

ಆದಿಂ.....

ಕಿರ್ಗಿ ಬಾಜು , ನಿತಳ್ ನೆಸ್ಪಾರ್

ಬಾರಾ ಡೆಡೆ - ಡೆಡಿಯಾಂಚ್ಯಾ ಬಗ್ಲೆರ್

ಹೊಕಾಲ್-ಹೊರೆತ್ ಬಸ್ತಾಲಿಂ ಸೊಪ್ಯಾರ್

ರೋಸ್ ಪುಸ್ಚ್ಯಾಕ್ ಅಪ್ಲ್ಯಾ ಮಾತ್ಯಾರ್

ಪಾಯ್ಶಿಂಬರ್ ವೊವಿಯೊ ಸಾಂಗೊನ್

ಹೊಕಾಲ್-ಹೊರೆತಾಕ್ ಜಾಣ್ವಾಯ್ ದಿವೊನ್

ಸರ್ಗಿಂ ಬಾಪಾಚೊ ಉಗ್ಡಾಸ್ ಕಾಡುನ್

ರೋಸ್ ಪುಸ್ತಾಲಿಂ ವ್ಹಡಾ ಭಕ್ತೆನ್

ಹಿತ್ಲಾಂತ್ ಮ್ಹುರುಲ್ಲೊ ಕಾಜುಚೊ ಹಾಡೊನ್

ಯೆಜ್ಮಾನ್ ವಾಂಟ್ತಾಲೊ ಲಿಪೊನ್ ಲಿಪೊನ್

ಮಾಮ್- ಬಪ್ಲೆ ಮುಂಡಾಸ್, ಕಚ್ಚೆಂ ಬಾಂದೊನ್

ನಾಚ್ತಲೆ ಬ್ಯಾಂಡಾಚೊ ಸುಂದರ್ ನಾದ್ ಆಯ್ಕೊನ್

ಅತಾಂ.....

ಟಿ- ಶರ್ಟ್ ಬರ್ಮುಡಾ ಗಾಲೊನ್

ಅರ್ದೆಂ ಉಗ್ತೆಂ ಆಂಗ್ ದಾಖೊವ್ನ್

ಲ್ಹಾನ್ ಎಕ್ ಕ್ರಿಕೆಟ್ ಟೀಮ್ ಘೆವೊನ್

ರೋಸ್ ಪುಸ್ತಾತ್ ಕದೆಲಾರ್ ಬಸೊನ್

ಪಯ್ಶಾಂಕ್ ವೊವಿಯೊ ಸಾಂಗೊವ್ನ್

ಅರ್ಟಿಪಿಶಲ್ ವೊಜೆಂ ಹಾಡೊವ್ನ್

ಬಿಯರ್ - ತಾಂತಿ ಮಾತ್ಯಾಕ್ ಮಾರೊನ್

ರೋಸ್ ಪುಸ್ತಾತ್ ಏಕ್ ಫೆಶ್ಯಾನ್ ಮ್ಹಣೊನ್

ಕೊನ್ಶ್ಯಾರ್ ಉಗ್ತೆಂ ಬಾರ್ ಉಗಡುನ್

ಫುಕಾಟ್ಯಾಚೊ ನಾಕ್ ಬರ್ ಘೊಟೊನ್

ಯೆಜ್ಮಾನಾ ಸಂಗಿ ಸಕ್ಕಡಿ ಟೈಟ್ ಜಾವುನ್

ನಾಚ್ತಾತ್ ಏಕಾಮ್ಹೆಕಾಕ್ ವೆಂಗೆಂತ್ ಘೆವುನ್

ರೋಸ್ ಜಾವ್ನಾಸಾ ಅಂಕ್ವಾರ್ಪಾಣಾಚೆ ಆಖೇರಿಚೆಂ ನಾಣ್

ಬಿಯರ್, ಶಾಂಪೆನ್, ತಾಂತಿ ಮಾರ್ನ್, ಕರಿನಾಕಾ ತೆಂ ಘಾಣ್

ಉರೊಂವ್ಕ್ ಪಳೆಗ್ ಆಪ್ಲ್ಯಾ ಕೊಂಕಣ್ ಮಾಯೆಚೊ ಮಾನ್

ಹೆಂ ಜಾವ್ನಾಸಾ ಆಮ್ಚ್ಯಾ ಮಾಲ್ಗಡ್ಯಾಂಚೆ ಸ್ವಪಾಣ್....

  ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ 

Published in :  http://aankri.com/